QBMK "Xheladin Deda"

01/09/2026

Në këtë ditë të veçantë të fillimit të vitit të ri shkollor, më 1 shtator 2026, QBMK "Xheladin Deda" në Pejë hapi dyert jo vetëm për të mirëpritur nxënësit drejt udhëtimit të ri të dijes, por edhe për të nderuar ata që me përkushtim e pasion jetësor lanë gjurmë të pashlyeshme në arsimimin dhe formimin e brezave.
Me frymë mirënjohjeje dhe respekti të thellë, u ndanë mirënjohje për punën dhe kontributin shumëvjeçar në shërbim të fëmijëve.
Puna e Prof. Dr. Shefqet Mulliqit është një testament i gjallë i përkushtimit shkencor e njerëzor, ku çdo leksion e udhëzim ka shërbyer si një dritë udhërrëfyese për breza të tërë. Me një vizion të qartë dhe me një dashuri të pashtershme për profesionin, ai nuk arsimoi vetëm nxënësit, por përgatiti edhe me dhjetëra profesionistë të rinj, duke mbjellë tek ata standardin më të lartë të etikës, empatisë dhe përkushtimit ndaj fëmijëve me nevojat më të veçanta. Misioni i tij mbetet një model frymëzimi që do të jetojë gjatë në strukturën dhe memorien e institucionit tonë.
Mësimdhënësja Violeta Kurhasani u vlerësua për punën e saj titanike dhe artin e shpirtin që dhuroi në fushën e muzikës. Çdo notë muzikore e përvetësuar nga nxënësit mbetet dëshmi e gjallë e vullnetit, durimit dhe dashurisë së saj të pakufishme për profesionin.
Të ushqesh me dije, art e optimizëm fëmijët me aftësi të kufizuara është më shumë se arsimim — është një art i fisnikërisë njerëzore. Kjo ditë e parë e shkollës u shpirtëzua nga shembulli i tyre, duke u shndërruar në një motivim të fuqishëm për të gjithë ne në rrugëtimin tonë të përbashkët edukativ.
Urojmë me gjithë zemër që kjo etapë e re e jetës t'ju gjejë me shëndet të plotë e jetëgjatësi, duke ju dhuruar një pensionim të mbushur me paqe shpirtërore, gëzime familjare dhe ditë plot dritë e mbarësi!

01/09/2026

Me rastin e fillimit të vitit të ri shkullor 2026/2027, Qendra Burimore për Mësim dhe Këshillim "Xheladin Deda" në Pejë përcjell urimet më të ngrohta për të gjithë nxënësit që marrin shërbime dhe janë pjesë e procesit tonë edukativ e arsimor.

Çdo vit i ri shkollor është një udhëtim i ri drejt dijes, pavarësisë dhe zhvillimit personal. Ju priftë e mbara në këtë rrugëtim të mbushur me sfida, arritje dhe gëzime të reja! Stafi ynë mbetet i përkushtuar maksimalisht për t'ju ofruar mbështetjen, përkujdesjen dhe kushtet më të mira për arsimim e integruar.

Urime dhe suksese të pafundme në vitin e ri shkollor 2026/2027!

Me respekt,
Stafi i QBMK "Xheladin Deda" dhe Drejtor: Isuf Ahmetaj

24/07/2026

https://www.youtube.com/watch?v=yUVaT1GlvRY

Video zyrtare nga Radio Televizioni i Kosovës (RTK).Ndiqni RTK pë...

