SHFMU "Dy Dëshmorët" Dobrajë e Madhe

Sot, në ShFMU “Dy Dëshmorët”, patëm kënaqësinë dhe nderin të mirëpresim ish-nxënësin tonë, Amër Bahtiri, i cili me bujari dhe përkushtim ndaj arsimit dhuroi për bibliotekën e shkollës disa libra me vlera të rëndësishme edukative arsumore.
Ky gjest i çmuar dëshmon dashurinë për dijen dhe respektin ndaj shkollës ku hodhi hapat e parë të formimit të tij. Njëkohësisht, ai shërben si shembull frymëzues për nxënësit tanë, duke treguar se sukseset e arritura nuk e zbehin kurrë lidhjen me vendin ku fillon rrugëtimi i dijes.
Falënderojmë përzemërsisht Amërin për këtë kontribut të vlefshëm dhe për kujdesin e treguar ndaj shkollës sonë.
Të urojmë suksese të mëtejshme në çdo hap të jetës dhe karrierës, Amër! 📚👏

Sot, së bashku me disa mësimdhënës dhe nxënës, bëmë homazhe pranë varrit të dëshmorit Lulzim Llugiqi. Me respekt dhe mirënjohje kujtuam sakrificën dhe veprën e tij për lirinë që gëzojmë sot.

Këto momente na rikujtojnë se dëshmorët mbeten gjithmonë krenaria dhe frymëzimi ynë. Lavdi e përjetshme dëshmorit Lulzim Llugiqi dhe të gjithë të rënëve për atdhe!

Sot është një ditë e veçantë dhe plot gëzim për nxënësit e klasës së parë të ShFMU "Dy Dëshmorët". Festa e Abetares shënon përfundimin e hapit të parë në rrugëtimin e dijes, ku fëmijët tanë mësuan shkronjat, fjalët dhe bukurinë e leximit e të shkrimit.
Me përkushtim, dashuri dhe punë të palodhur, ata hodhën themelet e dijes që do t’i shoqërojë gjatë gjithë jetës. Kjo festë është një moment krenarie për nxënësit, prindërit dhe mësuesit, të cilët së bashku ndanë gëzimin e këtij suksesi.
Urime të gjithë nxënësve të klasës së parë! Urojmë që rruga juaj drejt dijes të jetë gjithmonë e mbushur me suksese, ëndrra dhe arritje të reja.
Falënderim i veçantë për mësuesit dhe prindërit që bashkëpunuan me përkushtim, duke i udhëhequr nxënësit në hapat e tyre të parë drejt dijes. Me punën dhe përkushtimin e tyre të palodhshëm, ata bënë që çdo shkronjë e mësuar të kthehet në një sukses dhe çdo sfidë në një arritje. Mirënjohje për kontributin e tyre të çmuar në edukimin dhe formimin e brezave të rinj.

Urime Dita e Shkollës!

Dje, shkolla jonë u vesh me petkun festiv të një programi artistik të mrekullueshëm, të përgatitur me shumë pasion e përkushtim. Atmosfera e mbushur me emocione, ngjyra dhe gjallëri ishte pasqyrimi më i mirë i punës së palodhshme të nxënësve dhe mësimdhënësve tanë.

Gjatë këtij manifestimi, pikat artistike dhe talenti i shfaqur në skenë treguan vlerat që kultivohen çdo ditë në vatrën tonë të dijes. Ky bashkëpunim mes nxënësve dhe kolektivit tonë dëshmon se përkushtimi i përbashkët sjell gjithmonë rezultate të shkëlqyera dhe emocione të paharrueshme.

Falënderojmë secilin që kontriboi në realizimin e këtij programi, prindërit për mbështetjen e vazhdueshme, si dhe të gjithë ata që e nderuan shkollën tonë me pjesëmarje. Këto aktivitete pasurojnë jetën tonë shkollore dhe mbeten pjesë e kujtimeve tona të përbashkëta.

SHFMU “Dy Dëshmorët” shpreh mirënjohjen dhe falënderimin e sinqertë për shtëpinë botuese Dukagjini për dhurimin e librave për bibliotekën e shkollës sonë.

