SHFMU “Fan S.Noli” - Kamenicë

26/05/2026

Sot, më 26.05.2026, SHFMU “Fan S. Noli” organizoi piknikun me nxënësit e klasave I–V, një ditë e mbushur me buzëqeshje, gëzim dhe energji pozitive. Ishte kënaqësi të shihje nxënësit aq të lumtur, entuziastë dhe të sjellshëm, duke kaluar momente të bukura së bashku me shokët dhe mësimdhënësit e tyre.
Falë Zotit, edhe moti ishte shumë i përshtatshëm, gjë që e bëri këtë aktivitet edhe më të veçantë dhe më të këndshëm për të gjithë pjesëmarrësit.
Një falënderim i veçantë shkon për mësueset dhe mësuesit për përkushtimin, punën dhe edukatën që përcjellin çdo ditë tek nxënësit tanë, sepse tek ta shihej qartë kultura, sjellja dhe gëzimi i vërtetë fëmijëror.
Po ashtu, falënderojmë drejtorin z. Selami Klaiqi për aprovimin dhe mbështetjen e këtij aktiviteti.
Suksese të mëtejshme nxënësve dhe mësimdhënësve tanë në çdo aktivitet dhe arritje!

22/05/2026

Sot, më 22.05, SHFMU “Fan S. Noli”, me përkrahjen e drejtorit të arsimit z. Selami Klaiqi dhe mbështetjen e kryetarit z. Rahimaj, realizoi një ekskursion të mrekullueshëm me plot kujtime, vizita interesante dhe momente të veçanta së bashku me nxënësit e klasave të 9-ta nga komuna jonë.
Një ditë e paharruar me një gjeneratë nxënësish të dalluar, sjellje shembullore dhe udhëheqje fantastike, që dëshmoi edhe një herë vlerat dhe sukseset e shkollës sonë.

07/05/2026

Pa bashkëpunim s’ka sukses: Si duhet të sillen mësimdhënësit me drejtorin

Artikulli në koment:

04/05/2026

📚 Aktivitet për Ditën e Librit – Cikli i Lartë 📚

Në kuadër të Ditës së Librit, nxënësit e ciklit të lartë organizuan aktivitete të veçanta në hapësirat e hollit të shkollës. Ata diskutuan mbi libra të ndryshëm nga letërsia shqiptare dhe botërore, ndanë reflektime personale dhe sollën rekomandime për bashkëmoshatarët e tyre.

Gjatë aktivitetit, u organizua edhe një kuiz letrar, ku nxënësit testuan njohuritë e tyre në një mënyrë argëtuese dhe bashkëpunuese.

Gjithashtu pati edhe orë letrare.

Aktiviteti synoi të forcojë kulturën e leximit dhe të motivojë nxënësit të eksplorojnë botën përmes librave. 🌟

04/05/2026

📚 Aktivitetet për Ditën e Librit 📚

Në kuadër të Ditës së Librit, nxënësit e klasave të pesta zhvilluan një aktivitet të veçantë në bibliotekën e shkollës. Ata u përfshinë në diskutime rreth librave të preferuar, lexuan pjesë të zgjedhura dhe ndanë mendimet e tyre mbi rëndësinë e leximit.

Në shenjë vlerësimi për përkushtimin dhe arritjet e tyre, dy nxënës të dalluar nga dy klasat u shpërblyen me nga një libër dhuratë.

Ky aktivitet synon të nxisë dashurinë për librin dhe të inkurajojë leximin si një dritare drejt dijes dhe imagjinatës. 🌟

04/05/2026

Në kuadër të shënimit të Ditës së Tokës, më 22 prill, nga mësimdhënësi i Gjeografisë, Msc. Jetullah Mehmeti, me nxënësit e klasave të VIII-ta u realizua një projekt vetëdijesimi për problemet globale që ndotin dhe prishin ekuilibrin jetësor në Tokë, duke rikujtuar nxënësve se kemi vetëm një planet në të cilin jetojmë. Duhet të kujdesemi që edhe brezat e ardhshëm të jetojnë mirë.

Pasi e ndegjuan projektin, në fund nxënësit dhanë një mesazh përfundimtar:

“Toka nuk ka nevojë për ne, ne kemi nevojë për Tokën!”

04/05/2026

Aktivitetet që shënuan muajin Prill

2 Prilli – Dita Botërore e Ndërgjegjësimit për Autizmin, u shënua me aktivitete nga shërbimi profesional i shkollës, me qëllim rritjen e vetëdijes dhe përkrahjen e fëmijëve me autizëm.

01/05/2026

NJOFTIM
Regjistrimi i nxënësve në nivelin parafillor dhe në klasë të parë për vitin shkollor 2026/27 fillon nga data 15.05.2025 deri më 15.06.2026.

05/04/2026

Kjo eshte faqja zyrtare e DKA-se Kamenice. Ju ftoj ta ndiqni per çdo te re sa i perket arsimit ne komunen tone.

Faqja zyrtare e Drejtorisë së Arsimit në Komunën e Kamenicës

19/02/2026

Në ambientet shkollore janë vendosur këto njoftime që kanë për qëllim krijimin e një mjedisi të sigurt, të qetë dhe të përshtatshëm për mësim.

🔴 Ndalim duhani në objekt – Kjo rregull zbatohet për të mbrojtur shëndetin e nxënësve dhe stafit, si dhe për të ruajtur pastërtinë dhe sigurinë brenda shkollës.

📵 Ndalim telefoni gjatë orëve të mësimit – Përdorimi i telefonit shpërqendron vëmendjen dhe ndikon në cilësinë e të nxënit. Respektimi i këtij rregulli ndihmon që procesi mësimor të zhvillohet më efektivisht.

🔇 Qetësi në korridore sepse ka mësim brenda – Zhurma në korridore pengon zhvillimin normal të orëve dhe përqendrimin e nxënësve në klasa.

Zbatimi i këtyre rregullave është përgjegjësi e përbashkët dhe një hap i rëndësishëm drejt një shkolle më të rregullt, më të sigurt dhe më cilësore për të gjithë.