16/06/2026

Falënderim dhe mirënjohje për profesoreshën Violeta Kurhasani!
Me emocione të veçanta dhe respekt të thellë, sot përcollëm në pensionim kolegen tonë të nderuar, profesoreshën e muzikës, Violeta Kurhasani.
Që nga viti 1994, për më shumë se tri dekada, Violeta ishte shpirti muzikor i QBMK "Xheladin Deda“ në Pejë. Me përkushtim të pashoq, ajo zbuloi, rriti dhe formësoi talentin e shumë nxënësve tanë, duke u provuar të gjithëve se muzika nuk njeh kufij.
Suksesi i saj më i madh fshihet në arritjet e nxënësve të saj: nga duart dhe udhëheqja e Violetës kanë dalë ish-nxënës që sot kanë diplomuar në Universitetin e Prishtinës në drejtimin e muzikës, duke u shndërruar në profesionistë të vërtetë. Kontributi i saj i çmuar përgjatë viteve është vlerësuar lart dhe është nderuar me mirënjohje zyrtare edhe nga Ministria e Arsimit, Shkencës, Teknologjisë dhe Inovacionit (MASHTI).
Më datë 15 qershor 2026, ajo përmbylli zyrtarisht këtë kapitull të ndritur profesional, ndërsa sot, më 16 qershor, u përcoll me plot dashuri, kujtime e duartrokitje nga kolegët e saj të kolektivit. Për më tepër, ajo u tregua e palodhshme duke përgatitur edhe kolegët e saj pasardhës mbi metodologjinë e veçantë të punës në këtë institucion, duke siguruar kështu me plot përgjegjësi vazhdimësinë e kësaj trashëgimie të çmuar.
Profesoreshë Violeta, faleminderit për çdo notë muzikore, për çdo buzëqeshje dhe për trashëgiminë e mrekullueshme që po lini pas në shkollën tonë! Të dëshirojmë shëndet dhe pensionim të mbarë e të lumtur!

22/05/2026

Ditë e Paharrushme në Rugovë – Ekskursioni Vjetor i QBMK "Xheladin Deda"!
Me datë 21.05.2026, nxënësit tanë shijuan njërën nga ditët më të bukura të vitit – ekskursionin tradicional të qendrës sonë. Nën qetësinë magjike, ajrin e pastër dhe bukuritë përrallore të Rugovës së Pejës, fëmijët përjetuan momente që do t’i kujtojnë gjatë, duke forcuar lidhjen e tyre me natyrën dhe me njëri-tjetrin.
Ishte një ditë ndryshe, e mbushur me të qeshura, lojëra dhe miqësi!

Mirënjohje dhe Falënderime
Ky organizim i suksesshëm erdhi si rezultat i një bashkëpunimi dhe përkushtimi të madh:
Faleminderit MASHTI – Shprehim një falënderim të veçantë dhe institucional për Ministrinë e Arsimit, Shkencës, Teknologjisë dhe Inovacionit (MASHTI) për mbështetjen e vazhdueshme që i ofron QBMK "Xheladin Deda" Pejë.
Mirënjohje për Stafin e QBMK "Xheladin Deda" – Një falënderim i përzemërt shkon për të gjithë mësimdhënësit, edukatorët dhe stafin mbështetës, të cilët u angazhuan maksimalisht. Falë përkushtimit tuaj të pashoq, kjo ditë u shndërrua në një nga kujtimet më të bukura për fëmijët tanë.
Këto momente dhe ky partneritet na mbushin me vullnet për të ecur përpara drejt sukseseve të reja.

Faleminderit Kosovë!
Faleminderit MASHT

22/05/2026

Ditë me Aktivitete në Natyrë dhe Sport për Nxënësit Tanë!
Me datë 20.05.2026, në një atmosferë plot energji pozitive dhe buzëqeshje, u organizua një ditë e veçantë me aktivitete për njohjen e natyrës dhe aktivitete sportive.
Pas përfundimit të procesit mësimor, nxënësit e klasave VII-XII të QBMK "Xheladin Deda" shijuan bukuritë e Rugovës në Pejë, duke ndërthurur rekreacionin, sportin dhe dashurinë për mjedisin.
Një Falënderim i Përzemërt për Partnerët Tanë
Ky aktivitet i mrekullueshëm nuk do të ishte i mundur pa mbështetjen dhe bashkëpunimin e çmuar të miqve tanë. Prandaj, shprehim një falënderim të veçantë dhe mirënjohje të thellë për:
GAP Kosova – për angazhimin, koordinimin dhe mbështetjen e vazhdueshme në krijimin e mundësive të tilla fantastike për nxënësit tanë.
Universitetin e Iowas (University of Iowa) – për partneritetin e çmuar dhe kontributin e tyre të jashtëzakonshëm në pasurimin e aktiviteteve tona edukative e rekreative.
Bashkëpunime të tilla na japin vullnet dhe forcë për të vazhduar punën drejt gjithëpërfshirjes dhe zhvillimit psiko-fizik të nxënësve tanë në mjedise të hapura dhe stimuluese.
Faleminderit që jeni gjithmonë pranë nesh!

