Islami dhe jeta

Mysafir të Allahut: Qëndroni të sigurt dhe ndiqni udhëzimet e sigurisë për të parandaluar lodhjen nga të nxehtit.

Malik bin Dinar lutej kështu:

“O Allah,Ti je Ai qe i ke përmirësuar (i ke udhëzuar)dhe janë bërë njerëz të mirë,andaj na përmirëso edhe ne, derisa të bëhemi të mirë”

(Hiljetul Evlija)

Është për tu çuditur me disa “ulema”, tërë kohët e namazit i falë me kalendar, dhe kalkulimet vjetore i bënë me llogari matematikore astronomike, e kur të vjen Ramazani, thotë s’i besoj kalendarit !?
Ndoshta i kanë sytë me dioptri ma të fortë sesa dioptria teleskopike, mija herë ma shumë sesa objekti!
Pamja e hënës nuk është detyrë individuale, por është detyrë institucionale profesionale.
Zot, udhëzona!
# AS🖋

Dosjet e Epstein-it???!!!!

Pas shqyrtimit të dosjeve të Epstein-it, njeriu nuk di si ta përshkruajë gjendjen që e kaplon.
A është ndjenjë neverie dhe përbuzjeje ndaj kësaj bote ku jetojmë, një botë që ta shfaq madhësinë e korrupsionit që i ka hyrë deri në palcë: korrupsion moral e seksual, korrupsion financiar, marrëveshje të pista dhe ryshfete, korrupsion politik që rrëzon shtete dhe ngre të tjera – dhe e gjithë kjo nga figura nga mbarë bota që paraqiteshin si të qytetëruara dhe të përparuara?!

Apo ta falënderosh Allahun për begatinë e Islamit me të cilin je rritur, me dhuratën dhe mëshirën e Tij?
Apo të të kaplojë një ndjenjë asketizmi dhe largimi nga gjithçka e gjithkush përreth teje?

Sinqerisht, këto dosje duket se e përforcojnë teorinë se qytetërimi perëndimor po shpërbëhet me shpejtësi, madje më shpejt sesa mendohej.

Edhe autori i këtyre rreshtave ka qenë dikur nga ata që u mahnitën për një kohë nga ky qytetërim dhe produktet e tij. Por bota perëndimore vazhdon të na zbulojë, ditë pas dite, mangësitë dhe verbërinë që fsheh brenda vetes.

Po përmend pesë pika që përshkruajnë themelet e qytetërimit perëndimor, siç i ka renditur i ndjeri Dr. el-Wā‘ī në librin e tij krahasues mes qytetërimit perëndimor dhe atij islam:
1. Ateizmi dhe materializmi
2. Shikimi i universit si ekzistencë më vete, pa të drejtën e një Krijuesi për ta sunduar apo për të sunduar mbi njerëzit
3. Mohimi i jetës së përtejme
4. Racizmi dhe besimi në epërsinë e racës perëndimore mbi popujt e tjerë
5. Relativizimi i moralit dhe vlerave sipas interesit, pa një referencë të qëndrueshme, as tokësore e as hyjnore

Duke u kthyer te dosjet e Epstein-it, kritika jonë ndaj tyre nuk do të thotë se pretendojmë pastërti apo paprekshmëri nga mëkatet. Dihet se Allahu i ka krijuar njerëzit me instinkte dhe dëshira; njeriu gabon, kërkon falje, pendohet, rrëshqet e kthehet, dhe i lutet Zotit për qëndrueshmëri dhe përfundim të mirë.

Por le ta trajtojmë çështjen nga rrënja dhe të nxjerrim mësimet:
1. Dëshirat dhe instinktet janë natyrë e vendosur nga Allahu; njeriu urdhërohet t’i kontrollojë dhe do të japë llogari për mënyrën si i përdor – qoftë dashuria për pasurinë, seksin, pushtetin apo famën.
2. Këto dosje e kthejnë qytetërimin perëndimor te rrënjët e tij të thella historike, ku në Romën e lashtë pushtetarëve u lejohej të cenonin nderin e kujtdo.
3. Të mos mahnitemi nga pamjet e përparimit dhe shkëlqimit, sepse përvojat tregojnë vazhdimisht se nën sipërfaqe fshihet diçka tjetër.
4. Megjithatë, nuk duhet mohuar kontributi i qytetërimit perëndimor në zhvillimin shkencor dhe teknik, që ka sjellë ndryshime të mëdha në aspektin material të jetës.

Këto dosje janë një thirrje e re nga thellësia e botës për këdo që dëshiron t’i ofrojë njerëzimit një model me të cilin rregullohet jeta e kësaj bote – dhe edhe ajo e botës tjetër për këdo që e dëshiron.

