SHMM "Tefta Tashko" - Mitrovicë

🎶 Koncerti i Fundvitit Shkollor 2025/2026 🎶

Sot, Shkolla e Muzikës “Tefta Tashko” organizoi me sukses Koncertin e Fundvitit Shkollor, ku nxënësit e shkollës fillore dhe të mesme të muzikës prezantuan talentin, përkushtimin dhe zhvillimin e tyre artistik përmes një programi të pasur me interpretime instrumentale dhe vokale.

Ky koncert përmbylli një vit të mbushur me punë, mësim dhe arritje artistike, duke dëshmuar nivelin e lartë të angazhimit të nxënësve dhe përkushtimin profesional të stafit pedagogjik në edukimin dhe formimin e artistëve të rinj.

Drejtoresha e shkollës, Valbona Prekazi, shprehu krenarinë për rezultatet e arritura dhe besimin se nxënësit do të vazhdojnë të korrin suksese edhe më të mëdha në rrugëtimin e tyre artistik në të ardhmen.

Koncerti i Klasës së Pianos së Prof. Saranda Kutllovci Syla 🎹

Sot u mbajt me sukses Koncerti i Klasës së Pianos së Prof. Saranda Kutllovci Syla, duke shënuar njëkohësisht edhe aktivitetin përmbyllës të këtij viti shkollor.

Nxënësit interpretuan me përkushtim dhe emocion veprat e përgatitura gjatë vitit, duke dëshmuar zhvillimin e tyre artistik, disiplinën në punë dhe dashurinë për muzikën. Ky koncert ishte një pasqyrë e punës së vazhdueshme të nxënësve, mbështetjes së prindërve dhe angazhimit në procesin e mësimnxënies.

Falënderojmë të gjithë prindërit dhe të pranishmit që me pjesëmarrjen e tyre e bënë këtë koncert edhe më të veçantë. Mirënjohje për nxënësit që me talentin dhe përkushtimin e tyre sollën një mbrëmje të bukur artistike.

🌟 Çdo fund është një fillim i ri. Ky koncert përmbyll një vit të suksesshëm pune, por njëkohësisht hap rrugën për sfida dhe arritje të reja. Vazhdoni të besoni në veten tuaj, të ushtroni me përkushtim dhe të ndiqni ëndrrat tuaja, sepse muzika është një udhëtim i bukur që shpërblen çdo përpjekje.

Urime të gjithë nxënësve për sukseset e arritura! 💫🎶

KONKURS

-Për registrimin e nxënësve në klasën e parë
të shkollës fillore per vitin shkollor 2026/27

-Konkursi do të jetë i hapur
nga data 15 deri më 19 gershor 2026.

Masterclass me producentin Florent Boshnjaku

Pergjate javes, nxenesit e shkolles se mesme Tefta Tashko, pate rastin te ndiqnin masterclassin mbi produksionin muzikor te udhehequr nga kompozitori dhe producentin i mirenjohur Florent Boshnjaku.

Ne ambientet e Dream House Studio, nxenesit u njohen me pajisjet, softwaret, dhe teknikat per prodhimin e muzikes moderne. Nje pjese e rendesishme e masterklasit ishte diskutimi mbi perdorimin dhe ndikimin e inteligjencen artificiale ne muziken moderne.

Shkolla dhe nxenesit falemnderojne perzemersisht maestro Florent Boshnjakun per ftesen, organizimin, dhe mikepritjen gjate masterclassit.

Kocert Klase - Piano

Ky koncert ishte një mundësi e shkëlqyer për nxënësit që të shfaqnin talentin, aftësitë dhe përkushtimin e tyre në muzikë, duke prezantuar punën dhe përparimin e arritur gjatë vitit shkollor si rezultat i angazhimit të vazhdueshëm të nxënësve dhe mësimdhënësve. Koncerti u udhëhoq nga profesoreshat Rina Ferri Ademi dhe Anisa Suhodolli Mujka.

Këtë javë, nxënësit tanë të talentuar, Unik Begu dhe Jan Mujka, nxënës të prof. Erhan Mujka morën pjesë në dy gara prestigjioze, duke fituar jo vetëm çmime , por edhe përvoja shumë të vlefshme për rrugëtimin e tyre artistik!

Garat e Kitarës “Prenk Jakova” – Prishtinë:
🥈 Unik Begu – Çmimi i Dytë
🥈 Jan Mujka – Çmimi i Dytë

International Guitar Festival “Tremolo” – Shkup:
🥇 Jan Mujka – Çmimi i Parë (100 pikë)
🥇 Unik Begu – Çmimi i Parë

Këta fëmijë të talentuar nga Mitrovica, por edhe krenaria e Kosovës , meritojnë mbështetje, përkrahje dhe motivim për të vazhduar zhvillimin e talentit të tyre!

Koncerti Pianistik në Shkolla e Muzikës “Tefta Tashko”, Mitrovicë

Shkolla e Muzikës “Tefta Tashko” në Mitrovicë mbajti Koncerti Pianistik, ku nxënësit prezantuan një repertor të përzgjedhur nga kompozitorë kosovarë dhe ndërkombëtarë.

Nxënësit e profesorëve Endi Abrashi, Fisnik Komtrashi, Valëza Hasani, Saranda Kutllovci Syla, Rina Ferri Ademi, Florina Bunjaku dhe Melisa Ibrahimi interpretuan me përkushtim dhe profesionalizëm, duke dëshmuar nivel të lartë artistik.

Koncerti u prit me duartrokitje nga publiku dhe dëshmoi edhe një herë rolin e rëndësishëm të shkollës në zhvillimin dhe promovimin e talenteve të reja në qytetit.

Koncert Klase - Violinë

Ky koncert ishte një mundësi e shkëlqyer për nxënësit që të shfaqnin talentin dhe përkushtimin e tyre në muzikë. Koncerti u udhëhoq nga profesori Festim Haxhikadriu

Koncert

🌍🎶 Shkolla e Muzikës “Tefta Tashko” pjesë e aksionit më të madh të pastrimit në Mitrovicë 🎶🌍

Me rastin e Ditës Ndërkombëtare të Tokës, nxënësit dhe mësimdhënësit e Shkollës së Muzikës “Tefta Tashko” iu bashkuan aksionit më të madh të pastrimit të organizuar ndonjëherë në Mitrovicë, së bashku me mbi 700 vullnetarë nga fusha të ndryshme të jetës shoqërore.

Pjesëmarrja jonë në këtë nismë dëshmon se edukimi artistik ecën krah për krah me edukimin qytetar, duke kultivuar tek të rinjtë ndjenjën e përgjegjësisë ndaj mjedisit dhe komunitetit.

Ky aksion përfshiu pastrimin e shumë hapësirave publike, shkollore, shëndetësore, kulturore dhe natyrore në qytetin tonë, duke treguar se kur bashkohemi për një qëllim të mirë, rezultatet janë të jashtëzakonshme.

Falënderojmë nxënësit dhe stafin tonë për përkushtimin dhe shembullin e dhënë në këtë ditë të rëndësishme.