Alumni - Universiteti Haxhi Zeka

Një mbrëmje e veçantë me njerëz të veçantë 🤍

Ndeja e fundvitit me të diplomuarit tonë u zhvillua në një atmosferë shumë pozitive, ku reflektuam mbi të arriturat e këtij viti, punën e përbashkët dhe hapat e ardhshëm drejt zhvillimit dhe suksesit të përbashkët.

Gjatë mbrëmjes, Rektori i Universitetit, z. Armand Krasniqi, ndau me ne sukseset dhe arritjet kryesore të universitetit, ndërsa bashkëbisedimi me të diplomuarit rikonfirmoi rëndësinë e bashkëpunimit të vazhdueshëm që kemi jo vetëm si të diplomuar, por edhe si partnerë të Universitetit “Haxhi Zeka”.

Faleminderit të gjithëve për kontributin, energjinë dhe përkushtimin tuaj!

Në kuadër të projektit “Roli i shëndetit mendor tek të rinjtë”, u zhvillua puntoria përmbyllëse, ku së bashku me studentë dhe të diplomuar patëm diskutime të hapura mbi sfidat gjatë rrugëtimit akademik dhe profesional, rëndësinë e punës së përbashkët në tejkalimin e vështirësive, si dhe tema të tjera që lidhen ngushtë me mirëqenien e tyre.

Kjo puntori shërbeu si një hapësirë reflektimi dhe ndarjeje përvojash, duke theksuar rëndësinë e kujdesit për shëndetin mendor si një element kyç në zhvillimin personal dhe profesional të të rinjve.

Faleminderit të gjithë pjesëmarrësve për angazhimin dhe kontributin e tyre, si dhe Arnisa Aliqkaj për bashkëpunimin dhe ndarjen e përvojave dhe njohurive së bashku me ne. ❤️

Qëllimi i aktivitetit

Qëllimi i aktivitetit është të informojë studentët mbi mundësitë e ndryshme ndërkombëtare, të prezantojë përvojat e të diplomuarve si shembuj frymëzimi dhe të nxisë angazhimin e tyre në programe që zhvillojnë aftësi profesionale, akademike dhe ndërkulturore.

Përfitimet për studentët

Përfitimet për studentët përfshijnë udhëzime praktike për aplikimin në bursa dhe programe ndërkombëtare, këshilla të bazuara në përvojat reale të të diplomuarve, si dhe mundësinë për të bërë pyetje dhe për të diskutuar drejtpërdrejt me panelistët.

Detajet e eventit

📅 Data: 21 nëntor 2025
🕒 Ora: 11:00
📍 Vendi: Salla A1, Fakulteti i Biznesit

Jeni të mirëpritur të merrni pjesë dhe të përfitoni nga ky panel inspirues!

Sot u mbajt një aktivitet në kuadër të projektit “Roli i shëndetit mendor tek të rinjtë”, i financuar nga Drejtoria për Kulturë, Rini dhe Sport.

Energjia ka qenë fantastike falë ligjërueseve Arnisa Aliqkaj dhe Zanfina Raja të cilat na inspirojnë çdo herë me qasjen e tyre profesionale dhe pozitive.

Gjatë sesionit diskutuam shumë tema të rëndësishme rreth shëndetit mendor, punuam bashkë në ushtrime praktike dhe mësuam mënyra konkrete se si të kujdesemi për veten tonë çdo ditë duke filluar nga menaxhimi i emocioneve e deri te ndërtimi i rutinave të shëndetshme që na mbajnë më të fortë dhe më të balancuar.

🙏 Faleminderit secilit pjesëmarrës për angazhimin dhe energjinë e mirë!

Shëndeti mendor është përgjegjësi e përditshme dhe sot na e kujtoi më së miri këtë.

🌱 Roli i Shëndetit Mendor tek të Rinjtë – Trajnim Falas

Shëndeti mendor është po aq i rëndësishëm sa ai fizik — sidomos për të rinjtë që përballen çdo ditë me sfida të reja, presione sociale dhe ndërtimin e identitetit të tyre.

📅 Java e dytë e nëntorit
🎤 Ligjëruese: Arnisa Aliqkaj

Gjatë këtij trajnimi do të diskutojmë:
✨ Çfarë është shëndeti mendor dhe pse është thelbësor
✨ Vështirësitë më të shpeshta që përjetojnë të rinjtë
✨ Si të ndërtojmë mekanizma të shëndetshëm përballimi
✨ Ku mund të kërkojmë ndihmë dhe si të mbështesim njëri-tjetrin

Ky trajnim është ideal për të rinj që duan të kuptojnë më shumë mbi veten, mirëqenien emocionale dhe zhvillimin personal.

📩 Për regjistrim dërgoni email në:
📧 [email protected]

Vendet janë të kufizuara — aplikoni sa më shpejt!

📢 U prezantua raporti përfundimtar i projektit - “Ti ke një zë, aktivizohu”

Ky raport është rezultat i një analize tre mujore për të rinjtë e Komunës së Pejës dhe më gjerë. Financuar nga Drejtoria për Kulturë, Rini dhe Sport - Komuna Pejë.

U diskuatuan:
📌 Sfidat e të rinjve në karrierë
📌 Pasiguria dhe dilemat në orientimin profesional
📌 Faktorët që ndikojnë në motivim dhe angazhim
📌 Pjesëmarrja dhe kontributi i të rinjve në komunitet
📌 Dhe shumë çështje të tjera të rëndësishme për të ardhmen e tyre!