15/05/2026

NJË DITË E MBUSHUR ME GËZIM DHE BUZËQESHJE NË QBMK “XHELADIN DEDA” – PEJË
Më 14.05.2026, në QBMK “Xheladin Deda” – Pejë, u përjetuan momente të veçanta që mbushën ambientet e shkollës sonë me hare, emocion dhe buzëqeshje të sinqerta të fëmijëve tanë.
Falë dhurimit të parkut të lodrave nga Humanity First Gjermani, nxënësit tanë tashmë do të kenë një hapësirë të veçantë relaksi, argëtimi dhe socializimi, ku do të mund të luajnë, të zhvillojnë imagjinatën dhe të ndihen të barabartë me bashkëmoshatarët e tyre.
Për herë të parë në historinë e QBMK “Xheladin Deda” – Pejë, fëmijët tanë do të kenë një park të dedikuar lojërash — një hapësirë që nuk sjell vetëm argëtim, por edhe lumturi, përfshirje dhe kujtime të paharrueshme për çdo fëmijë.
Parku i lodrave ka rëndësi të jashtëzakonshme për zhvillimin emocional, social dhe psikologjik të fëmijëve. Përmes lojës, ata mësojnë të bashkëpunojnë, të komunikojnë, të krijojnë miqësi dhe të ndihen pjesë e barabartë e shoqërisë. Çdo buzëqeshje e tyre ishte dëshmia më e bukur e vlerës që ka ky investim në jetën e tyre.
Humanity First Gjermani dëshmoi edhe një herë humanizmin, ndjeshmërinë dhe përkushtimin ndaj fëmijëve tanë, duke sjellë jo vetëm lodra, por gëzim, dashuri dhe kujtime që do të mbeten gjatë në zemrat e tyre.
Ata që patën mundësinë të jenë pranë këtyre fëmijëve, përjetuan emocione që vështirë përshkruhen me fjalë. Ndërsa ata që munguan, me siguri do të dëshironin ta kishin parë nga afër shkëlqimin e fytyrave dhe buzëqeshjet e pafajshme që mbushën çdo cep të shkollës sonë.
Me mirënjohje të thellë,
QBMK “Xheladin Deda” – Pejë

15/05/2026

NJË THESAR DIJEJE DHE FRYMËZIMI PËR BREZAT

Qendra Burimore për Mësim dhe Këshillim “Xheladin Deda” – Pejë, shpreh mirënjohjen dhe falënderimin më të sinqertë për Dr. Besnik Goqi, i cili me bujari dhe përkushtim dhuroi për Njësinë e Shtypjes së QBMK-së një fond të çmuar librash me vlera të mëdha kombëtare, historike, shkencore dhe edukative.
Në mesin e rreth 20 titujve të dhuruar, veçohen disa nga veprat më të rëndësishme të kulturës dhe historisë shqiptare, si:
📖 “Meshari” – Gjon Buzuku
📖 “Lahuta e Malcis” – Gjergj Fishta
📖 “Kryengritje Ilire”
📖 “Butrinti”
📖 “Helmimet, Krimi dhe Mashtrimi”
📖 si dhe shumë tekste të bukura dhe edukative për fëmijë.
Këto vepra përfaqësojnë jo vetëm libra, por kujtesën, identitetin dhe shpirtin e kulturës sonë kombëtare. Ato janë ura që lidhin dijen me të ardhmen dhe frymëzim për çdo fëmijë që kërkon të mësojë, të lexojë dhe të ndërtojë ëndrrat e veta.

