SHFMU ''Atë Gjergj Fishta'' Jagodë

Gëzuar Pashkët!
Le të sjellë kjo festë e shenjtë dritë në zemrat tona, shëndet e mirësi në familje. Pashkët janë një kujtesë se dashuria dhe mirësia gjithmonë triumfojnë.
Ju urojmë ditë të mbushura me gëzim, harmoni dhe bekime të pafundme.

Drejtori i shkollës SHFMU "Atë Gjergj Fishta"
Dodë Grabanica

Të nderuar nxënës, mësimdhënës, prindër dhe besimtarë myslimanë, me rastin e festës së Fitër Bajramit, ju shpreh urimet më të sinqerta, duke ju dëshiruar shëndet, paqe shpirtërore dhe mirëqenie në familjet tuaja. Uroj që kjo festë t’ju gjejë të lumtur pranë më të dashurve tuaj dhe të sjellë harmoni, suksese dhe mbarësi në jetën tuaj!

Urime Fitër Bajramin!

Dodë Grabanica
Drejtor i shkollës “Atë Gjergj Fishta”, Jagodë.

Shkolla jonë ka marrë një pamje të mrekullueshme, të mbushur me lule dhe ngjyra që festojnë mësuesit tanë. Festuam për një nga ditët më të rëndësishme për arsimin dhe shoqërinë tonë, 7 Marsin – Ditën e Mësuesit.
Kjo ditë shënon mirënjohjen dhe respektin tonë për të gjithë mësuesit, të cilët më përkushtim, durim dhe dashuri për dijen punojnë çdo ditë për të formuar brezat e ardhshëm.

Nxënësit e klasës së tretë për këtë 7 Mars i shkruan drejtorit një letër, ku shprehen mesazhe të veçanta për kontributin e tij.

Për nder të kësaj dite drejtorit të shkollës sonë Dodë Grabanica, iu dhurua një pikturë e punuar nga prof. Luan Jakupi. Ku, në shenjë falënderimi drejtori e ndau një mirënjohje për të.

Për kontributin si mësimdhënës i dalluar Drejtoria e Arsimit në Klinë, me prezencë të kryetarit Zenun Elezaj, ndau mirënjohje për arsimtarin Kristë Bekaj.

Gëzuar 7 Marsin – Ditën e Mësuesit! 🌺

Sot, në shkollën tonë festuam për nder të 18-vjetorit të Pavarësisë së Kosovës. Le të jetë kjo ditë një frymëzim për të gjithë ne që ta duam atdheun tonë, ta respektojmë lirinë dhe ta çojmë përpara Kosovën me dije, punë dhe përkushtim.
Më 17 Shkurt 2008, pas një rruge të gjatë sakrifice, qëndrese dhe përpjekjesh të vazhdueshme, Kosova shpalli pavarësinë e saj, duke hapur një kapitull të ri lirie, demokracie dhe shprese. Kjo ditë na kujton forcën e popullit tonë, guximin për të ëndërruar lirinë dhe përgjegjësinë për ta ndërtuar një të ardhme më të drejtë e më të ndritur për brezat që vijnë.

Të veshur me motive kombëtare e ngjyra të flamurit 🇽🇰nxënësit festuan me poezi, monolog, këngë dhe valle.

Falënderojmë prindërit për pjesëmarrje, festofshim gjithmonë të bashkuar.

Në këtë rast të veçantë, dëshirojmë të shprehim falënderimet tona për drejtorin e shkollës sonë Dodë Grabanica, i cili na ka mbështetur dhe inkurajuar në realizimin e këtij programi festiv. Ndër të tjera, me një fjalë rasti, të pranishmëve iu drejtua duke i uruar për Festën e Pavarësisë së Kosovës.

Urima Dita e Pavarësisë🇽🇰

Në qytetin tonë u promovuan seria e lektyrave shkollore për klasat I-V, të shtëpisë botuese Dukagjini.

