SHFMU " Vesel Pagarusha '' në Pagarushë

NJOFTIM👇

SHFMU " Vesel Pagarusha '' në Pagarushë

NJOFTIM

Njoftohen të gjithë mësimdhënësit, nxënësit dhe prindërit se nesër, më 12.06.2026, nuk do të mbahet mësim për nder të festës “Dita e Paqes”.

Po ashtu, njoftohen të gjithë mësimdhënësit se të shtunën, më 13.06.2026, do të mbahet mësim sipas orarit të ditës së hënë, për zëvendësimin e ditëve të humbura gjatë vitit shkollor.

Drejtori: Astrit Krasniqi

DITA E SHKOLLËS NË SHFMU “VESEL PAGARUSHA” NË PAGARUSHË

25.05.2026

Sot, në ambientet e SHFMU “Vesel Pagarusha” në Pagarushë, u kremtua Dita e Shkollës, në praninë e mësimdhënësve, nxënësve, prindërve, mysafirëve dhe shumë të ftuarve të tjerë.

Në këtë manifestim u prezantuan sukseset dhe të arriturat e nxënësve gjatë vitit shkollor 2025/2026 në fusha të ndryshme, si në mësime, sport, aktivitete kulturore dhe gara të ndryshme shkollore, duke dëshmuar përkushtimin dhe angazhimin e vazhdueshëm të nxënësve dhe stafit arsimor.

Me këtë rast, u ndanë mirënjohje për nxënësit dhe mësimdhënësit, për angazhimin, sukseset dhe kontributin e dhënë gjatë vitit shkollor 2025/2026, si dhe për përfaqësimin dinjitoz të shkollës në aktivitete dhe gara të ndryshme.

Drejtori i shkollës falënderoi të gjithë të pranishmit për pjesëmarrjen, mbështetjen dhe bashkëpunimin e vazhdueshëm, duke vlerësuar lart kontributin e mësimdhënësve, prindërve dhe nxënësve në sukseset e arritura të shkollës sonë.

Me respekt:
Drejtor: Astrit Krasniqi

📖 Festa e Abetares

Sot në shkollën tonë u mbajt me shumë emocion dhe gëzim Festa e Abetares nga nxënësit e klasës së parë, të cilët me buzëqeshjet, recitimet dhe paraqitjet e tyre sollën një atmosferë të veçantë për të gjithë të pranishmit.

Kjo festë shënon një hap të rëndësishëm në rrugëtimin e tyre drejt dijes dhe mbetet një kujtim i paharruar për secilin fëmijë, prind dhe mësimdhënës.

Falënderim i veçantë për arsimtarët kujdestarë Enver Krasniqi dhe Avni Krasniqi për përkushtimin, punën dhe angazhimin e tyre të vazhdueshëm me nxënësit, duke bërë që kjo ditë të organizohet në mënyrën më të mirë të mundshme.

Po ashtu, mirënjohje të sinqertë për të gjithë prindërit e nxënësve për angazhimin e pashoq, bashkëpunimin dhe mbështetjen e vazhdueshme në realizimin e kësaj feste të bukur.

Urime të gjithë nxënësve Festën e Abetares! Ju dëshirojmë shumë suksese, shëndet dhe dituri në rrugëtimin tuaj shkollor.

Me respekt:
Drejtori: Astrit Krasniqi

FTESË
Të nderuara familje të dëshmorëve,
Të nderuar veteranë të UÇK-së,
Të nderuar mësimdhënës, nxënës, prindër dhe banorë të fshatit Pagarushë,
Kemi kënaqësinë t’ju ftojmë të merrni pjesë në kremtimin e Ditës së Shkollës së SHFMU “Vesel Pagarusha” në Pagarushë, i cili do të mbahet:
📅 E hënë, më 25.05.2026
🕘 Ora 09:00
📍 Në ambientet e SHFMU “Vesel Pagarusha” në Pagarushë
Me këtë rast do të organizohet program kulturor dhe artistik i përgatitur nga nxënësit e shkollës sonë.

Pjesëmarrja juaj na nderon dhe i jep madhështi kësaj dite të veçantë për ne.

Me respekt,
Drejtori:
Astrit Krasniqi