SHFMU Dardania Pejë

🗓️18.06.2026

Sot klasat parafillore mbajtën programin festiv me rastin e përfundimit të klases parafillore . Përmes këngëve, recitimeve, vallëzimeve dhe buzëqeshjeve të tyre, fëmijët sollën emocione dhe gëzim për të gjithë të pranishmit.
Ju urojmë shumë suksese në rrugëtimin tuaj të mëtejshëm shkollor, shëndet, lumturi dhe plot arritje të reja. Qofshi gjithmonë të buzëqeshur, kureshtarë dhe të gatshëm për të mësuar gjëra të reja!

Urime përfundimin e klasës parafillore! 🎓

🗓️16.06.2026

Me rastin e pensionimit, shprehim respektin dhe mirënjohjen tonë për mësimdhënësin e matematikës Isuf Lajqi, i cili pas 42 vitesh pune e përkushtimi në arsim po përmbyll një kapitull të rëndësishëm të jetës së tij profesionale.

Puna, përvoja dhe angazhimi i tij kanë lënë gjurmë të pashlyeshme në edukimin e shumë brezave dhe në jetën e shkollës sonë.

Urime pensionimin dhe faleminderit për gjithçka që keni dhënë ndër vite!

🗓️15.06.2026

Me pikëllim të thellë pranuam lajmin për ndarjen nga jeta të ish-mësimdhënësit dhe veteranit të arsimit, Gëzim (Ibrahim) Nimani.

Kontributi i tij shumëvjeçar në edukimin dhe arsimimin e brezave do të mbetet gjithmonë pjesë e kujtesës dhe respektit tonë si shkollë. Ai do të kujtohet me mirënjohje për përkushtimin, punën dhe gjurmën që la në arsim.

Në emër të kolektivit të shkollës, familjes Nimani, të afërmve, miqve dhe ish-nxënësve u shprehim ngushëllimet tona më të sinqerta.

I lehtë i qoftë dheu i Kosovës.
U prehtë në paqe!

Të nderuar nxënës, prindër dhe staf i shkollës,

Ju njoftojmë se më 12 Qershor, me rastin e Ditës së Paqes, nuk do të mbahet mësim.

Mësimi do të vazhdojë të hënën sipas orarit të rregullt.

Me respekt,
Drejtoria e shkollës

🗓️11.06.2026

Në shkollën tonë u zhvillua testimi i nxënësve të klasave II, V dhe VII në kuadër të vlerësimit të arritjeve të tyre për Shkallën I, II dhe III. Procesi u realizua sipas planifikimeve dhe u zhvillua në mënyrë të rregullt dhe të organizuar.

U urojmë suksese të gjithë nxënësve në rezultatet e tyre! 🌟📚✍️

🗓️06.06.2026

Me buzëqeshje, emocion dhe shumë krenari u shënua Festa e Abetares, një ngjarje e veçantë që simbolizon përfundimin e një etape të rëndësishme në rrugën e dijes.

Nxënësit tanë treguan se me përkushtim dhe vullnet kanë hedhur hapat e parë drejt botës së librit, duke fituar njohuri që do t’i shoqërojnë gjatë gjithë jetës.

Mesuese : Rrezarta Shala
Klasa :1/4