Përmes punës së palodhshme të Njësisë së Shtypjes së QBMK “Xheladin Deda” – Pejë, këto vlera bëhen të qasshme edhe për nxënësit e verbër dhe me pamje të dobësuar, duke dëshmuar se libri dhe dija duhet t’i përkasin çdo fëmije, pa dallim.
Ky gjest fisnik i Dr. Besnik Goqit është dëshmi e ndjeshmërisë njerëzore, e dashurisë për dijen dhe e përkushtimit ndaj arsimit gjithëpërfshirës dhe të barabartë. Kontribute të tilla lënë gjurmë të thella në edukim dhe në jetën e shumë fëmijëve që përmes librit gjejnë forcë, shpresë dhe frymëzim.
Me respekt dhe mirënjohje të thellë,
QBMK “Xheladin Deda” – Pejë

15/05/2026

🎓✨ URIME MATURANTËVE DHE SEMIMATURANTËVE TË QBMK “XHELADIN DEDA” – PEJË ✨🎓

Me emocione të veçanta dhe krenari të madhe, Qendra Burimore për Mësim dhe Këshillim “Xheladin Deda” – Pejë, më 13.05.2026, shënoi një nga momentet më të rëndësishme në jetën shkollore të nxënësve tanë – festën e maturës dhe semimaturës. 🌸
Sot po përmbyllet një kapitull i rëndësishëm për maturantët tanë, të cilët me përkushtim, durim dhe vullnet kaluan rrugëtimin e tyre në QBMK “Xheladin Deda”. Ju nuk po largoheni vetëm me dije, por edhe me kujtime, miqësi dhe përvoja që do t’ju shoqërojnë gjatë gjithë jetës.

Të dashur maturantë,
ju urojmë nga zemra suksese në rrugëtimin tuaj të ri akademik dhe profesional. Qoftë e ndritur rruga juaj drejt studimeve, ëndrrave dhe arritjeve të mëdha. Besoni gjithmonë në veten tuaj dhe mos harroni se dera e shkollës suaj do të mbetet gjithmonë e hapur për ju. 🌟

Një urim i veçantë shkon edhe për semimaturantët tanë, të cilët përfunduan me sukses një etapë të rëndësishme të arsimit të tyre. Ju dëshirojmë shumë suksese në shkollimin e mesëm, rrugë të mbarë dhe arritje të shumta në të ardhmen. 📚✨
Kjo festë ishte një dëshmi e punës, përkushtimit dhe bashkëpunimit të nxënësve, prindërve dhe stafit të shkollës, duke krijuar kujtime të bukura që do të mbeten gjatë në zemrat tona. ❤️

🎉 Të dashur nxënës,
ecni përpara me guxim, ëndrra dhe besim. Jeta ju pret me shumë mundësi dhe suksese!

Me respekt dhe urimet më të përzemërta,
Drejtori dhe stafi i QBMK “Xheladin Deda” – Pejë 🌷

12/05/2026

Sot, më 12.05.2026, në QBMK “Xheladin Deda” – Pejë, patëm kënaqësinë të mirëpresim në vizitë përfaqësuesit e TIKA Kosova: z. Kemal Derin, Zv. Shef i Zyrës, dhe z. Blerim Karabaxhaku, Menaxher i Projekteve.
Mysafirët u mirëpritën nga Drejtori i QBMK-së, z. Isuf Ahmetaj, si dhe nga stafi i QBMK “Xheladin Deda” – Pejë.
Gjatë këtij takimi, përfaqësuesit e TIKA-s u informuan më nga afër për shërbimet që ofron QBMK “Xheladin Deda” – Pejë, si dhe për punën dhe aktivitetet që realizohen nga QBMK në mbështetje të fëmijëve të verbër dhe me pamje të dobësuar.
Po ashtu, përfaqësuesit e TIKA-s vizituan edhe objektin e QBMK-së, ku u njohën me kushtet dhe ambientet në të cilat zhvillohet puna edukativo-arsimore.
Falënderojmë përfaqësuesit e TIKA Kosova për vizitën, interesimin dhe gatishmërinë e tyre për t’u njohur më nga afër me punën dhe misionin e QBMK “Xheladin Deda” – Pejë.