Ky projekt ishte një hap i madh drejt kuptimit më të thellë të nevojave dhe pritshmërive të të rinjve, duke avokuar për një zë më të fuqishëm në shoqëri.

💡 Së bashku, ndërtojmë një të ardhme më të sigurt për të rinjtë!

📍Ti ke një zë aktivizohu 📍

Realizuam një trajnim me studentët e universitetit “Haxhi Zeka” dhe të diplomuarit në kuadër të projektit “Ti ke një zë aktivizohu”, implementuar nga “Alumni – UNHZ”.

Pjesëmarrësit patën mundësinë të diskutojnë mbi një sërë temash, duke përfshirë orientimin në karrierë, profesionet aktuale, sfidat që hasin në tregun e punës, dhe mundësitë për zhvillim personal e profesional.

Theksuam se orientimi i suksesshëm në karrierë kërkon angazhim, përkushtim, reflektim mbi aspiratat personale, dhe identifikimin e hapave të duhur për të arritur një shoqëri të qëndrueshme.

📌Ky projekt financohet nga Komuna Pejë.

📌 ‘Promovimi i kulturës dhe vullnetarizmit te alumni dhe studentët e komuniteteve’

Shoqata Alumni UNHZ në vazhden e angazhimeve të saj për promovimin dhe forcimin e lidhjeve universitet - alumni, ka mbajtur tryezën me temën: Ngritja e vetëdijës për art dhe trashëgimi kulturore, përmes punës vullnetare nga të diplomuarit dhe studentët e komunitet boshnjak dhe jo vetëm, në rajonin e Pejës dhe Prizrenit.
Përmes bashkëbisedimit dolëm me rekomandime konkrete për të zhvilluar vullnetarizmin më shumë dhe të njejtën kohë promovimin e trashëgimisë kulturore.

Gjithashtu, kjo tryezë përkon edhe me misonin dhe vizionin e vet UHZ-së dhe UUH-së, si universitete multietnike, të cilat përveç se promovojnë diversitetin etnik dhe kulturorë, promovojnë edhe të diplomuarit dhe rolin e tyre karshi universitetit.

📍Ky projekt financohet nga MKRS dhe zbatohet nga shoqata Alumni - UNHZ, në bashkëpunim të ngushtë me zyren për zhvillimin e karrierës së UHZ-së.

Tryezë diskutimi!

Ishte një mundësi që me të diplomuar të UHZ-së dhe drejtorin e ZZHK-së, t’i ndajmë përvojat tona dhe të diskutojmë shumë çështje që na lidhin drejtpërdrejtë ne të diplomuarve, shoqatën dhe Universitetin.
Ndër shumë tema të diskutuara, fokusi ishte te trashëgimia kulturore me shumë rëndësi për ne si shoqëri. E gjitha duke pasur parasysh se sa më mirë t’a njohim, do dijmë të kujdesemi dhe t’i ruajmë më mirë objektet e trashëgimisë dhe kulturën në përgjithësi.

Përveç takimit patëm edhe një vizitë në zyrën rajonale për ruajtjen e monumenteve të trashëgimisë, të cilët i falënderojmë për bashkëpunimin.

Ky projekt u financua nga Drejtoria për Kulturë, Rini dhe Sport dhe implementohet nga org. “ALUMNI-UNHZ”- Pejë.

Sot u mirëprita nga z. Denis Cocaj, menaxheri i hotel “Serafine Plaza” dhe njëkohësisht Alumni i Universitetit “Haxhi Zeka”. Biseduam për shumë çështje duke pasur fokus aktivitetet e organizatës “Alumni-Unhz” dhe bashkëpunimin që e kemi me hotelin “Serafine Plaza”.

Z. Denis Cocaj shprehu gadishmëri që do e përkrahë organizatën si Alumni i joni dhe të njejtën kohë do kemi mundësi për shfrytëzimin e hapësirave dhe organizimin e takimeve në hotelin “Serafine Plaza”

Falënderojmë shumë për mikpritjen, komunikimin dhe bashkëpunimin e treguar.

- Mbahet punëtoria në kuadër të projektit: “Promovimi i trashëgimisë kulturore përmes studentëve në komunën e Pejës”, që u zbatua nga “ALUMNI-UNHZ” me mbështetjen e Zyrës për Zhvillim të Karrierës dhe u financua nga Drejtoria për Kulturë, Rini dhe Sport.

Në këtë punëtori morrën pjesë përfaqësues të institucioneve, organizatave, studentë dhe alumni. Qëllimi i kësaj punëtorie ishte që të bisedojmë bashkarisht për trashëgiminë kulturore duke u munduar që t’a ngjallim këtë ndjenjë tek studentët aktual por edhe ata alumni sepse është e nevojshme që të mos harrojmë identitetin tonë si popull dhe të dihen arsyet se pse kjo fushë nuk po diskutohet shumë dhe cilat hapa duhet të merren tutje për një promovim më të madh.
Pasi që shumë qytete e veçanërisht Peja njihet me trashëgimi kulturore atëherë të mos ndalemi që të promovojmë më shumë dhe të mos mundohemi ta harrojmë të kaluarën dhe identitetin tonë, si dhe të mundohemi që të kujdesemi edhe për brezin e ardhshëm që të kanë njohuri ashtu siç kemi ne.
Na presin edhe shumë aktivitete tjera në kuadër të projektit për të miren e komunitetit.

Drejtoresha e organizates “Alumni-Unhz” Nora Draga i falënderoj shumë për kohën dhe bashkëpunimin.