Ismail Dumoshi High School

Me përfundimin e vitit shkollor 2025-2026, për klasat 10, 11 shprehim mirënjohjen dhe vlerësimin tonë për të gjithë nxënësit, mësimdhënësit dhe stafin e shkollës për angazhimin, përkushtimin dhe punën e palodhshme gjatë këtij viti shkollor.

Ky ishte një vit i mbushur me suksese, arritje dhe përvoja të vlefshme, të cilat dëshmojnë përkushtimin e përbashkët ndaj cilësisë në arsim dhe zhvillimit të vazhdueshëm të nxënësve tanë.

Falënderim i veçantë shkon për kujdestarët e klasave, të cilët me përkushtim, durim dhe përgjegjësi kanë qenë mbështetje e vazhdueshme për nxënësit gjatë gjithë vitit shkollor.

Sukseset e këtij viti le të jenë motivim për arritje edhe më të mëdha në të ardhmen.

Me iniciativën e U.D. Drejtorit, sot u organizua një aktivitet për pastrimin dhe rregullimin e oborrit të shkollës sonë. Në këtë aksion morën pjesë nxënësit e klasave të 11-ta, të cilët me vullnet dhe përkushtim kontribuuan në mirëmbajtjen e mjedisit shkollor.

Falënderojmë nxënësit për angazhimin dhe përgjegjësinë e treguar, duke dhënë një shembull të mirë për kujdesin ndaj ambientit dhe komunitetit tonë shkollor.

DIPLOMIMI I MATURANTËVE TË ShMLP “ISMAIL DUMOSHI” 🎉
Sot, në ambientet e SHMLP “Ismail Dumoshi” mbizotëruan gëzimi, emocionet dhe krenaria, teksa u zhvillua ceremonia e diplomimit për gjeneratën 2026. Ishte një ditë e veçantë, që shënoi përmbylljen e një udhëtimi të rëndësishëm arsimor dhe fillimin e një kapitulli të ri në jetën e maturantëve tanë, të cilët u përcollën me duartrokitje, urime dhe përqafime të përzemërta.
Gjatë ceremonisë, u ndanë mirënjohje për mbështetësit dhe bashkëpunëtorët e shkollës sonë. z.Halil Thaçi, kryetar i Komunës së Obiliqit dhe drejtoresha e Drejtorisë së Arsimit znj.Sevdije Krasniqi, u nderuan me mirënjohje për përkrahjen e vazhdueshme ndaj arsimit.
Gjithashtu u ndanë mirnjohje edhe për nxënësit e dalluar.
🌟 Nxënësit tanë u diplomuan jo vetëm me dije, por edhe me vlera të larta morale dhe njerëzore, të gatshëm për të përballuar sfidat që i presin në të ardhmen.
Urime të përzemërta për të gjithë maturantët e gjeneratës 2026!
E ardhmja është në duart tuaja – dhe ajo duket premtuese! 💫
Shiko më pak

NJOFTIM

Ministria e Arsimit dhe Shkencës njofton të gjithë maturantët se ka filluar aplikimi për Provimin e Maturës Shtetërore.

Aplikimi bëhet përmes platformës eKosova dhe do të jetë i hapur nga 1 qershor deri më 12 qershor 2026.

Ftohet të gjithë maturantët që të aplikojnë brenda afatit të përcaktuar dhe të sigurohen që gjatë procesit të aplikimit të verifikojnë me kujdes saktësinë e të dhënave të tyre personale dhe shkollore.

Për informata shtesë: https://mash.rks-gov.net/alldocuments/udhezues-per-kandidatet-maturantet-per-paraqitje-e-provimit-shteteror-te-matures-ne-platformen-ekosova/

__________________________________

OBAVEŠTENJE

Ministarstvo obrazovanja, nauke, tehnologije i inovacije obaveštava sve maturante da je počelo prijavljivanje za Državni maturski ispit.

Prijavljivanje se vrši putem platforme eKosova i biće otvoreno od 1. juna do 12. juna 2026. godine.

Pozivaju se svi maturanti da se prijave u predviđenom roku i da tokom procesa prijavljivanja pažljivo provere tačnost svojih ličnih i školskih podataka.

Za dodatne informacije: https://mash.rks-gov.net/alldocuments/udhezues-per-kandidatet-maturantet-per-paraqitje-e-provimit-shteteror-te-matures-ne-platformen-ekosova/

_________________________________

ANNOUNCEMENT

The Ministry of Education and Science informs all high school graduates that the application process for the State Matura Exam has begun.

Applications must be submitted through the eKosova platform and will remain open from June 1 to June 12, 2026.

