Shfmu"Edit Durham"

FESTA E ABETARES

Sot në SHFMU “Edit Durham” u mbajt me shumë gëzim dhe emocione Festa e Abetares nga nxënësit e klasave të para.

Pas shumë përkushtimi, mësimi dhe pune gjatë këtij viti shkollor, vogëlushët hodhën hapin e parë drejt botës së dijes duke mësuar shkronjat, leximin dhe shkrimin.

Me recitime, këngë, valle dhe buzëqeshje, ata na treguan se sa shumë janë rritur dhe sa krenarë na bëjnë çdo ditë.

Falënderojmë mësueset, prindërit dhe të gjithë ata që kontribuan në këtë ditë të veçantë.

Urime të gjithë nxënësve për sukseset e para në rrugën e dijes!

Sot oborri i shkollës sonë u mbush me buzëqeshje, lojëra, kreativitet dhe shumë energji pozitive në festimin e Ditës Ndërkombëtare të Fëmijëve.

Nxënësit tanë kaluan momente të paharrueshme përmes aktiviteteve sportive, lojërave argëtuese, pikturave në fytyrë dhe aktiviteteve të ndryshme festive që sollën gëzim për secilin fëmijë.

Fëmijët janë zemra e shkollës sonë dhe frymëzimi ynë i përditshëm. Urojmë që çdo ditë e tyre të jetë e mbushur me dashuri, lumturi dhe suksese.

Gëzuar 1 Qershorin të gjithë fëmijëve!

Shetitje klasat e IX-ta

Sot në shkollën “Edit Durham” u mbajt me sukses Dita e Shkollës, e shoqëruar me një program të pasur kulturo-artistik.

Nxënësit tanë me talentin, përkushtimin dhe energjinë e tyre sollën performanca të mrekullueshme, duke krijuar një atmosferë festive dhe plot emocion.

Falënderojmë të gjithë nxënësit, mësimdhënësit, prindërit dhe mysafirët që ishin pjesë e kësaj dite të veçantë.

Edit Durham aty ku talenti dhe dija ecin së bashku.

Ftesë me rastin e Ditës së Shkollës

Në kuadër të këshillim dhe orientim në karrierë, nxënësit e shkollës sonë realizuan vizita në shkolla të mesme me qëllim njohjen nga afër me drejtimet profesionale, kushtet e mësimit dhe mundësitë që ofrojnë këto shkolla. Gjatë vizitës, ata u informuan për profilet arsimore dhe rëndësinë e zgjedhjes së karrierës sipas interesave dhe aftësive të tyre. Kjo përvojë i ndihmoi nxënësit të krijojnë një pasqyrë më të qartë për të ardhmen e tyre akademike dhe profesionale.

Njoftim

Me krenari ju njoftojmë se ekipi i volejbollit i shkollës sonë ka arritur një rezultat të shkëlqyer duke zënë vendin e dytë në garat komunale në volejboll.

Nxënësit tanë treguan përkushtim, disiplinë dhe shpirt të lartë sportiv gjatë gjithë garës, duke përfaqësuar denjësisht shkollën tonë.

Ky sukses është fryt i punës së vazhdueshme dhe bashkëpunimit mes nxënësve dhe mësimdhënësve.

Urime ekipit për këtë arritje të merituar dhe suksese të tjera në të ardhmen!

Sot në shkollën tonë u mbajt një ligjëratë shumë e rëndësishme nga zjarrfikësit e Qendrës së Suharekës.

Nxënësit patën mundësinë të mësojnë më shumë rreth parandalimit të zjarreve, reagimit në raste emergjente dhe rëndësisë së sigurisë në përditshmëri. Falënderojmë zjarrfikësit për angazhimin dhe kontributin e tyre në edukimin e brezave të rinj.

Aktivitete të tilla janë thelbësore për rritjen e vetëdijes dhe përgatitjen e nxënësve për situata të ndryshme.

🌍 Dita e Tokës 🌱

Sot, në kuadër të Ditës së Tokës, u realizua me sukses aksioni për pastrimin e ambientit në fshatin tonë.

Falënderojmë të gjithë banorët, vullnetarët dhe nxënësit që kontribuan me përkushtim për një mjedis më të pastër dhe më të shëndetshëm. Ky aktivitet është dëshmi se bashkë mund të bëjmë ndryshime të mëdha për komunitetin tonë dhe për të ardhmen e planetit.

Le të vazhdojmë të kujdesemi për natyrën çdo ditë! 🌿