IAAP"Adem Gllavica" -Lipjan

Më datën 14.05.2026 në IAAP"Adem Gllavica" -Lipjan patëm kënaqësinë të mirëpresim nxënësit e Shkollës Fillore “Vëllezërit Frashëri”, të cilët realizuan një vizitë njohëse me qëllim informimin rreth drejtimeve dhe profileve që ofron shkolla jonë.
Gjatë vizitës, nxënësit u njohën nga afër me kabinetet, punëtoritë praktike dhe mundësitë profesionale që ofron IAAP “Adem Gllavica” për zhvillimin e tyre akademik dhe profesional.
I falënderojmë për vizitën dhe ju dëshirojmë suksese në përzgjedhjen e drejtimit të tyre të ardhshëm shkollor.
Me respekt!
Drejtoria e shkollës.

Sot, në mënyrë solemne, diplomoi gjenerata e parë e mësimit dual në IAAP"Adem Gllavica" -Lipjan .🎓🎓🎓

Drejtimi: Makineri
Profili: Automekanik

Drejtoria e shkollës i uron shumë suksese të gjithë nxënësve të mësimit dual në rrugëtimin e tyre profesional dhe në tregun e punës.

Në këtë ceremoni morën pjesë përfaqësues të institucioneve, si dhe operatorë ekonomikë bashkëpunues, të cilët kanë kontribuar në realizimin e suksesshëm të këtij programi.
Me respekt!
Drejtoria e shkollës.

Të dashur maturantë të IAAP"Adem Gllavica" -Lipjan ,

Urime përfundimi i një etape të rëndësishme të jetës suaj! Pas shumë sfidave, përkushtimi dhe kujtimesh të bukura, sot po mbyllni një kapitull të veçantë dhe po hapni rrugën drejt ëndrrave të reja.
Ju urojmë suksese në çdo hap të jetës, shëndet, lumturi dhe arritje sa më të mëdha. Mos harroni se dijet, puna dhe respekti janë çelësi i suksesit.
Rrugëtimi juaj sapo ka filluar — ecni përpara me besim dhe krenari!
Me urimet më të mira për gjeneratën e maturantëve 2023/2026. 🎓

Me respekt!
Drejtoria e shkollës

TELEGRAM NGUSHËLLIMI

E nderuar familja Pasjaqa,

Me pikëllim të thellë morëm lajmin për humbjen e parakohshme të jetës së vajzës suaj, nxënëses sonë të klasës 12/3, Lumnije Pasjaqa.
Më lejoni t’ju shpreh ngushëllimet më të sinqerta në emrin tim personal dhe në emër të të gjithë profesorëve, nxënësve dhe punëtorëve të tjerë të IAAP"Adem Gllavica" -Lipjan
Lumnijen do ta kujtojmë përherë si një nxënëse të zgjuar, të urtë dhe të dashur për të gjithë.

Ngushëllime familjes!

Me respekt,
Drejtoria e shkollës

Anëtarët e klubit EHF IAAP"Adem Gllavica" -Lipjan , patën kënaqësinë të marrin pjesë në trajnimin për enciklopedinë ndërkombëtare digjitale KÜRE nga Fondacioni T3, në bashkëpunim me Institutin Yunus Emre dhe Engineering HER Future.
Ky trajnim ishte një përvojë shumë e vlefshme, ku fituan njohuri të reja, përvojë dhe takuan njerëz të mrekullueshëm.

Në këtë trajnim morën pjesë nxënësit:
Andi Bejta, Erijona Bahtiri, Lorik Stullca, Melos Buja, Orges Hoti.

Falënderojmë sinqerisht T3, YEE, dhe EHF për organizimin, përkushtimin dhe mikpritjen.
Jemi shumë mirënjohës për këtë mundësi dhe shpresojmë për bashkëpunime të tjera në të ardhmen.