Megjithatë, unë ende mendoj se ai që mund ta ofrojë këtë model, vazhdon të jetë i humbur në tokë.

O Zoti im, na e lehtëso të mirën dhe na përdor në atë që Ti e do dhe je i kënaqur.

Shkroi: Wajdi Ali

“Përplasja jonë me ta sot nuk është vetëm një përplasje islame…
por një përplasje e njerëzores…
një përplasje e njerëzimit…
një përplasje e natyrës së pastër (fitres)…
kemi nevojë t’i rikthejmë ata nga llumi i shtazërisë në sferën e njerëzores…
e vetëm pas kësaj vjen diskursi i Islamit.”

Dhe po ashtu ai tha:
“Fitrat nuk janë shkatërruar në histori veçse dy herë:
në kohën e Lutit dhe në kohën tonë.
Sikur të kishte ndonjë pejgamber pas Pejgamberit tonë ﷺ,
Allahu do ta dërgonte në këtë epokë.”

Pse po hapen dosjet e errëta sot?

​Falënderimi i takon Allahut, Zotit të botëve, Atij që është i Drejtë, që sheh gjithçka dhe që e nxjerr të vërtetën në dritë edhe kur njerëzit përpiqen ta mbulojnë. Salavatet dhe selamet qofshin mbi të Dërguarin e Allahut ﷺ, mbi familjen dhe shokët e tij, dhe mbi të gjithë ata që e ndjekin rrugën e së vërtetës deri në Ditën e Gjykimit.

​Zbulesat e fundit që po tronditin botën nuk janë thjesht aksidente mediatike apo lojëra politike. Hapja e dosjeve të mbyllura prej dekadash dhe rrëzimi i figurave që për vite me radhë u paraqitën si “elitë morale”, janë shenjë e një procesi më të thellë.

Këtu janë mësimet që na tregojnë se pse kjo po ndodh pikërisht tani:

​1. Allahu nuk e sjell drejtësinë pa e demaskuar zullumin

Drejtësia hyjnore nuk zbret mbi mashtrime të pademaskuara. Allahu i nxjerr zullumqarët në shesh që askush të mos mashtrohet më nga fasada e tyre e "civilizimit" apo "humanizmit".
Para se të ndëshkohen, ata duhet të humbin çdo grimë respekti në sytë e njerëzimit.

​2. Afati i dhënë nuk është mëshirë, por grumbullim prove

Shumë pyesin: "Pse u lanë të veprojnë kaq gjatë?".
Allahu u jep afat zullumqarëve që e keqja e tyre të piqet plotësisht.
Ky afat shërben që dosja e tyre të jetë aq e rëndë, sa askush të mos gjejë dot arsyetim për ta kur të vijë koha e llogarisë.

​3. Demaskimi paraprin rrëzimin final

Një ligj i qartë hyjnor është: Allahu e gris perden përpara se të shkatërrojë kështjellën.
Kur maska bie, zemrat çlirohen nga admirimi i rremë.
Kur ndyrësira del në dritë, askush nuk qan për zullumqarin dhe askush nuk dëshiron të jetë në vendin e tij.

​4. Përgjigjja ndaj lutjes së të zullumtuarit (Viktimës)

Dosjet po hapen sepse lutjet e viktimave nuk kanë fund (nuk shuhen).
Kur njeriu i pafajshëm dhunohet në errësirë, ai nuk ka mbrojtës tjetër veç Allahut.
Profeti ﷺ ka paralajmëruar: “Ruaju lutjes së viktimës, sepse mes saj dhe Allahut nuk ka perde.”

​5. Njeriu është i shenjtë tek Allahu

Në Islam, njeriu nuk është numër, as mjet dhe as material për interesat e të fuqishmëve.
Allahu thotë: “Ne i kemi nderuar bijtë e Ademit.”
Kur kjo shenjtëri shkelet dhe njeriu poshtërohet, heshtja e botës nuk e mbyll çështjen. Atëherë fillon ndërhyrja e Allahut për të rikthyer nderin e njeriut përmes demaskimit të dhunuesve.

​6. Kur njerëzit heshtin, flet Drejtësia Hyjnore

Kur shoqëria, institucionet dhe ligjet njerëzore heshtin përballë padrejtësisë, Allahu e gris perden përmes ngjarjeve të papritura.
Dosjet hapen jo sepse sistemi u bë i drejtë, por sepse Allahu nuk e lejon tokën e Tij të sundohet përgjithmonë nga ndyrësira.