Të pranishëm ishin nxënës, mësimdhënës dhe drejtor të shkollave, ku u dëshmua se libri vazhdon të ketë vend të veçantë në zemrat e fëmijëve, kur lexohet, ndahet dhe përjetohet së bashku.

Nxënësit e klasës së I, III, IV dhe V të shkollës sonë dhe mësimdhënësit morën dhuratë: katalogun e lektyrave dhe lektyrë për çdo klasë.

U theksua se libri është një burim i rëndësishëm i dijes dhe i kulturës. Ai përmban informacione, tregime dhe ide që ndihmojnë njeriun të mësojë, të mendojë dhe të zhvillojë imagjinatën. Përmes librave, ne njohim botë të reja, kultura të ndryshme dhe përvoja të ndryshme jetësore.

📚📚📚🌞

Në shkollën tonë sot festuam 28 Nëntorin, ditën e flamurit tonë kombëtar🇦🇱, Shqiponjës dykrenare që përfaqëson unitetin, krenarinë dhe forcën e shqiptarëve. Shprehim mirënjohje për ata që dhanë jetën për atdheun, për dëshirën e fortë për të ndërtuar një të ardhme me të mirë për brezat që vijnë.

Të veshur kuq e zi e veshje kombëtare nxënësit festuan me poezi, valle e këngë patriotike, si dhe duke lexuar një historik për nder të Ditës së Flamurit.
Ju nxënës qofshi gjithmonë të gëzuar dhe ta nderoni atdheun tuaj.

Programin festiv na e hijeshuan prindërit me pjesëmarrjen e tyre.
Drejtori i shkollës Dodë Grabanica përshëndeti të gjithë të pranishmit duke i uruar për festën e 28 Nëntorit- Ditës së Flamurit tonë kombëtar.

Rroftë Shqipëria!

Dita e Shkollës – 79 vjet dije në shkollën tonë

Në një atmosferë të ngrohtë e plot emocione, shkolla jonë shënoi 79-vjetorin e themelimit, si një nga shkollat më të vjetra e më me traditë në Klinë.

Në këtë ditë të veçantë mori pjesë edhe kryetari i Komunës së Klinës, z. Zenun Elezaj, i cili përshëndeti stafin dhe nxënësit për punën e tyre në rrugën e dijes.

Nxënësit sollën para të pranishmëve një program të pasur artistik me recitime, këngë dhe gara sportive në vrapim e futboll, duke dëshmuar talentin, energjinë dhe shpirtin garues që i karakterizon.

Nxënësit më të dalluar u vlerësuan me mirënjohje nga drejtori i shkollës, z. Dodë Grabanica. Ndërkohë, drejtori vetë u surprizua nga nxënësit, të cilët e nderuan me një mirënjohje për kontributin e tij të vazhdueshëm, përkushtimin dhe kujdesin e treguar ndër vite.

Në shenjë respekti e falënderimi, drejtori ndau mirënjohje për dy mësimdhënësit e dalluar të shkollës, arsimtarin Kristë Bekaj dhe mësuesen Mire Gojani, për punën e tyre të vyer në edukimin e brezave.

Një falënderim shumë i veçantë u shkon prindërve, që janë gjithmonë pranë shkollës dhe fëmijëve të tyre me përkushtim e dashuri, e në veçanti nënave, të cilat e pasuruan këtë ditë me ushqime tradicionale, duke e bërë atmosferën edhe më të ngrohtë e plot shije.

Kontributi i tyre është shembull i bashkëpunimit të vërtetë mes familjes dhe shkollës.

Edhe ky vit shkollor u përmbyll me sukses! 📚

Edhe një tjetër vit plot angazhim, mësim, sfida e suksese erdhi në fund. Drejtori i shkollës, z. Dodë Grabanica, në emër të gjithë stafit, uron nga zemra nxënësit tanë të dashur, mësimdhënësit, punëtorët teknikë dhe prindërit për përfundimin me sukses të këtij viti shkollor.

Ju urojmë pushime të mbara dhe të mbushura me lumturi, qetësi e shëndet!