IAAP "Fehmi Agani" Klinë

NJOFTIM

Ministria e Arsimit dhe Shkencës njofton të gjithë maturantët se ka filluar aplikimi për Provimin e Maturës Shtetërore.

Aplikimi bëhet përmes platformës eKosova dhe do të jetë i hapur nga 1 qershor deri më 12 qershor 2026.

Ftohet të gjithë maturantët që të aplikojnë brenda afatit të përcaktuar dhe të sigurohen që gjatë procesit të aplikimit të verifikojnë me kujdes saktësinë e të dhënave të tyre personale dhe shkollore.

Për informata shtesë: https://mash.rks-gov.net/alldocuments/udhezues-per-kandidatet-maturantet-per-paraqitje-e-provimit-shteteror-te-matures-ne-platformen-ekosova/

__________________________________

OBAVEŠTENJE

Ministarstvo obrazovanja, nauke, tehnologije i inovacije obaveštava sve maturante da je počelo prijavljivanje za Državni maturski ispit.

Prijavljivanje se vrši putem platforme eKosova i biće otvoreno od 1. juna do 12. juna 2026. godine.

Pozivaju se svi maturanti da se prijave u predviđenom roku i da tokom procesa prijavljivanja pažljivo provere tačnost svojih ličnih i školskih podataka.

Za dodatne informacije: https://mash.rks-gov.net/alldocuments/udhezues-per-kandidatet-maturantet-per-paraqitje-e-provimit-shteteror-te-matures-ne-platformen-ekosova/

_________________________________

ANNOUNCEMENT

The Ministry of Education and Science informs all high school graduates that the application process for the State Matura Exam has begun.

Applications must be submitted through the eKosova platform and will remain open from June 1 to June 12, 2026.

All graduates are invited to apply within the specified deadline and are advised to carefully verify the accuracy of their personal and school data during the application process.

For additional information: https://mash.rks-gov.net/alldocuments/udhezues-per-kandidatet-maturantet-per-paraqitje-e-provimit-shteteror-te-matures-ne-platformen-ekosova/

IAAP “FEHMI AGANI” KURORËZON SUKSESIN ME KUPË NË PROMOVIMIN E VLERAVE HUMANE
Projekti “Promovimi i Vlerave Humane” sot u përmbyll me Kupën dhe një çmim fitues nga nxënësit e shkollës sonë. Ky projekt, i cili u realizua me shumë përkushtim dhe angazhim, ishte i fokusuar në humanizem, solidaritet, fushatë kundër dhunës dhe mbrojtje të mjedisit.
Ky sukses është dëshmi e punës, kreativitetit dhe vlerave që nxënësit tanë promovojnë përmes aktiviteteve dhe projekteve të tyre.

U mbajt takim pune me Këshillin e Arsimtarëve, ku u trajtuan çështje të rëndësishme që lidhen me mbarëvajtjen e procesit edukativo-arsimor.

Vizitë në EDU FAIR 2026

Nxënësit e shkollës sonë patën kënaqësinë të marrin pjesë në EDU FAIR 2026 – Panairin e Edukimit, Karrierës, Punës dhe Sportit, i mbajtur në Sallën “1 Tetori” në Prishtinë.

Gjatë kësaj vizite, nxënësit u njohën nga afër me mundësitë e shumta për orientim në karrierë, profile të ndryshme profesionale si dhe zhvilluan ide më të qarta për të ardhmen e tyre. Ata patën mundësi të shohin prezantime praktike, të bashkëbisedojnë me profesionistë dhe të eksplorojnë fusha të ndryshme të arsimit dhe tregut të punës.

Kjo përvojë ishte një kombinim i shkëlqyer i edukimit dhe argëtimit, duke i motivuar nxënësit drejt zgjedhjeve më të informuara për rrugën e tyre profesionale.

👏 Falënderojmë organizatorët për këtë mundësi të vlefshme!

ZËRI I NXËNËSVE KUNDËR DHUNËS NË SHKOLLË
Në kuadër të projekteve të shumta të PVH-së, shkolla jonë po e përmbyll me sukses këtë cikël aktivitetesh me projektin e fundit “Zëri i Nxënësve”, në kuadër të fushatës kundër dhunës.
Gjatë kësaj periudhe janë realizuar disa aktivitete të rëndësishme, si:
- Hulumtimi përmes pyetësorve;
- Krijimi i aplikacionit “Zëri Im”( ende në fazën e testimit)
- Organizimi i sesioneve informuese nga nxënësi Milot Shabani për përdorimin e aplikacionit dhe
- Rregullimi i hapësirës së klasës që do të shfrytëzohet nga nxënësit për takime të ndryshme,
Një falënderim i veçantë për të gjithë nxënësit për angazhimin dhe përkushtimin e tyre, si dhe për diseminatorët e projekteve Psikologen Lumturije Hasanaj
Mesimdhënësen Mirvete Ferizi Smajli si dhe prof. Besnik Bardheci për mbështetjen dhe udhëzimet e vazhdueshëm ndaj nxënësve.
Po ashtu, falënderojmë edhe bizneset e ndryshme që na mbështetën financiarisht në realizimin e këtij projekti.

Së bashku kemi arritur të promovojmë vlera të rëndësishme për komunitetin tonë!

Sot nxënësit e drejtimit të Përpunimit të Ushqimit dhe Laborantët e Biologjisë realizuan tri vizita në Rahovec: në fabriken e miellit "M&Sillos", në Entin e Verërave dhe në fabrikën përpunuese të verërave “Bodrumi i Vjetër”.
Gjatë këtyre vizitave, ata u njohën nga afër me proceset e përpunimit të grurit deri në prodhimin e miellit.
Po ashtu u njohen me proceset e perpunimit të rrush*t dhe prodhimit të verës, me teknologjinë e përdorur, si dhe me standardet e higjienës dhe sigurisë ushqimore.
Në Entin e Verërave, nxënësit u njoftuan për së afërmi me analizat dhe kontrollat që i bëhen verërave, ku patën rastin të njoftohen me procesin e Degustimit të verërave e cila bëhet nga profesionist të çertifikuar për degustim.

Nxënësit u njohën me rolin e laboratorëve në analizat dhe kontrollin e cilësisë së produkteve, duke fituar përvojë praktike dhe një pasqyrë më të qartë mbi profesionin e tyre.

“Mos e Hidh – Ktheje në Art”

Në kuadër të projektit për riciklimin e materialeve dhe mbrojtjen e mjedisit (PVH + Kryqi i Kuq) nxënësit e IAAP " Fehmi Agani" realizuan një aktivitet kreativ dhe me shumë vlerë për komunitetin shkollor.

Duke përdorur goma të ricikluara të cilat i ngjyrosën me ngjyra të ndryshme, i përdorën për mbjelljën e luleve në oborrin e shkollës, duke i dhënë hapësirës një pamje më të gjallë dhe më të bukur.

Po ashtu, përmes punimeve të tyre, nxënësit mbajtën një ligjëratë sensibilizuese, ku theksuan rëndësinë e riciklimit dhe mbrojtjes së mjedisit, duke përcjellë mesazhe të fuqishme për kujdesin ndaj natyrës.

Ky aktivitet dëshmon se me pak kreativitet dhe përkushtim, çdo material mund të marrë jetë të re dhe të shndërrohet në diçka të vlefshme.

Të kujdesemi për mjedisin është përgjegjësi e të gjithëve!