SHFMU "Hasan Prishtina" Milloshevë

Nxënësit e shkollës sonë morën pjesë në aktivitetin e organizuar nga BONEVET GJAKOVA në kuadër të projektit Green Generation 3.0, i cili u mbajt sot në Shkollën Profesionale “Minatori” në Fushë Kosovë.

Përmes këtij aktiviteti, nxënësit patën mundësinë të prezantojnë idetë e tyre për adresimin e sfidave mjedisore të identifikuara gjatë auditimeve klimatike, si dhe të kontribuojnë me zgjidhje konkrete dhe inovative për përmirësimin e mjedisit shkollor dhe të komunitetit.

Aktiviteti kishte për qëllim fuqizimin e rolit të të rinjve në mbrojtjen e mjedisit dhe promovimin e praktikave të qëndrueshme për një të ardhme më të gjelbër. Njëkohësisht, ai shërbeu si platformë për shkëmbimin e ideve, bashkëpunimin dhe nxitjen e përgjegjësisë qytetare ndaj sfidave klimatike dhe mjedisore.

Në fund të këtij aktiviteti, shkolla jonë u nderua me Mirënjohje për Pjesëmarrje, si vlerësim për angazhimin, kreativitetin dhe kontributin e nxënësve në promovimin e iniciativave mjedisore. Kjo mirënjohje përbën një dëshmi të përkushtimit të shkollës sonë ndaj edukimit për zhvillim të qëndrueshëm dhe një motivim shtesë për të vazhduar me aktivitete që ndikojnë pozitivisht në mjedis dhe komunitet.

18.06.2026

Sot festuam me shumë gëzim dhe emocion Festën e Abetares – një hap të rëndësishëm në rrugëtimin e dijes së fëmijëve tanë.

Me buzëqeshje, recitime dhe plot krenari, ata treguan sa shumë kanë mësuar gjatë këtij viti. Kjo festë shënon fundin e një etape të bukur dhe fillimin e shumë sukseseve të reja.

Urime të gjithë nxënësve për arritjet e tyre dhe falënderime mësuesve dhe prindërve për mbështetjen e vazhdueshme!

Mësuesja: Majlinda Bekteshi Ismajli
Klasa I/3 - Raskovë

Me emocione, krenari dhe shumë kujtime të bukura, nxënësit e klasave të nënta të shkollës sonë përmbyllën me sukses arsimin e mesëm të ulët dhe festuan një nga momentet më të rëndësishme të jetës së tyre shkollore – semimaturën.

Kjo ditë shënon fundin e një etape të rëndësishme arsimore, gjatë së cilës nxënësit fituan njohuri, zhvilluan aftësi të reja dhe krijuan miqësi që do t’i shoqërojnë gjatë gjithë jetës. Përkushtimi, puna dhe angazhimi i tyre janë kurorëzuar me këtë moment të veçantë, i cili simbolizon njëkohësisht edhe fillimin e rrugëtimit të ri drejt arsimit të mesëm të lartë.

Shkolla jonë shpreh mirënjohje të veçantë për mësimdhënësit, prindërit dhe të gjithë ata që kontribuan në edukimin dhe formimin e këtyre të rinjve. Falë bashkëpunimit dhe mbështetjes së vazhdueshme, nxënësit tanë kanë arritur të përmbyllin me sukses këtë fazë të rëndësishme të shkollimit.

Të gjithë semimaturantëve u urojmë suksese në rrugën e mëtejme të arsimimit, realizimin e ëndrrave dhe arritjen e synimeve të tyre. Le të mbeten gjithmonë ambasadorë të vlerave, dijes dhe përkushtimit që kanë kultivuar gjatë viteve të shkollimit në shkollën tonë.

Urime semimaturantëve të gjeneratës 2025/2026!

Promovohen dy libra të autorëve të rinj në shkollën tonë.

