SHFMU "18 Prilli" - Burim

Festa e Abetares 2026

Sot në shkollën tonë u organizua me shumë sukses, gëzim dhe emocione Festa e Abetares, një aktivitet i veçantë kushtuar nxënësve të klasës së parë, të cilët përmbyllën me sukses hapat e tyre të parë në botën e shkronjave dhe leximit dhe duke bërë një hap të rëndësishëm në rrugëtimin e dijes.

Përmes recitimeve, këngëve dhe pikave të ndryshme artistike, nxënësit treguan njohuritë dhe aftësitë e fituara gjatë këtij viti shkollor, duke e bërë këtë festë edhe më madhështore dhe të paharrueshme për të gjithë të pranishmit.

Falënderojmë mësuesin e klasës së parë Besart I. Morina, për përkushtimin e tij të vazhdueshëm dhe bashkëpunimin e sinqert me të gjithë, si dhe prindërit për angazhimin dhe mbështetjen e dhënë gjatë gjithë këtij rrugëtimi.

Nxënësve tanë të dashur u urojmë suksese të mëtejshme në rrugën e dijes dhe shumë arritje në vitet që vijnë.

Urojmë që nxënësit të vazhdojnë të mësojnë me përkushtim dhe kureshtje, të ëndërrojnë me guxim dhe të ecin përpara me shumë besim.

Urime Festa e Abetares! 📚🎉✨

Me respekt,
Drejtori i Shkollës
Afrim Morina

📍Burim, 05.06.2026

Gëzuar 1 Qershori, fëmijë!

Me rastin e 1 Qershorit – Ditës Ndërkombëtare të Fëmijëve, në shkollën tonë u organizuan aktivitete të ndryshme argëtuese dhe edukative, ku nxënësit kaluan çaste të bukura, plot buzëqeshje dhe me lojra të bukura.

Andaj, urime të gjithë fëmijëve kjo ditë e veçantë!

Përgëzojmë mësueset Edionë Paçarizi dhe Elvisë Morina për angazhimin dhe organizimin e aktiviteteve, duke u mundësuar fëmijëve lojra të bukura, dhurata dhe një ditë të veçantë e të paharrueshme.

Urime të gjithë fëmijëve kjo ditë, duke u dëshiruar fëmijëri të lumtur, shëndet dhe shumë suksese!

Me respekt,
Drejtori i Shkollës
Afrim Morina

Burim, 01.06.2026

31 Maj – Dita Botërore Kundër Duhanit

Me rastin e 31 Majit – Ditës Botërore Kundër Duhanit, me qëllim të rritjes së vetëdijes dhe ndërgjegjësimit për dëmet që shkakton pirja e duhanit, mësimdhënësit së bashku me nxënësit e tyre realizuan punime tematike dhe zhvilluan një fushatë ndërgjegjësuese në shkollë.

Andaj, për angazhimin dhe kontributin e tyre në organizimin dhe realizimin e këtij aktiviteti, falënderojmë në veçanti mësimdhënësit Sami Morina dhe Mimoza Paçarizi.

Së bashku për një jetë më të shëndetshme dhe pa duhan!

Me respekt,
Drejtori i shkollës
Afrim Morina

Burim, më 31,05.2026

REZULTATI I OLIMPIADËS SË GJUHËS SHQIPE NGA FAZA E III-TË

Edhe në këtë fazë, dy nxënësit tanë, Valdrin Krasniqi dhe Adis Morina, u treguan të suksesshëm dhe të përkushtuar, duke u renditur në mesin e nxënësve më të mirë nga komuna e Malishevës. Në këtë rast, Valdrin Krasniqi renditet në vendin e dytë.

Andaj, falenderojmë nxënësit dhe mësuesin e tyre Ilir Morina për suksesin dhe përkushtimin në arritjen e rezultateve.

Urime e shumë suksese në vijim!

Me respekt, Afrim Morina, drejtor i shkollës

Burim, më 18.05.2026

NJOFTIM

REGJISTRIMI I NXËNËSVE NË KLASËN E PARË

Viti shkollor: 2026/2027

𝐀𝐟𝐚𝐭𝐢 𝐩𝐞̈𝐫 𝐫𝐞𝐠𝐣𝐢𝐬𝐭𝐫𝐢𝐦: 𝟏𝟓.𝟎𝟓.𝟐𝟎𝟐6 - 𝟏𝟓.𝟎𝟔.𝟐𝟎𝟐6

Njoftojmë të gjithë prindërit e fshatit Burim dhe me gjerë se nga 15 maji bëhet regjistrimi i nxënësve në klasën e parë, për vitin shkollor 2026/2027. Kjo do të bëhet duke respektuar udhëzimin administrativ nga Masht me Nr. 09/2023 për regjistrimin e fëmijëve në klasën e parë.

