SHFMU “Nuhi Gashi”, Bradash

Në shkollën tonë u mbajt mbledhja e këshillit të mësimdhënësve me ç'rast u diskutua për realizimin e planprogramit mësimor për këtë vit shkollor,poashtu u diskutua rreth suksesit të nxënësve me ç'rast drejtori theksoi se gjatë këtij viti shkollor nxënësit e shkollës sonë falë punës së palodhshme të mësimdhënësve fituan katër tituj duke u renditur të parët në nivel komunal si dhe në nivel vendi.
Drejtori i shkollës i falënderoi të gjithë mësimdhënësit për vijimin,angazhimin, bashkëpunimin dhe sukseset e arritura me nxënës për secilën klasë dhe secilën lëndë mësimore,duke shpresuar se në të ardhmen poashtu shkolla jonë do të jetë shembull i sukseseve.

Njoftohen nxënësit e klasave të nënta se testi i arritshmërisë mbahet të premten më 26.06.2026.
Testi mbahet në shkollën "Ibrahim Rugova"-kati i parë.
Nxënësit duhet të marrin me vete laps grafik(1-2) dhe një shishe me ujë për pije.
Suksese!

Urim nga kolektivi i shkollës:

I nderuar Drejtor, kolektivi i shkollës ju uron nga zemra ditëlindjen! Ju dëshirojmë shëndet të plotë, lumturi, suksese të vazhdueshme dhe mbarësi në çdo hap të jetës suaj personale dhe profesionale. Gëzuar ditëlindjen! 🎉🎂

Sot, mësuesja Arjeta Zeqiri u përshëndet me nxënësit e saj të klasës së pestë, me zemrën plot emocione. Pas një rrugëtimi të bukur të mbushur me mësime, buzëqeshje dhe kujtime të paharrueshme, erdhi momenti i ndarjes. Të dashur nxënës, do të mbeteni gjithmonë një pjesë e veçantë e zemrës së mësueses suaj. Ju priftë e mbara në çdo hap të jetës! 📚🌸

🎓🎓🎓🎓🎓🎓🎓🎓🎓🎓
Sot mbyllet një kapitull i bukur i udhëtimit tonë në klasën e pestë, me shumë emocione, kujtime dhe krenari.
U themi nxënësve tanë:
Rrugë të mbarë në hapat tuaj të rinj drejt dijes!
Ju uroj suksese të pafundme dhe një të ardhme të ndritur.
Mësimdhënësi: Valon Rekaliu
🎓🎓🎓🎓🎓🎓🎓

NJOFTIM

Bazuar në Ligjin për Arsimin Parauniversitar, në UA nr. 01/2025 për festat dhe sipas Kalendarit për Vitin Shkollor 2025/2026, njoftohen të gjithë nxënësit, prindërit dhe mësimdhënësit e SHFMU "Nuhi Gashi"se më 12 qershor 2026 (e premte), me rastin e Ditës së Paqes (Ditës së Çlirimit të Kosovës), nuk do të zhvillohet procesi mësimor.

Lavdi dëshmorëve dhe martirëve të kombit!

Gëzuar Ditën e Çlirimit! 🇽🇰

Me respekt,
Drejtori:Agim Zeqiri

Drejtori i SHFMU"Nuhi Gashi"në Bradash,Agim Zeqiri i ndau mirënjohje për nxënëset Malsore dhe Malvesa Sylejmani si dhe për mësimdhënësen Ardita Ahmeti,të cilat fituan vendin e parë në Kosovë në fushën e artit.Drejtori duke i falënderuar për sukseset e arritura theksoi se kjo është një e arritur e madhe për shkollën tonë,fshatin Bradash,komunën e Podujevës dhe Kosovën.

Festa e Abetares dhe 1 Qershori 🎉📚

Në një atmosferë të mbushur me gëzim, emocion dhe buzëqeshje, nxënësit e paraleles së ndarë shënuan Festën e Abetares dhe Ditën Ndërkombëtare të Fëmijëve me një program të pasur artistik.

Përmes recitimeve, këngëve, valleve dhe pikave të ndryshme artistike, nxënësit treguan talentin, kreativitetin dhe punën e tyre gjatë vitit shkollor. Kjo festë ishte një moment i veçantë për të kujtuar hapat e parë në botën e dijes dhe për të festuar pafajësinë, lumturinë dhe ëndrrat e fëmijërisë.

Falënderojmë prindërit për mbështetjen e vazhdueshme, stafin e shkollës për bashkëpunimin dhe, mbi të gjitha, nxënësit tanë të mrekullueshëm që e zbukuruan këtë ditë me energjinë dhe buzëqeshjet e tyre.

Urime Festa e Abetares dhe 1 Qershori! 🌷

Paralelja e ndarë

Festë e Abetares🔤

Nën organizimin e mësueses Ylfete Revuçi Hoti, u mbajt me shumë sukses Festa e Abetares, një aktivitet i mbushur me gëzim, emocione dhe kreativitet. Nxënësit interpretuan me përkushtim recitime, këngë dhe valle, duke treguar njohuritë dhe aftësitë e fituara gjatë vitit shkollor.

Përmes pikave të ndryshme artistike dhe edukative, ata prezantuan shkronjat, numrat, trupat gjeometrikë, ditët e javës, muajt e vitit dhe stinët e vitit. Performancat e tyre u duartrokitën nga të pranishmit dhe pasqyruan punën, përkushtimin dhe përparimin e nxënësve gjatë këtij rrugëtimi të rëndësishëm mësimor.

Kjo festë shënoi një moment të veçantë në jetën shkollore të fëmijëve, duke kremtuar hapat e tyre të parë drejt dijes dhe dashurisë për mësimin. Falënderojmë mësuesen Ylfete Revuçi Hoti për organizimin e shkëlqyer dhe të gjithë ata që kontribuuan në realizimin e kësaj dite të paharrueshme. 🌸📚🎉

Krenarë me nxënëset e shkollës sonë Malsore dhe Malvesa Sylejmani, të cilat me punimin e tyre përfaqësuan denjësisht Komunën e Podujevës.

🏆 Vendi i parë në nivel shtetëror në fushatën kundër duhanit.

Urime për këtë sukses të jashtëzakonshëm dhe përkushtimin e treguar!