IAAP"Adem Gllavica" -Lipjan është duke zhvilluar Kampin Rinor me temën:👉 “Rrjetizimi i të rinjve për promovimin shëndetësor”

Ky kamp organizohet nga LYC në bashkëpunim me Ministrinë e Shëndetësisë.

👏 Një mundësi e shkëlqyer për të rinjtë për të mësuar, bashkëpunuar dhe kontribuar në promovimin e shëndetit në komunitet!

Të gatshëm për të martën!📒📒👌
Shkolla jonë është gëlqerosur dhe pastruar, duke krijuar një ambient më të pastër dhe më të këndshëm për të gjithë.
Me energji të re, ju mirëpresim për të vazhduar mësimin! 📚✨

🌸🧹 PUSHIMI PRANVEROR ME PUNË DHE PËRKUSHTIM 🏫✨
Edhe gjatë pushimit pranveror, ne vazhdojmë të kujdesemi për ambientin e shkollës sonë! 🌿
Aktualisht po bëhet gëlqerosja dhe mirëmbajtja e klasave nga punëtorët teknikë, në mënyrë që nxënësit të kthehen në një mjedis më të pastër, më të freskët dhe më të këndshëm për mësim. 🧽🎨
👏 Falënderojmë stafin teknik për punën dhe përkushtimin e tyre!
📚 Sepse një ambient i pastër është një hap drejt suksesit të nxënësve tanë!

Regional Youth Cooperation Office - RYCO Projekti Superschools u përmbyll me shumë sukses, duke kurorëzuar disa ditë të mbushura me aktivitete të ndryshme, bashkëpunim dhe përvoja të paharrueshme për të gjithë pjesëmarrësit.
Gjatë ceremonisë përmbyllëse, u ndanë certifikata për nxënësit pjesëmarrës, si një vlerësim i merituar për angazhimin, përkushtimin dhe energjinë që ata treguan gjatë gjithë projektit. Këto certifikata simbolizojnë jo vetëm pjesëmarrjen, por edhe zhvillimin personal, punën në grup dhe përvojat e reja të fituara.
Në përfundim të projektit u organizua edhe një mbrëmje festive, e cila u karakterizua nga atmosferë e ngrohtë, muzikë, argëtim dhe momente të bukura mes nxënësve dhe pjesëmarrësve. Kjo mbrëmje shërbeu si një mundësi e mirë për të reflektuar mbi ditët e kaluara së bashku, për të ndarë kujtime dhe për të forcuar miqësitë e krijuara gjatë këtij rrugëtimi.
Falënderojmë të gjithë ata që kontribuan në realizimin e këtij projekti – organizatorët, stafin, si dhe nxënësit për pjesëmarrjen dhe përkushtimin e tyre.
Ky projekt do të mbetet një përvojë e veçantë dhe frymëzuese për të gjithë ne! 🌟
IAAP"Adem Gllavica" -Lipjan
Sh M Q Sh "8-Shtatori" Shkup - PTT

Dita e katërt 27.03.2026 – RYCO

Dita e katërt e aktivitetit në kuadër të projektit RYCO nisi me një ligjëratë shumë frymëzuese nga profesori Bajram Marevci, me temën “Lidershipi rinor”, ku nxënësit patën mundësinë të diskutojnë mbi rëndësinë e zhvillimit personal, përgjegjësisë dhe rolit aktiv të të rinjve në shoqëri.
Pas ligjëratës, aktivitetet vazhduan me vizitën në kabinetet e mësimit praktik, ku nxënësit u njohën nga afër me kushtet dhe pajisjet që përdoren në drejtimin e automekanikës. Kjo përvojë u mundësoi atyre të shohin në praktikë njohuritë teorike dhe të kuptojnë më mirë rëndësinë e aftësimit profesional.
Këto aktivitete kontribuojnë në zhvillimin e shkathtësive të nxënësve dhe në përgatitjen e tyre për të ardhmen.
Regional Youth Cooperation Office - RYCO
IAAP"Adem Gllavica" -Lipjan
Sh M Q Sh "8-Shtatori" Shkup - PTT