Në ambientet e shkollës sonë u mbajt ceremonia e promovimit të dy librave të cilët dëshmojnë talentin, kreativitetin dhe përkushtimin e nxënësve tanë ndaj letërsisë dhe krijimtarisë artistike.

Libri i parë “Puhizë Poetike”, është botim i grupit letrar “Migjeni” dhe përmbledh poezi të shkruara nga nxënësit e shkollës sonë. Ky libër paraqet një mozaik emocionesh, mendimesh dhe reflektimesh rinore, duke shpalosur talentin letrar të autorëve të rinj.
Po ashtu u promovua edhe libri “Fshehtësia mes Fletëve”, vepër e autores së re Elmedina Igrishta, nxënëse e klasës së shtatë. Përmes këtij libri, Elmedina dëshmon pasionin e saj për shkrimin dhe aftësinë për të ndërtuar një rrëfim që zgjon kureshtjen dhe interesimin e lexuesit.

Me rastin e promovimit të këtyre veprave, fjalë rasti mbajtën Shahbaze Vishaj Grajqevci, redaktore dhe lektore e librit “Puhizë Poetike”, si dhe zëvendësdrejtori i shkollës Driton Raçi njëherësh redaktor dhe lektor i veprës “Fshehtësia mes Fletëve”. Në fjalimet e tyre, ata vlerësuan lart botimin e këtyre librave duke theksuar se ato përfaqësojnë një arritje të rëndësishme për autorët e rinj dhe për vetë shkollën.
Ata theksuan se këto vepra kanë vlerë të veçantë edukative, kulturore dhe letrare, pasi dëshmojnë talentin, përkushtimin dhe kreativitetin e nxënësve. Sipas tyre, botimi i librave në moshë të re është një sukses i admirueshëm që meriton mbështetje dhe promovim të vazhdueshëm, ndërsa shërben edhe si frymëzim për nxënësit e tjerë që të kultivojnë pasionin për leximin dhe shkrimin.
Të pranishmit e mirëpritën me entuziazëm këtë ngjarje letrare, e cila dëshmoi edhe një herë se shkolla jonë mbetet një vatër e rëndësishme e zhvillimit të talenteve të reja dhe e promovimit të vlerave kulturore e artistike.

Ky aktivitet ishte një festë e librit dhe e fjalës së shkruar duke inkurajuar nxënësit që të kultivojnë dashurinë për leximin dhe krijimtarinë letrare. Promovime të tilla janë dëshmi e rëndësisë së mbështetjes së talenteve të reja dhe e rolit që shkolla luan në zhvillimin e tyre kulturor e artistik. Krijimtaria letrare e nxënësve dhe botimi i veprave të tyre janë ndër mënyrat më të mira për të nxitur kulturën e leximit dhe shkrimit në shkollë.

Milloshevë
04.06.2026

Nxënësit tanë të suksesshëm u nderuan me certifikata në Olimpiadën e Gjuhës Shqipe

Sot, në ambientet e Kuvendit Komunal në Obiliq u mbajt ceremonia e ndarjes së certifikatave për nxënësit fitues në Olimpiadën e Gjuhës Shqipe në nivel komunal për vitin akademik 2025/2026 e të kualifikuar për garat në nivel vendi.
Me këtë rast u vlerësuan edhe nxënësit e shkollës sonë të cilët me punën, përkushtimin dhe njohuritë e tyre arritën rezultate të shkëlqyera:

* Ariola Berisha
* Albina Krasniqi
* Leona Xhemajli
* Shkurta Musliu

Ky vlerësim përbën një dëshmi të angazhimit dhe suksesit të nxënësve tanë në fushën e gjuhës shqipe, duke na bërë krenarë me arritjet e tyre.