Dokumentet e nevojshme për regjistrim të fëmijës:
𝟏. 𝘾𝙚𝙧𝙩𝙞𝙛𝙞𝙠𝙖𝙩𝙚̈𝙣 𝙚 𝙡𝙞𝙣𝙙𝙟𝙚𝙨/𝙚𝙠𝙨𝙩𝙧𝙖𝙠𝙩𝙞𝙣 𝙚 𝙡𝙞𝙣𝙙𝙟𝙚𝙨,
𝟐. 𝘾𝙚𝙧𝙩𝙞𝙛𝙞𝙠𝙖𝙩𝙚̈𝙣 𝙚 𝙫𝙖𝙠𝙨𝙞𝙣𝙞𝙢𝙞𝙩/𝐅𝐥𝐞𝐭𝐨𝐫𝐣𝐚 𝐞 𝐬𝐡𝐞̈𝐧𝐝𝐞𝐭𝐢𝐭 𝐭𝐞̈ 𝐟𝐞̈𝐦𝐢𝐣𝐞̈𝐬.
𝟑. 𝘿𝙤𝙠𝙪𝙢𝙚𝙣𝙩𝙚𝙩 𝙚 𝙥𝙧𝙞𝙣𝙙𝙞𝙩/ 𝙠𝙪𝙟𝙙𝙚𝙨𝙩𝙖𝙧𝙞𝙩 𝙡𝙞𝙜𝙟𝙤𝙧.
Regjistrimi bëhet çdo ditë pune nga ora: 10:00-11:30.

Po ashtu, gjatë kësaj kohe mund të sjellni edhe të dhënat e fëmijëve për regjistrim në parashkollor.

𝐕𝐞̈𝐫𝐞𝐣𝐭𝐣𝐞: Gjatë regjistrimit duhet të jetë i pranishëm të paktën njëri nga prindërit apo kujdestari ligjor dhe të plotësohet formulari i aplikimit.

Me respekt, Afrim Morina, drejtor i shkollës

Burim, 14.05.2026

KROSI PRANVEROR 2026

Sot u shpërblyen nxënësit me të dalluar të krosit të mbajtur dje me datë: 28.04.2026

Djemt:

Adis Morina, vendi i parë 🥇🏆
Shaban Krasniqi, vendi i dytë 🥈
Enis Morina, vendi i tretë 🥉

Vajzat:

Lirika Morina, vendi i parë 🥇🏆
Diellza Morina, vendi i dytë 🥈
Fjolla Krasniqi, vendi i tretë 🥉

Falënderojmë mësimdhënësit: Sami Morina dhe Musli Bytyqi për angazhimin dhe kontributin me nxënës.

Urime e shumë suksese!

Me respekt, Afrim Morina, drejtor në SHFMU "18 Prilli" - Burim

📍 Burim, 29.04.2026

🌍 22 Prilli - Dita Botërore e Tokës 🌍

Me rastin e kësaj dite, mësimdhënësit e nivelit fillor zhvilluan ligjërata dhe aktivitete vetëdijësuese për ruajtjen e natyrës dhe rritjen e përgjegjësisë kolektive.
Në këtë drejtim, mësimdhënësit që u angazhuan së bashku me nxënësit e tyre ishin:
Besart Morina
Valentinë Morina dhe
Edionë Morina

Në fund, duhet të kujtojmë se mbrojtja e Tokës nuk është vetëm një detyrë për një ditë, por një përgjegjësi e përditshme. Vetëm duke bashkëpunuar mund të sigurojmë një të ardhme më të pastër dhe më të shëndetshme për brezat që vijnë.

📍 Burim, 22.04.2026

DITA E SHKOLLËS

20.04.2026

Faleminderit e shumë urime të gjithëve!

Njoftim

Në shenjë solidarizimi me rastin tragjik, ku humbën jetën tri viktima nga Komuna e Malishevës, ju njoftojmë se shkolla jonë ka marrë vendim që aktiviteti i paraparë për festimin e Ditës së Shkollës të shtyhet.

Aktiviteti do të mbahet ditën e hënë, më 20.04.2026.

Në këto momente të rënda, shprehim ngushëllimet tona më të sinqerta për familjet e viktimave, shkollës "Ibrahim Mazreku" pjesë e të cilës ishin dy nxënës dhe për të gjithë ata që i njohën.

Me respekt, Drejtoria e Shkollës