Gjimnazi Cambridge - Pejë

Sot nxënësit e klasës së pestë festuan me gëzim përfundimin e vitit shkollor dhe mbylljen e një etape të rëndësishme të rrugëtimit të tyre arsimor, ciklin fillor.

Ishte një ditë e mbushur me buzëqeshje, emocione, kujtime të bukura dhe mirënjohje për çdo moment të kaluar së bashku. Gjatë këtyre viteve ata mësuan, u rritën, krijuan miqësi të çmuara dhe hodhën themelet e së ardhmes së tyre.

U urojmë shumë suksese në rrugëtimin e ri që i pret, me besim se do të vazhdojnë të shkëlqejnë me përkushtimin, talentin dhe ëndrrat e tyre.

Urime përfundimi i klasës së pestë dhe suksese në kapitullin e ri të jetës shkollore! 🎓📚✨

Festa e Parafillorit 2026🎓

Me buzëqeshje, emocion dhe shumë krenari, festuam përfundimin e një etape të veçantë në rrugëtimin e fëmijëve tanë të vegjël. 🌟

Gjatë këtij viti, ata hodhën hapat e parë drejt dijes, krijuan miqësi të reja, mësuan, luajtën dhe u rritën në një mjedis të sigurt e të dashur. Sot, festojmë sukseset e tyre dhe i përcjellim drejt një kapitulli të ri plot sfida dhe mundësi.

Falënderojmë prindërit për besimin dhe bashkëpunimin e vazhdueshëm, si dhe edukatoret tona për përkushtimin dhe dashurinë me të cilën kanë udhëhequr këtë rrugëtim.

Urime të gjithë fëmijëve tanë! Ju urojmë shumë suksese në klasën e parë dhe një të ardhme të ndritur! 💙📚

12 Qershori, Dita e Çlirimit të Kosovës🇽🇰

Me respekt dhe mirënjohje kujtojmë sakrificën e të gjithë atyre që kontribuuan për lirinë që gëzojmë sot.

“Liria nuk është dhuratë, por vlerë që fitohet dhe ruhet çdo ditë.”

Gëzuar Ditën e Çlirimit të Kosovës!

Nxënësit e Gjimnazit Cambridge zhvilluan një vizitë rekreative, duke kaluar një ditë të mbushur me argëtim, socializim dhe momente të këndshme së bashku.

Kjo vizitë u ofroi nxënësve mundësinë të kalojnë kohë cilësore jashtë mjedisit shkollor, të forcojnë miqësitë dhe të krijojnë kujtime të bukura që do t’i shoqërojnë gjatë.

Aktivitete të tilla kontribuojnë në zhvillimin e një klime pozitive mes nxënësve dhe në pasurimin e përvojës së tyre shkollore.

Festa e Abetares 2026✨

Ishte një ditë e mbushur me emocione, buzëqeshje dhe krenari, ndërsa festuam një nga momentet më të veçanta në rrugëtimin e nxënësve tanë, Festën e Abetares 2026.

Me përkushtim, talent dhe shumë dashuri, nxënësit tanë na dhuruan një program të mrekullueshëm artistik, duke dëshmuar gjithçka që kanë mësuar gjatë këtij viti. Çdo recitim, këngë dhe performancë ishte pasqyrim i punës së tyre të palodhshme dhe i përkushtimit të mësueses e prindërve që i kanë mbështetur në çdo hap.

Abetarja është libri i parë që hap derën drejt botës së dijes, ndërsa sot nxënësit tanë treguan se tashmë e kanë bërë me sukses hapin e parë në këtë rrugëtim të bukur.

Urime të gjithë nxënësve për këtë arritje të rëndësishme! Ju urojmë shumë suksese në aventurat e reja që ju presin në botën e diturisë. 📚✨

Dita e Fëmijëve 🌞🎈

Me shumë buzëqeshje, lojëra dhe aktivitete argëtuese, nxënësit tanë festuan 1 Qershorin në një atmosferë plot gëzim dhe energji pozitive.

Kjo ditë e veçantë solli momente të bukura, miqësi dhe kujtime të paharrueshme për të gjithë fëmijët tanë.

Gëzuar Ditën e Fëmijëve! ❤️✨

Ceremonia e Diplomimit në Gjimnazin Cambridge.🎓

Në një atmosferë elegante dhe plot emocion, maturantët e Gjimnazit Cambridge përmbyllën një kapitull të rëndësishëm të jetës së tyre akademike. Në praninë e prindërve dhe mësimdhënësve, u ndanë kujtime, përvoja dhe momente që do të mbeten pjesë e rrugëtimit të tyre përherë.

Një fund i bukur për një kapitull të veçantë dhe një fillim i ri drejt së ardhmes.

Gjimnazi Cambridge, krijo të ardhmen tënde!

Nxënësit e klasës së VI-të zhvilluan një aktivitet në natyrë “Scavenger Hunt”, ku eksploruan mjedisin përreth duke kërkuar dhe identifikuar elemente të ndryshme të natyrës. 🌿🔍

Përmes lojës dhe punës në ekip, ata zhvilluan aftësitë e vëzhgimit, bashkëpunimit dhe forcuan lidhjen e tyre me natyrën. 🍃

Mirë se erdhët në Gjimnazin Cambridge!📚🎉

Me shumë kënaqësi mirëpritëm sot pesë nxënësit tanë të rinj: Suelën, Alinën, Ajanin, Amarin dhe Akilin, të cilët tashmë do të jenë pjesë e shkollës sonë.

Besimi që familjet tregojnë ndaj shkollës sonë është motivimi më i madh për të vazhduar të ofrojmë edukim cilësor, kujdes dhe një ambient ku çdo fëmijë ndihet i vlerësuar dhe i sigurt. 🤝

Ju urojmë shumë suksese, miqësi të bukura dhe kujtime të paharrueshme në rrugëtimin tuaj me ne!

Me ftesë të drejtoreshës së Teatrit në Pejë, Krenare Luta Radoniqi, nxënësit tanë u bënë pjesë e audicioneve të para për Festivalin e Monologjeve për Shkollat e Mesme të Pejës. 🎭

Përmes talentit, kreativitetit dhe interpretimit artistik, ata patën mundësinë të shprehin pasionin e tyre për skenën dhe artin dramatik, duke përfaqësuar shkollën me shumë dinjitet.

Jemi krenarë që nxënësit tanë vazhdojnë të jenë pjesë e aktiviteteve kulturore dhe artistike që zhvillohen në qytetin e Pejë. ✨