Contact information, map and directions, contact form, opening hours, services, ratings, photos, videos and announcements from SHFMU "Dëshmorët" Volljakë, School, Rr. Shpend Berisha/Volljakë, Klina.
16/06/2026
Në kuadër të lëndës së Edukatës Fizike, nxënësit e klasës së V- të, zhvilluan një aktivitet në pishinë, ku patën mundësinë të praktikojnë notin si një nga aftësitë më të rëndësishme sportive dhe jetësore.
Përmes këtij aktiviteti, nxënësit përmirësuan aftësitë e tyre në not, zhvilluan shkathtësitë motorike, forcuan vetëbesimin dhe kaluan kohë cilësore në shoqerimin e mësimdhënësve, në një mjedis të sigurt e argëtues.
09/06/2026
SEMIMATURA 2026
Vitet ikin shpejt, e kujtimet gjithmonë mbesin. Kjo gjeneratë do të mbahet mend gjatë për sjellje shëmbullore dhe angazhim në mësimnxenie.
Falenderojmë të gjithë mësimdhënësit, të cilët kanë punuar me shumë mund gjatë këtyre viteve me këta nxënës të mrekullueshëm, ndërsa nxënësve ju urojmë shëndet, fat dhe shumë suksese në të ardhmen!
Me respekt:
Drejtoria e shkollës!
01/06/2026
Gëzuar 1 Qershorin!
Sot së bashku me nxënësit tanë shënuam Ditën Ndërkombëtare të Fëmijëve përmes aktiviteteve argëtuese, lojërave dhe momenteve të bukura plot buzëqeshje.
Urojmë që çdo fëmijë të rritet i lumtur, i shëndetshëm dhe i suksesshëm!
Gëzuar festën e fëmijëve!
26/05/2026
Olimpiada e Gjuhës Shqipe në nivel komunal dhe shtetëror.
Sot u ndanë certifikata për nxënësit Bronilda Berisha, Sara Berisha dhe Arlind Berisha, për pjesëmarrjen dhe rezultatet e shkëlqyera të arritura në Olimpiadën e Gjuhës Shqipe në nivel komunal dhe shtetëror.
Urime për sukseset dhe ju dëshirojmë arritje edhe më të mëdha në të ardhmen!
23/05/2026
Shëtitja njëditore e nxënësve të shkollës sonë
Nxënësit patën mundësinë të vizitojnë vende me vlera të veçanta natyrore, kulturore dhe historike, duke kaluar një ditë të mbushur me aktivitete, argëtim dhe momente të paharrueshme së bashku me shokët dhe mësimdhënësit.
Kjo shëtitje ndikoi në forcimin e bashkëpunimit, socializimit dhe krijimin e përvojave të reja për nxënësit tanë.
Falënderojmë të gjithë nxënësit për sjelljen shembullore, mësimdhënësit për përkujdesjen dhe prindërit për bashkëpunimin!
13/05/2026
Çdo ëndërr fillon me besim dhe guxim për ta imagjinuar të ardhmen.
Me ndihmën e inteligjencës artificiale (AI), kemi sjellë ëndrrat e nxënësve tanë më afër realitetit.
Sot, ata janë në bankat e shkollës, por brenda tyre rriten arkitektë, mjekë, artistë, sportistë dhe shumë profesionistë të së ardhmes.
Ne besojmë tek nxënësit dhe i mbështesim në çdo hap drejt realizimit të ëndrrave.
24/04/2026
Garat sportive në futboll – në shkollën tonë ⚽
Në shkollën tonë u mbajtën garat sportive në futboll, ku nxënësit treguan talent, përkushtim dhe shpirt gare,
në ndeshjen finale u përballën klasa e 6-të dhe klasa e 7-të, në një lojë shumë emocionuese dhe të fortë.
Fituese e turneut u shpall klasa e 6-të, duke treguar lojë të shkëlqyer dhe bashkëpunim të madh në skuadër.
Në fund të garave u ndanë medalje dhe kupa për ekipet pjesëmarrëse, si shenjë vlerësimi për angazhimin dhe sportivitetin e treguar.
Urime të gjithë nxënësve për pjesëmarrjen dhe atmosferën e bukur sportive! ⚽
22/04/2026
03/04/2026
Një përvojë e bukur kulturore për nxënësit tanë!
Sot, së bashku me nxënësit e klasave 1-5, patëm kënaqësinë të ndjekim shfaqjen për fëmijë “Lalushi në shpellë” nga Ali Qerimi, e realizuar me shumë përkushtim dhe kreativitet.
Fëmijët u argëtuan pafund, por njëkohësisht mësuan vlera të rëndësishme përmes artit dhe teatrit. Ishte një eksperiencë e veçantë që do të mbetet gjatë në kujtesën e tyre.