SHFMU "Jetullah Gashi" Dobërdol - Podujevë

Në shkollën tonë u shënua Festa e Abetares, një ditë e veçantë për nxënësit e klasave të para. Me programin e përgatitur me shumë përkushtim, ata treguan njohuritë dhe aftësitë e fituara gjatë këtij viti shkollor, duke e bërë këtë festë të mbushur me gëzim dhe emocione.

Abetarja ishte shoqëruesja e tyre në hapat e parë drejt leximit dhe shkrimit, ndërsa sot ata e mbyllin me sukses këtë kapitull të rëndësishëm të rrugëtimit të tyre shkollor.

Urime të gjithë nxënësve për këtë arritje dhe suksese në vazhdim!

Nxënësja jonë e dalluar Jona Gashi nga Shkolla Fillore “Jetullah Gashi” ka arritur të zërë vendin e 3-të në garat e Gjuhës Shqipe në Fazën III të Olimpiadës. 📚
Ky rezultat është dëshmi e përkushtimit, punës dhe talentit të saj.
Të urojmë edhe shumë suksese të tjera në të ardhmen! 👏✨

Njoftim për regjistrimin e nxënësve në klasën e parë dhe parashkollor viti shkollor 2026/2027

Me rastin e Ditës Ndërkombëtare të Librit, sot në galerinë e qytetit u mbajt një ekspozitë me libra, e organizuar nga Drejtoria për Kulturë, Rini dhe Sport.
Në këtë aktivitet morën pjesë nxënëset e shkollës sonë: Jona Gashi, Erona Gashi, Etnea Gashi ,Deona Gashi dhe Tiara Ibrahimi të cilat u nderuan me mirënjohje për angazhimin dhe pjesëmarrjen e tyre.

Me rastin e 7 Marsit – Ditës së Mësuesit, drejtoria e shkollës ka zgjedhur mësuesen më të mirë, znj. Vjollca Gashi.
Ky vlerësim i jepet për përkushtimin, punën e palodhshme dhe kontributin e çmuar në edukimin dhe arsimimin e nxënësve. Puna dhe dashuria që ajo tregon çdo ditë për profesionin e saj janë shembull dhe frymëzim për të gjithë.
I urojmë mësueses Vjollca Gashi shumë suksese të tjera në rrugën e saj profesionale.

Urime dhe Gëzuar 7 Marsin! 🌸📚

Me rastin e 17 Shkurtit – Ditës së Pavarësisë së Kosovës, nxënësit e klasës së tretë punuan me përkushtim disa aktivitete për nder të kësaj dite të rëndësishme. Përmes vizatimeve, ngjyrosjeve, shkrimeve të shkurtra dhe punimeve kreative, nxënësit shprehën dashurinë e tyre për atdheun dhe krenarinë për shtetin e Kosovës.