SHFMU "Migjeni"

🎓 LAMTUMIRË KLASA PËRGATITORE 🎓

Një hap i vogël sot, një ëndërr e madhe nesër.

Gjenerata 2025–2026
Edukatoret:
Naime Shyti
Mirlinda Sahiti-Hajra
Anesa Broja-Shala 🎓

Holandezi Dick van Slooten, trajner ndërkombëtar, vizitoi sot klubin tonë të volejbollit, ku ndau përvojat dhe njohuritë e tij me volejbollistët tanë, kampionë shtetërorë. Gjatë vizitës, ai u prit ngrohtësisht nga trajneri Rafet Jashari, duke zhvilluar një takim të frytshëm dhe motivues për sportistët tanë.

Fushata vetëdijësuese kundër duhanit

Me rastin e 1 Qershorit – Ditës Ndërkombëtare të Fëmijëve, psikologia e shkollës, znj. Shqipe Tmava Qullumi, hapi ekspozitën e artit figurativ, ku u prezantuan punimet kreative dhe plot imagjinatë të nxënësve tanë.
Kjo ekspozitë solli ngjyra, emocione dhe talent, duke dëshmuar botën e pasur artistike të fëmijëve. Pas vlerësimit nga juria, u shpallën fituesit e tri vendeve të para:

Vendi i parë – Nurije Bislimi
Vendi i dytë – Dea Bajgora
Vendi i tretë – Enea Gashi

Urime fituesve dhe falënderime të gjithë nxënësve pjesëmarrës për punimet e tyre të mrekullueshme që e bënë këtë aktivitet të veçantë.

“Migjeni” po vazhdon të dëshmojë se është shkollë e kampionëve, duke triumfuar vazhdimisht në garat sportive. Në turneun e organizuar nga Federata e Hendbollit, ekipi i hendbollit i shkollës sonë arriti një sukses të jashtëzakonshëm duke zënë vendin e parë mes 8 shkollave pjesëmarrëse.
Me paraqitje mbresëlënëse nga ndeshja në ndeshje, ekipi ynë tregoi cilësi, karakter dhe shpirt fitues. Në finalen e madhe përballë shkollës “Shaban Idrizi”, hendbollistët e “Migjenit” zhvilluan një lojë të shkëlqyer dhe triumfuan bindshëm, duke mos lënë asnjë dyshim se kush e meritonte trofeun e kampionit.
Ky sukses është fryt i punës së palodhshme, përkushtimit dhe unitetit të ekipit, si dhe i udhëheqjes profesionale të trajnerit Rafet Jashari, i cili me përvojën dhe angazhimin e tij e çoi ekipin drejt majës.
Urime kampionëve tanë për këtë arritje që e bëri krenar gjithë “Migjenin” sepse edhe një herë, “Migjeni” foli me fitore! 🏆🤾🔥

Sot nuk po shënojmë vetëm pensionimin e një punëtori të përkushtuar, por po nderojmë jetën dhe rrugëtimin e një njeriu që ka përjetuar një nga historitë më prekëse të luftës së Kosovës.
Xajë Mustafa, mbetet një simbol i qëndresës, shpresës dhe dashurisë familjare. Gjatë luftës së Kosovës ai u përball me vuajtje të mëdha, duke u burgosur nga forcat serbe dhe duke u ndarë me familjen e tij. Për një kohë të gjatë ai nuk kishte asnjë informacion për fatin e më të dashurve të tij. Ishin ditë të mbushura me ankth, dhimbje dhe pasiguri, të cilat lanë gjurmë të pashlyeshme në jetën e tij.
Bota e njohu Xajë Mustafën përmes fotografisë së famshme të realizuar në vitin 1999 nga fotografi i njohur Peter Turnley. Në atë fotografi, e cila u bë një nga imazhet më të fuqishme të luftës së Kosovës, Xajë Mustafa shihej duke mbajtur fotografitë e dy fëmijëve të tij të zhdukur, me shpresën se dikush do t'i njihte dhe do t'i ndihmonte t'i gjente. Ajo fotografi preku zemrat e miliona njerëzve në mbarë botën dhe u bë simbol i vuajtjeve të familjeve shqiptare gjatë luftës.
Por historia e tij nuk përfundoi me dhimbje. Pas luftës ndodhi ajo që shumëkush e quajti mrekulli. Xajë Mustafa u ribashkua me familjen e tij dhe zbuloi se fëmijët e tij ishin gjallë. Pas gjithë vuajtjeve, lotëve dhe pasigurisë, familja e tij u bashkua sërish. Ky ribashkim mbetet një nga tregimet më prekëse dhe më shpresëdhënëse të asaj periudhe të vështirë.
Pavarësisht plagëve që la lufta, Xajë Mustafa vazhdoi jetën me dinjitet, duke punuar me ndershmëri dhe përkushtim.
I urojmë Xajë Mustafës pensionim të mbarë, shëndet, lumturi dhe shumë vite të qeta pranë familjes së tij të dashur!