All graduates are invited to apply within the specified deadline and are advised to carefully verify the accuracy of their personal and school data during the application process.

For additional information: https://mash.rks-gov.net/alldocuments/udhezues-per-kandidatet-maturantet-per-paraqitje-e-provimit-shteteror-te-matures-ne-platformen-ekosova/

Në kuadër të aktivitetit me moton “Ta Pastrojmë Kosovën”, UD i drejtorit të shkollës, Tahir Morina, së bashku me një grup nxënësish, morën pjesë në aksionin për mbledhjen dhe mbjelljen e luleve në qytetin tonë.

Ky aktivitet kishte për qëllim vetëdijesimin për ruajtjen e ambientit dhe zbukurimin e hapësirave publike, duke dhënë një shembull pozitiv për komunitetin.

Falënderojmë të gjithë nxënësit dhe pjesëmarrësit për angazhimin dhe kontributin e tyre në këtë aktivitet të rëndësishëm. 🌸

Nxënësit e drejtimit të Ekonomisë, klasat 10 dhe 11 të shkollës sonë, realizuan një vizitë edukative në biznesin “99 Lule” në Kishnicë, të udhëhequr nga znj. Havushe Bunjaku.

Gjatë vizitës, nxënësit u njohën nga afër me aktivitetin e biznesit në kultivimin dhe përpunimin e bimëve dekorative, aromatike dhe mjekësore, si dhe me rëndësinë e sipërmarrjes së grave në zhvillimin e komunitetit.

Në këtë vizitë ishte prezente edhe profesoresha Shqiponje Rama.

Në kabinetin e matematikës u zhvillua njësia mësimore “Trupat Gjeometrik” me nxënësit e klasës së Informatikës E11/1, nën udhëheqjen e profesoreshës Ermira Dubova.

Përmes aktiviteteve praktike dhe bashkëpunimit në klasë, nxënësit patën mundësinë të thellojnë njohuritë e tyre rreth trupave gjeometrikë dhe rëndësisë së tyre në jetën e përditshme.

Ora mësimore u karakterizua me angazhim, kreativitet dhe pjesëmarrje aktive të nxënësve.

Vizita në Shqipëri me nxënësit në qytetet Krujë 🏰, Vlorë 🌊, Berat 🏘️ ,Tiranë 🏙️ dhe qytete tjera ishte një përvojë e pasur kulturore dhe historike.

Në Krujë, nxënësit vizituan kalanë e famshme dhe muzeun e Gjergj Kastriotit (Skënderbeut), duke mësuar për rolin e tij në historinë shqiptare.

Vlora, qytet bregdetar i rëndësishëm, i njohu ata me pavarësinë e Shqipërisë 🇦🇱, duke vizituar edhe muzeun ku u shpall pavarësia në 1912.

Në Berat, nxënësit u mahnitën nga arkitektura unike e qytetit 🏘️, veçanërisht lagjja Mangalem dhe kalaja e saj e lashtë.

Në Tiranë, ata eksploruan ndërthurjen e historisë dhe modernitetit 🏛️, duke vizituar sheshet kryesore, muzeun kombëtar dhe disa institucione të rëndësishme kulturore dhe qeveritare.

Vizita ofroi një pasqyrë të gjerë mbi historinë, kulturën dhe trashëgiminë shqiptare, duke lënë mbresa të thella te nxënësit.

Vizita në kompaninë Elen Energy ishte një përvojë e vlefshme edukative dhe profesionale. Gjatë vizitës, nxënësit u njohën nga afër me aktivitetin e kompanisë, mënyrën e funksionimit dhe rëndësinë e energjisë në zhvillimin ekonomik dhe teknologjik.

Përfaqësuesit e kompanisë prezantuan proceset e punës, teknologjitë që përdoren dhe mundësitë për zhvillim profesional në fushën e energjisë. Nxënësit patën mundësi të bëjnë pyetje, të diskutojnë për energjinë solare dhe të kuptojnë më mirë lidhjen ndërmjet mësimit teorik dhe praktikës në punë.

Energjia solare është energjia që fitohet nga rrezet e diellit dhe shndërrohet në energji elektrike ose termike. Ajo konsiderohet një nga burimet më të pastra dhe më të ripërtëritshme të energjisë, sepse dielli është burim natyror që nuk shteron.

Kjo vizitë kontribuoi në orientimin e tyre në karrierë, duke i motivuar të zhvillojnë aftësitë dhe interesimet e tyre në fushat teknike dhe inovative.

Falenderojmë dhe për relizimin e kësaj vizite!