Sh.m.u Tetë Marsi

09/09/2026

Me dhimbje të thellë morëm lajmin për ndarjen nga jeta të ish-koleges sonë Shefakate Vokshi Begolli, ish-mësimdhënëse e SHFMU “Tetë Marsi”, e cila me përkushtim, profesionalizëm dhe dashuri i shërbeu arsimit dhe brezave të nxënësve.
Në këto çaste të vështira, kolektivi i shkollës shprehin ngushëllimet më të sinqerta familjes, të afërmve dhe të gjithë atyre që e njohën.
Kontributi i saj në arsim, mirësia dhe njerëzia e saj do të mbeten përgjithmonë në kujtesën dhe respektin tonë.

U prehtë në paqe dhe kujtimi për të qoftë i përjetshëm!

07/09/2026

Një mirënjohje që na nderon dhe na motivon të vazhdojmë edhe më me përkushtim. Faleminderit Hard Wired Global për vlerësimin dhe bashkëpunimin e çmuar në krijimin e një shkolle gjithëpërfshirëse, të barabartë dhe të hapur për të gjithë.

04/09/2026

Sot, nxënësit e klasës V/2, së bashku me mësuesen e tyre Jehona Muhaxheri Doda,realizuan një vizitë në Stacionin Policor, në kuadër të projektit “Porta e Hapur e Policisë – Rreze drite në emblemën time.
Kjo vizitë ishte një mundësi e veçantë për nxënësit që të njihen nga afër me punën, përgjegjësitë dhe përkushtimin e zyrtarëve policorë në shërbim të qytetarëve dhe komunitetit.Një falënderim i veçantë për zyrtarët policorë për mikpritjen, profesionalizmin dhe gatishmërinë për të ndarë me nxënësit përvojat dhe njohuritë e tyre@

01/09/2026

Urime 1 Shtatori dhe fillimi i vitit të ri shkollor!
Urojm që ky vit shkollor të jetë i mbarë, i suksesshëm dhe plot arritje, dije e momente të bukura.

31/08/2026

Të dashur nxënës,

Me shumë gëzim ju urojmë mirëseardhjen në vitin e ri shkollor 2026/27! Shkolla jonë hap dyert me dashuri, buzëqeshje dhe dëshirën për të nisur së bashku një tjetër rrugëtim të bukur drejt dijes, miqësisë, bashkëpunimit dhe sukseseve të reja.
Veçanërisht mirëpresim nxënësit tanë të rinj, të cilët do të bëhen pjesë e familjes së madhe të SHFMU “Tetë Marsi”.
Urojmë që ky vit shkollor të jetë i mbushur me:
- Dije dhe mësime të reja
- Suksese dhe arritje
- Miqësi dhe respekt
- Gëzim dhe shumë buzëqeshje
Qoftë një vit i mbarë, dhe i suksesshëm!
Mirëseardhje ju dëshiron drejtoria e shkollës dhe mësimdhënësit!

12/08/2026

Njoftim

Të nderuar prindër.
Ju njoftojmë se afati për aplikim për subvencionimin e teksteve mësimore dhe materialeve shkollore është shtyrë deri të premten, 14 gusht 2026.
Prindërit dhe kujdestarët që ende nuk kanë aplikuar në platformën eKosova, për nxënësit nga klasa I–IX, ftohen ta bëjnë aplikimin sa më parë.
Për çdo paqartësi gjatë aplikimit, mund t’i drejtoheni Ministrisë së Arsimit në:
[email protected]
[email protected]
Me respekt :Drejtoria e SHFMU” Tetë Marsi”

03/08/2026

Njoftim
Të nderuar prindër,

Ju njoftojmë se listat e teksteve shkollore për vitin shkollor 2026/2027, për nxënësit e klasave I–IX, janë publikuar dhe i gjeni të bashkëngjitura në këë postim.
Lutemi t’i konsultoni me kujdes këto lista dhe të siguroni tekstet e nevojshme, në mënyrë që nxënësit të jenë të përgatitur për fillimin e vitit të ri shkollor.
Ju falënderojmë për bashkëpunimin, mirëkuptimin dhe përkushtimin tuaj në mbështetje të edukimit të fëmijëve.

28/07/2026

📚 Të dashur prindër,

Ju njoftojmë se nga 27 korriku deri më 9 gusht 2026 është i hapur aplikimi për subvencionimin e teksteve dhe materialeve shkollore për klasat 1–9 përmes platformës eKosova.

Ju lutemi, aplikoni me kohë dhe sigurohuni që të dhënat dhe xhirollogaria bankare të jenë të sakta.

🔗 Klasat 1–5: https://rks-gov.net/469
🔗 Klasat 6–9: https://rks-gov.net/471

Faleminderit për bashkëpunimin!

eKosova është platformë shtetërore ku shërbimet publike që gjenden në zyrat dhe sportelet fizike të institucioneve ofrohen në mënyrë elektronike.

25/06/2026

Të dashur nxënës,të klasëve të IX-ta.

Ju njoftojmë se Testi i Arritshmërisë do të mbahet më:

26 qershor 2026 (e premte)
Ora 10:00 – 12:30
Në SHML “Bedri Pejani ” Gjimnaz
Të gjithë nxënësit duhet të jenë të pranishëm në oborrin e shkollës më së largu deri në ora 08:30, nga ku do të përcillen drejt qendrës së testimit.

Me vete duhet të keni:
✔️ Librezën e nxënësit
✔️ Laps grafiti

❗ Ndalohet rreptësisht marrja me vete e telefonave celularë, orëve inteligjente dhe çdo pajisjeje tjetër elektronike. Nxënësit që posedojnë pajisje të tilla nuk do të lejohen të hyjnë në qendrën e testimit.
Ju lutemi të respektoni orarin dhe udhëzimet e dhëna.

Ju urojmë suksese në Testin e Arritshmërisë