Ky gjest i çmuar është një kontribut i rëndësishëm në pasurimin e fondit librar dhe në nxitjen e kulturës së leximit tek nxënësit tanë!

Me respekt drejtoresha e shkolles Ardita Krasniqi

Me rastin e 7 Marsit – Ditës së Mësuesit, në ceremoninë e organizuar nga Drejtoria Komunale e Arsimit në Lipjan, u nderuan mësimdhënës të dalluar për kontributin e tyre në arsim.
Me krenari njoftojmë se nga shkolla jonë u shpall mësuesja e dalluar për këtë vit shkollor mësuesja Peme Berbatovci
Ky vlerësim është dëshmi e përkushtimit, profesionalizmit dhe punës së palodhshme që ajo tregon çdo ditë në edukimin dhe arsimimin e nxënësve. Me dashuri për profesionin dhe përgjegjësi të lartë, ajo vazhdon të jetë shembull i mirë për nxënësit dhe kolegët.
Shkolla jonë ndihet krenare për kontributin dhe angazhimin e saj në rrugën e dijes.
Urime për këtë vlerësim të merituar dhe suksese të mëtejshme!

Në nderim të Dëshmorit të Kombit
Xhevdet Breznica!

Në përvjetorin e rënjës së Dëshmorit, Drejtoresha e shkollës SHFMU "Dy Dëshmorët" Dobrajë e Madhe znj. Ardita Krasniqi, së bashku me mësimdhënës bënë homazhe dhe vendosën lule pranë lapidarit të tij!

Lavdi e përjetshme dëshmorëve të kombit!

NJOFTIM

Të dashur nxënës dhe mësimdhënës, ju njoftojm se mësimi për gjysëmvjetorin e dytë fillon me dt 12.01.2026 sipas orarit të rregullt mësimor!
Suksese nxënësve dhe mësimdhënësve!

Drejtore e shkollës:
Ardita Krasniqi

Të nderuar mësimdhënës e ju të dashur nxënës, Urime 28 Nëntori Festa e Flamurit dhe Ditëlindja e Komandantit Legjendar Adem Jashari!

28 Nëntori për Shqiptarët është festë krenarie, respekti dhe mirënjohje për të parët tanë që sakrifikuan për lirinë.

Për nderë të kësaj feste në shkollën tonë u oraganizua një mori e aktiviteteve nga nxënësit dhe mësimdhënësit të cilët me kreativitetin e tyre treguan dashurin dhe respektin që kanë për Flamurin dhe Atdheun.

Falënderim i veçant për mësimdhënësit prindërit dhe nxënësit që mundësuan realizimin e këtij aktiviteti, të cilët me angazhimin e tyre e bënë edhe më madhështore këtë festë!

I nderuar arsimatari Hanifi!

Sot me rastin e ditëlindjes e njëkohësisht dhe pensionimit tuaj, së bashku me ju po festojmë një rrugëtim të gjatë, të bukur dhe plot kuptim.

Pensionimi është një moment reflektimi për të gjitha vitet që keni ndikuar, frymëzuar dhe udhëhequr breza të tërë nxënësish.

Ju keni qenë më shumë se një mësues, keni qenë një udhërrëfyes i qetë, një zë i duruar, një dritë që na kujtonte se çdo ditë mund të mësonim diçka të re, një kujtim i mirë që do të mbetet gjithmonë pjesë e formimit tonë.

Na mësuat të respektojmë punën, të luftojmë për ëndrrat tona dhe të mos dorëzohemi para sfidave.

Tani, kur hapet një kapitull i ri për ju, ne ju urojmë që vitet e ardhshme të jenë po aq të bukura sa ndikimi që keni lënë tek ne.

Urojmë që të keni kohë për veten, për familjen, për qetësi, për gjithçka që jeta e zënë me shkollën ndoshta nuk ua ka lejuar gjithmonë ta shijoni.

Le të jetë ky pensionim një periudhë e re energjie, gëzimi dhe mirënjohjeje për veten tuaj sepse vërtet e meritoni.

Urime pensionimin!
Qofshin vitet e reja të jetës plot shëndet, qetësi dhe lumturi!

Respekt!