01/06/2026
30.05.2026
Me nxënës të klasave të nënta të SHFMU "Ismet Rraci", Klinë , në kuadër të aktiviteteve jashtëshkollore, realizuam vizitë njëditore në:
Prekaz, Prishtina Mall, Shpella e Gadimes dhe Prizeren.
01/06/2026
29.05.2026
Nxënësit e klasave të para të SHFMU "Ismet Rraci", Klinë festuan festën e Abetares, me të cilën kurorëzohet puna e palodhshme e mësueseve, ndihma e vazhdueshme e prindërve dhe përkushtimi i nxënësve për të arritur këtë sukses.
Uroj që ky të jetë fillimi i sukseseve të shumta që këta nxënës do të arrijnë në të ardhmen!
01/06/2026
1 Qershori – Dita Ndërkombëtare e Fëmijëve
Sot, në SHFMU "Ismet Rraci", Klinë me aktivitete të ndryshme argëtuese dhe kulturore, u festua Dita Ndërkombëtare e Fëmijëve.
Gëzuar 1 Qershorin të gjithë fëmijëve!
22/05/2026
Në kuadër të Olimpiadës mbarëkombëtare të Gjuhës Shqipe, në nivel Republikan, të mbajtur në Prishtinë, SHFMU "Ismet Rraci", Klinë, e përfaqësoj denjësisht nxënësi i klasës IX/2 Trim Elezi, të cilit i urojmë suksese në garat tjera!
07/05/2026
Njoftim për regjistrim të nxënësve në klasë të parë dhe parafillor në SHFMU "Ismet Rraci", Klinë
23/04/2026
Në kuadër të Ditës Ndërkombëtare të Librit, në SHFMU "Ismet Rraci", Klinë u organizuan disa aktivitete të ndryshme edukative.
-Patëm kënaqësinë të mirëpresim profesorin dhe shkrimtarin z.Hajdin Morina.
Nxënësit ishin shumë aktiv, bashkëbiseduan, bënin pyetje dhe mësuan më shumë rreth procesit të shkrimit dhe rëndësisë së leximit. Z.Hajdin Morina ndau përvoja interesante dhe i inkurajoi nxënësit të lexojnë dhe të shkruajnë sa më shumë.
Ky aktivitet ishte frymëzues dhe ndikoi pozitivisht në dashurinë e nxënësve për librin.
- Nxënësit e klasës II/1 dhuruan libra për bibliotekën e shkollës.
- Nxënësit parafillor vizituan bibliotekën e qytetit.
22/04/2026
Sot nxënësit, mësimdhënësit dhe punëtorët ndihmës të SHFMU "Ismet Rraci", Klinë, përmes një sërë aktivitetesh , kremtuan 22 Prillin – Ditën Ndërkombëtare të Tokës.
Ata kontribuan në zbukurimin e ambientit shkollor, mbjelljen e luleve dhe përmes ligjeratave dhe aktiviteteve të ndryshme kontribuan në ndërgjegjësimin e nxënësve për ruajtjen dhe zbukurimin e ambientit , Tokës në përgjithësi.
Shkolla shpreh falenderim për kontributin e Alban Rracit dhe mbështetjen e vazhdueshme të familjarëve të atdhetarit Ismet Rraci, emrin e të cilit shkolla jonë e mbanë me krenari.