I përgëzojmë nxënëset për këtë sukses të merituar dhe u dëshirojmë shumë suksese të tjera në rrugëtimin e tyre arsimor. Gjithashtu, falënderojmë mësimdhënësit dhe prindërit për mbështetjen e vazhdueshme në arritjen e këtyre rezultateve.📚

Milloshevë
03.06.2026

Në shenjë vlerësimi për angazhimin, përkushtimin dhe kontributin e dhënë gjatë vitit shkollor 2025/2026, drejtoria e shkollës ndau Lëvdata për anëtarët e Këshillit të Nxënësve.

Këto lëvdata u ndanë për të vlerësuar punën e tyre të palodhshme në përfaqësimin e interesave të nxënësve, pjesëmarrjen aktive në aktivitetet shkollore dhe bashkëpunimin e vazhdueshëm me drejtorinë, mësimdhënësit dhe komunitetin shkollor. Roli i Këshillit të Nxënësve është i rëndësishëm në jetën e shkollës, duke promovuar pjesëmarrjen demokratike, përgjegjësinë dhe iniciativën e nxënësve.

Me këtë rast, zëvendësdrejtori i shkollës falënderoi të gjithë anëtarët e Këshillit të Nxënësve për kontributin e tyre të çmuar dhe u uroi suksese të mëtejshme në rrugëtimin e tyre arsimor dhe personal.

Urime të gjithë nxënësve të vlerësuar për punën dhe angazhimin e treguar gjatë këtij viti shkollor! 🎓

Milloshevë
02.06.2026

📚 Ari Thaçi u rikthye në shkollën tonë, por kësaj radhe në një rol tjetër.

Në bashkëpunim me Play International dhe në kuadër të projektit “Dëgjo Zërin Tim”, u zhvillua një aktivitet edukativ me nxënësit mbi diskriminimin.

Gjatë diskutimit trajtuam çështje si: pse ndodh diskriminimi, cilat janë pasojat e tij dhe çfarë mund të bëjmë së bashku për ta parandaluar atë. Nxënësit ndanë mendimet dhe përvojat e tyre, duke kontribuar në një debat të hapur dhe konstruktiv.

Së bashku po ndërtojmë një mjedis më të barabartë, më gjithëpërfshirës dhe me më shumë respekt për njëri-tjetrin. 🤝✨

Me rastin e Festës së Kurban Bajramit, Drejtoria e shkollës sonë ju përcjell urimet më të sinqerta të gjithë nxënësve, mësimdhënësve, prindërve dhe qytetarëve.

Qoftë kjo festë simbol i paqes, solidaritetit, mirëkuptimit dhe humanizmit mes nesh. Urojmë që në çdo familje të mbretërojë shëndeti, harmonia, gëzimi dhe begatia.

Gëzuar Festën e Kurban Bajramit!
Me respekt drejtoria e shkollës

Në kuadër të aktiviteteve edukative nga aktivi i Shkencave Shoqëria dhe Mjedisi, nxënësit e klasëve të shtata realizuan një vizitë mësimore në disa nga vendet më të njohura natyrore dhe historike të Kosovës. Gjatë kësaj vizite, ata patën mundësinë të njihen nga afër me veçoritë natyrore, gjeografike dhe kulturore të vendit tonë.

Fillimisht, nxënësit vizituan Bifurkacioni i Nerodimes në Ferizaj, një fenomen i rrallë natyror ku lumi ndahet në dy drejtime dhe derdhet në dy dete të ndryshme. Më pas, ata vazhduan udhëtimin drejt Bjeshkët e Prevalles, ku shijuan bukuritë natyrore, ajrin e pastër dhe peizazhet malore, duke mësuar më shumë për rëndësinë e ruajtjes së natyrës dhe biodiversitetit.

Vizita përfundoi në Lidhja Shqiptare e Prizrenit në Prizren, ku nxënësit u njohën me historinë dhe rëndësinë kombëtare të këtij institucioni historik. Kjo vizitë ishte një përvojë e vlefshme edukative dhe argëtuese, e cila kontribuoi në zgjerimin e njohurive të nxënësve dhe forcimin e bashkëpunimit mes tyre.