SH F M U “ Salih Bytyçi “ në Shkozë

Nxënësit tanë me shumë përkushtim dhe entuziazëm morën pjesë në aktivitetin dhe në garat kombëtare të organizuar nga Ministria e Shëndetësisë dhe Instituti Kombëtar i shëndetësisë Publike me temën “Të rinjtë për një Kosovë pa duhan” 🚭

Përmes këtij organizimi, ata patën mundësinë të shprehin idetë, kreativitetin dhe qëndrimet e tyre kundër përdorimit të duhanit, duke promovuar një mënyrë jetese të shëndetshme dhe të vetëdijshme.

Kjo pjesëmarrje dëshmon se të rinjtë tanë janë zëri i ndryshimit dhe ambasadorë të një të ardhmeje më të mirë për shoqërinë tonë.

Falënderojmë nxënësit e klasave VIII dhe IX-ta për angazhimin e tyre, si dhe mësimdhënësen Besartë Sopaj për mbështetjen dhe udhëheqjen në këtë aktivitet të rëndësishëm, gjithashtu ju urojmë shumë suksese në garë! 👏👏👏



Shkozë, më 04.05.2026
Me respekt, drejtori Arben Bytyçi

OLIMPIADA E PËRBASHKËT E GJUHËS SHQIPE KOSOVË-SHQIPËRI, KLASA 9 2025/2026

Më 20.04.2026 është mbajtur gara në lëndën e gjuhës shqipe “Gjuhëtari i ri” në kuader të olimpiadës së përbashkët në mes të Kosovës dhe Shqipërisë.

Tre fituesit e parë në nivel shkolle janë çertifikuar nga Drejtoria e shkollës:

1. Erinë Bekim Bytyçi ( IX/2 ), vendi parë
2. Qendresë Elmi Sopaj ( IX/1), vendi i dytë
3. Dafinë Jahir Bytyçi ( IX/2 ), vendi i tretë

Nxënësit fitues në nivel shkolle do të marrin pjesë në garat komunale të cilat do të mbahen të shtunën, më 25.04.2026 nga ora 10:00-12:00 në ShFMU “Ibrahim Mazreku” në Malishevë.

Drejtoria e shkollës falenderon për punën dhe angazhimin e tyre komisionet në përbërje nga mësimdhënësit e shkollës:

Komisioni Mbikqyrës:

1. Visar Bytyçi
2. Muhamet Bytyçi
3. Arinetë Sopaj

Komisioni Vlerësues:

1. Rifat Bytyçi
2. Meritë Kastrati
3. Liridonë Morina-Bytyçi

Urime, shëndet dhe suksese në garat komunale!

Shkozë, më 23.04.2026
Me respekt, drejtori Arben Bytyçi

Sot, nxënësit tanë realizuan një vizitë shumë të vlefshme në Qendrën e Kompetencës “Kujtim Krasniqi” në Malishevë për Orientim në Karrierë.

Gjatë kësaj vizite, ata patën mundësinë të informohen më nga afër për profesionet e ndryshme, mundësitë e arsimimit dhe rëndësinë e zgjedhjes së drejtë të karrierës në të ardhmen. Nxënësit u njohën me fusha të ndryshme profesionale dhe u inkurajuan të ndjekin interesat dhe talentet e tyre.

Kjo përvojë ishte mjaft motivuese dhe ndihmoi në zgjerimin e njohurive të tyre për botën e punës dhe zhvillimin personal.

Falënderojmë stafin e Qendrës për mikpritjen dhe bashkëpunimin dhe kujdestarin e klasës IX/1 Visar Bytyqi për punën dhe angazhimin!

Shkozë, më 20.04.2026
Me respekt, drejtori Arben Bytyçi

Falënderim për donacionin

Shkolla jonë shpreh mirënjohjen më të sinqertë për shoqatën Bereqeti në Malishevë për donacionin e çmuar – dhurimin e dy aparateve për ujë dhe 50 bidonëve me ujë për nxënësit dhe stafin e shkollës.

Ky gjest human dhe solidar kontribuon drejtpërdrejt në përmirësimin e kushteve në shkollë dhe në mirëqenien e përditshme të nxënësve dhe mësimdhënësve.

Faleminderit për përkrahjen dhe kujdesin tuaj të vazhdueshëm ndaj arsimit dhe komunitetit tonë!

Respekt dhe mirënjohje për shoqatën Bereqeti në Malishevë dhe kordinatorin e shoqatës z. Afrim Bytyçi! 💧📚

Shkozë, më 03.04.2026
Me respekt, drejtori Arben Bytyçi

Falënderim për donacionin në Ditën e Shkollës

Me rastin e Ditës së Shkollës sonë, shprehim mirënjohjen dhe falënderimin më të sinqertë për dhurimin e një donacioni të vlefshëm prej 5 laptopësh për nevojat e shkollës sonë nga firma S.I.B96-Djemt e Isak Kadri Bytyçi

Ky kontribut i çmuar do të ndikojë drejtpërdrejt në përmirësimin e procesit mësimor dhe në krijimin e kushteve më të mira për nxënësit tanë.

Gjeste të tilla janë dëshmi e përkushtimit dhe mbështetjes ndaj arsimit dhe të ardhmes së fëmijëve tanë.

Faleminderit për besimin dhe mbështetjen tuaj! 👏👏

Së bashku për një arsim më cilësor! 💻📚

Shkozë, më 2 Prill 2026
Me respekt, drejtori Arben Bytyçi