IAAP "Andrea Durrsaku"

📢 NJOFTIM PËR MATURANTËT

Të nderuar maturantë,

Ju njoftojmë se është shtyrë afati për paraqitjen e Provimit të Maturës Shtetërore.

Afati për aplikim do të vazhdojë deri më 15.06.2026, ora 09:00.

Ftojmë të gjithë nxënësit që ende nuk kanë përfunduar aplikimin të shfrytëzojnë këtë mundësi dhe të respektojnë afatin e ri të përcaktuar.

IAAP “Andrea Durrsaku”
Kamenicë

Ndërrimi i detyrës së drejtorit në IAAP “Andrea Durrsaku”

Sot, në ambientet e IAAP “Andrea Durrsaku”, u mbajt ceremonia e dorëzim-pranimit të detyrës së drejtorit të institucionit. Në një atmosferë pune dhe bashkëpunimi, drejtori në largim prof.Agon Mahmuti ia dorëzoi detyrën drejtorit të ri prof.Vebi Ramabajës , duke i shprehur mirënjohje për stafin dhe kontributin e dhënë gjatë periudhës së udhëheqjes së shkollës.

Me këtë rast, stafi i shkollës falënderoi drejtorin në largim për angazhimin, përkushtimin dhe bashkëpunimin e treguar ndër vite, ndërsa drejtorit të ri i uroi suksese në realizimin e objektivave dhe avancimin e mëtejmë të procesit arsimor.

IAAP “Andrea Durrsaku” mbetet e përkushtuar në ofrimin e arsimit cilësor, zhvillimin profesional të nxënësve dhe forcimin e bashkëpunimit ndërmjet stafit, nxënësve dhe komunitetit.

IAAP “Andrea Durrsaku” – Kamenicë
Përkushtim, profesionalizëm dhe sukses në arsim.

Pensionimi i z. Kadri Canaj

Sot, në një atmosferë të ngrohtë dhe mirënjohëse, kolektivi i IAAP “Andrea Durrsaku” shënoi pensionimin e kolegut tonë të nderuar, z. Kadri Canaj.

Me këtë rast, iu shprehën falënderime të sinqerta për përkushtimin, profesionalizmin dhe kontributin e çmuar që ka dhënë ndër vite si punëtor teknik në shkollën tonë.. Puna dhe angazhimi i tij do të mbeten një shembull i vyer për të gjithë ne.

I urojmë z. Kadri Canaj shëndet të plotë, lumturi, jetë të gjatë dhe shumë momente të bukura në kapitullin e ri të jetës së tij.

Faleminderit për gjithçka dhe pensionim të mbarë!

Të nderuar nxënës dhe prindër,

Ju njoftojmë se së shpejti do të hapet konkursi për regjistrimin e nxënësve në klasën e 10-të në shkollën tonë.
Përgatitja e nxënësve gjatë shkollimit është prioriteti dhe qëllimi ynë kryesor, në mënyrë që ata të pajisen me njohuri dhe aftësi të nevojshme për tregun e punës.
Prandaj, ju njoftojmë se shumë biznese kanë shprehur interesim për bashkëpunim me shkollën tonë. Fokusi ynë do të jetë Arsimi Dual, ku nxënësit do të kenë mundësi të nënshkruajnë kontrata me bizneset partnere dhe praktikën profesionale ta zhvillojnë drejtpërdrejt në këto ndërmarrje.

Pas takimeve të zhvilluara me biznese nga sektori i prodhimit të dyerve dhe dritareve, kemi arritur marrëveshje për bashkëpunim. Këto biznese kanë shprehur gatishmërinë për pranimin e nxënësve të profilit Metalpunues/Dual dhe jo vetem, duke u ofruar atyre praktikë profesionale me pagesë dhe mundësi aftësimi profesional në ndërmarrjet e tyre.
Jemi mirënjohës për bashkëpunimin dhe mbështetjen e këtyre bizneseve:

- Toni AL-PVC
- Plastech
- Shabani
- Buli Plast
- Amiri Plast

Inkurajojmë prindërit që t’i regjistrojnë fëmijët e tyre në profilet që ofron shkolla jonë për vitin e ri shkollor. Profilet dhe mareveshjet per profilet tjera do të publikohen së shpejti në webfaqen e shkollës sonë.

“Andrea Durrsaku”

📚💻 IAAP “Andrea Durrsaku”

Nxënësit e klasës XII/2 – Profili Informatikë realizuan me sukses mbrojtjen e punimit praktik nën udhëheqjen e profesorit Faruk Muja.

Gjatë prezantimeve, nxënësit treguan njohuritë dhe aftësitë e fituara në fushën e teknologjisë informative, duke prezantuar punimet e tyre me profesionalizëm dhe përkushtim. 👨‍💻👩‍💻

Urime të gjithë nxënësve për angazhimin dhe sukseset e arritura!
Ju dëshirojmë shumë suksese në rrugëtimin tuaj profesional dhe akademik. 🎓👏

EuroTrip 2026 me maturantët e shkëlqyer të Komunës se Kamenicës

https://www.facebook.com/share/1CpAJrhxiX/?mibextid=wwXIfr

📍 Në ambientet e IAAP “Andrea Durrsaku” – Kamenicë, patëm kënaqësinë të mirëpresim musafirë nga Turqia, të kryesuar nga z. Rexhep Gyndyz.

Delegacioni u prit nga stafi i shkollës sonë, ku u zhvilluan takime miqësore dhe diskutime rreth bashkëpunimit, arsimit profesional dhe shkëmbimit të përvojave.

Kjo vizitë përfaqëson një hap të rëndësishëm drejt forcimit të lidhjeve dhe bashkëpunimit ndërkombëtar në fushën e arsimit dhe aftësimit profesional.

Mirë se erdhët në IAAP “Andrea Durrsaku”! 🇽🇰🤝🇹🇷

📣 Java e Dyerve të Hapura në IAAP “Andrea Durrsaku”
Dita e 3-të

Në kuadër të aktiviteteve të “Javës së Dyerve të Hapura”, patëm kënaqësinë të mirëpresim nxënësit e klasëve të IX-ta nga shkolla Shfmu " Dëshmorët e Kombiti" - Kamenicë

Gjatë kësaj vizite, nxënësit e klasave të IX-ta patën mundësinë të njihen me kushtet që ofron shkolla jonë, mundësit praktike në kabinete, profilet përkatëse, duke reflektuar përkushtimin dhe cilësinë e mësimdhënies në shkollën tonë.

Nxënësit u njohen me bashkëpunimet që shkolla jonë ka me bizneset lokale dhe institucionet publike për mbajtjen e praktikave profesionale.

📣 Java e Dyerve të Hapura në IAAP “Andrea Durrsaku”
Dita e dytë

Në kuadër të aktiviteteve të “Javës së Dyerve të Hapura”, patëm kënaqësinë të mirëpresim nxënësit e klasëve të IX-ta nga shkolla Shfmu " Fan.S.Noli" - Kamenicë

Gjatë kësaj vizite, nxënësit e klasave të IX-ta patën mundësinë të njihen me kushtet që ofron shkolla jonë, mundësit praktike në kabinete, profilet përkatëse, duke reflektuar përkushtimin dhe cilësinë e mësimdhënies në shkollën tonë.

Nxënësit u njohen me bashkëpunimet që shkolla jonë ka me bizneset lokale dhe institucionet publike për mbajtjen e praktikave profesionale.