Shkolla Fillore e Mesme e Ulët “Katër Dëshmorët” - Krojmir

SHFMU”Katër Dëshmorët” Krojmir

NJOFTIM

Ju njoftojmë se me datë 12.01.2026(e hënë), fillon procesi edukativo-arsimor për gjysmëvjetorin e dytë të vitit shkollor 2025-2026, për të dy shkollat dhe dy ndërrimet!
Shkolla ka bërë të gjitha përgatitjet për rrugëtimin e suksesshëm për mësimnxënie dhe mësimdhënie!

Suksese dhe na priftë e mbara!

Me respekt,
Drejtori: Shqipërim Qeriqi

SHFMU “KATËR DËSHMORËT” - Krojmir

Drejtori i Arsimit, z. Rasim Hasani, vizitoi shkollën tonë “Katër Dëshmorët” në Krojmir.
Ai u interesua për mbarëvajtjen e fillimit të vitit të ri shkollor, për pajisjen e nxënësve me tekstet e nevojshme mësimore, për përgatitjen e mësimdhënësve me planprograme mësimore dhe për kushtet e tyre të punës.

Drejtori u njoftua nga ne me përgatitjen e klasave për mësimdhënie dhe mësimnxënie, si dhe me gjendjen e objektit shkollor në përgjithësi. Po ashtu, u njoftua edhe me përgatitjet e nevojshme të stafit arsimor për mësimdhënie cilësore.

Ai u zotua për mbështetje të vazhdueshme për shkollën tonë me mjete të konkretizimit dhe të digjitalizimit, të cilat do të mundësojnë mësimdhënie dhe nxënie sa më cilësore në arsim.

Me respekt,
Drejtori: Shqipërim Qeriqi

Festa e Abetares – Klasat e para

Një atmosferë festive dhe plot emocione ka mbretëruar sot në shkollën tonë. Nxënësit e klasave I-1 dhe I-2, së bashku me mësueset e tyre, shënuan me shumë gëzim Festën e Abetares!

Me këngë, poezi, valle dhe buzëqeshje të pafund, ata na treguan se sa shumë kanë mësuar dhe sa të gatshëm janë për kapitullin tjetër të dijes.

Urime dhe suksese nxënësve dhe mësueseve Samire Qadraku dhe Mirjeta Hetemi, për angazhimin dhe përkushtimin shembullor me nxënësit e tyre.

“Mësuesit hapin dyer, por janë fëmijët ata që zgjedhin të hyjnë dhe të fluturojnë.”

02.06.2025 Drejtori: Shqipërim Qeriqi

VENDI I PARË PËR NXËNËSIT E SHKOLLËS SONË NË GARËN E DITURISË “BASHKIMI EVROPIAN DHE INSTITUCIONET E TIJ”🥇

Nxënësit e shkollës sonë SHFMU”Katër Dëshmorët” Krojmir, në garën e diturisë me temën: Bashkimi Evropian dhe institucionet e tij, të organizuar nga OJQ”Vizioni Rinor i Shalës” dhe i mbështetur nga Ministria e Kulturës,Rinisë dhe Sportit, kanë zënë vendin e parë.
Urime dhe suksese për nxënësit e shkollës sonë:
Shera Qeriqi-klasa IX
Diorit Qeriqi - klasa IX
Elmedina Qeriqi- klasa VIII

VENDI I PARË NË GARAT E FUTBOLLIT NË NIVEL KOMUNAL 🏆🥇

Në turnirin e organizuar nga Federata e Futbollit të Kosovës-FFK, ekipi i Vajzave të shkollës sonë ”Katër Dëshmorët”-Krojmir, në garat në futboll të vogël, kanë zënë vendin e parë në nivel komunal!
Njëherit,falënderojmë Drejtorinë e Arsimit, Drejtorinë për Kulturë Rini dhe Sport, Shoqatën e Pedagogëve të Sporteve Shkollore në Lipjan dhe FFK-në për organizimin e turnirit, ku tri vajza nga shkolla jonë u përzgjodhën si talente të reja për të vazhduar sukseset e tyre si talente të reja të futbollit në kuadër të FFK-së.
Urime dhe suksese për ekipin e vajzave të shkollës sonë dhe për arsimtarin e edukatës fizike z. Qazim Drenica!