​7. Rrjetet e pushtetit kalben nga brenda

Zbulesat po tregojnë se krimi ka një "datë skadence".
Allahu i bën zullumqarët të përplasen me njëri-tjetrin, duke bërë që tradhtia dhe lufta për pushtet brenda rrjeteve të tyre të bëhet shkak për nxjerrjen e sekreteve në shesh.

​8. Demaskimi i hipokrizisë globale

Këto dosje po zgjojnë vetëdijen e njerëzve mbi standardet e dyfishta.
Ata që bërtasin më shumë për lirinë dhe moralin, shpesh rezultojnë të jenë arkitektët e skllavërimit dhe degjenerimit. Kjo është koha kur maskat e "civilizimit" po bien.

​9. Regjistri i Allahut nuk harron asgjë

Hapja e krimeve pas 20 apo 30 viteve është një mesazh për çdo zullumqar të sotëm:
"Mos u ndje i sigurt pas mureve të tua".
Çdo veprim është i numëruar dhe koha nuk e fshin krimin, vetëm sa e rëndon atë.

​10. Ndëshkimi i atyre që ndotin të Shenjtën

Mësimi më i ashpër vjen për ata që përdorën fenë apo moralin si mburojë për ndyrësirat e tyre. Kushdo që përpiqet të mbulojë krimin me emrin e Zotit, do të ketë një turpërim të dyfishtë në këtë botë dhe në tjetrën.

​11. Zullumqari nuk ka strehë para dritës së të Vërtetës

Shumë nga këto rrjete kanë menduar se teknologjia, muret e larta dhe aleancat e fshehta do t'i mbrojnë përjetësisht.
Por zbulesat po tregojnë se asnjë shërbim sekret, asnjë kod i fshehtë dhe asnjë pasuri nuk mund ta ndalë demaskimin kur Allahu vendos që sekreti i tyre të bëhet publik.
Kjo tregon se pushteti i tyre ishte vetëm një iluzion.

​12. Fundi i "të paprekshmëve" është mësim për lakmitarët

Për vite me radhë, shumë njerëz mund t'i kenë lakmuar këto figura për pasurinë, ndikimin dhe jetën e tyre luksoze.
Por hapja e dosjeve sot po na tregon se pas asaj fasade fshihej një greminë ndyrësie dhe një ankth i vazhdueshëm.
Ky demaskim vjen si një mësim për këdo që mendon se suksesi i ndërtuar mbi haram dhe mbi gjakun e të tjerëve ka qëndrueshmëri.
Allahu po na tregon se fundi i tyre është poshtërim, që asnjë njeri me mend në kokë të mos dëshirojë kurrë të jetë në vendin e tyre.

​13. Heshtja kolektive si terren për zullumin

Hapja e këtyre dosjeve na mëson se këto rrjete të errëta nuk u ndërtuan brenda një nate, por u ushqyen nga heshtja dhe indiferenca jonë.
Kur njerëzit e mirë heshtin, kriminelët bëhen më të guximshëm.
Kjo situatë na tregon se mbrojtja e të vërtetës nuk është vetëm detyrë e institucioneve, por është një amanet për çdo individ. Duhet që e vërteta të thuhet atëherë kur ajo rrezikohet, e jo vetëm kur ajo zbulohet.

​14. Ndihma e Allahut vjen befas dhe nga njerëz të ligë

Kjo që po shohim sot është dëshmi se Allahu krijon terrenin për ngritjen e Islamit dhe të drejtësisë në mënyra që ne nuk i parashikojmë dot.
Ndihma e Allahut vjen befas dhe ndonjëherë Ai e forcon këtë fe edhe përmes njerëzve të ligë, ashtu siç ka ardhur në hadith se Allahu e ndihmon këtë fe edhe me një njeri gjynahqar apo të degjeneruar.
Kur zullumqarët demaskojnë njëri-tjetrin, ata pa dashje po i shërbejnë pastrimit të rrugës për triumfin e së vërtetës.

​15. Pastrimi si parathënie e një ngritjeje të re

Kjo valë zbulesash është një shenjë pastrimi.
Toka po pastrohet nga plehunat e hipokrizisë që t'i lihet vendi një epoke ku e vërteta dhe drejtësia do të bartet nga njerëz që krenohen me fenë dhe jetojnë me nder.
​O Zot i Madhërishëm,
Mos lër asnjë zullumqar pa e poshtëruar në këtë botë para ahiretit.
Mos lër asnjë maskë pa e grisë dhe asnjë viktimë pa drejtësi.
O Allah, Ti që po e pastron tokën, përgatite atë për të vërtetën, sepse kjo tokë është e Jotja dhe ndyrësirat nuk janë të denja ta sundojnë.

​Hoxhë Sadullah Bajrami