25/01/2026
SBASHK-ku,ka filluar me sukses realizimin e trajnimit në Kamenicë. Trajnimi po zhvillohet në kuadër të programit “Aplikimi i programeve kompjuterike në mësimdhënie”, me udhëheqje nga trajneri Xhemail Kastrati, trajner i caktuar nga SBASHK.
Në këtë trajnim po marrin pjesë mësimdhënës nga shkolla të komunës tonë , të cilët po avancojnë njohuritë dhe shkathtësitë e tyre profesionale në përdorimin e teknologjisë në procesin mësimor.
Pjesëmarrësit në trajnim u vizituan nga kryetari i SBASHK-ut në nivel të komunes z.Lulzim Thaqi, i cili bashkëbisedoi me mësimdhënësit rreth rëndësisë së trajnimeve profesionale, rolit të sindikatës në mbështetjen e tyre dhe sfidave aktuale në arsim.
Kryetari Thaqi i përgëzoi mësimdhënësit për përkushtimin dhe gatishmërinë e treguar për zhvillim profesional, duke theksuar se SBASHK do të vazhdojë të organizojë trajnime cilësore në funksion të ngritjes së kapaciteteve profesionale të anëtarësisë së saj.
SBASHK vlerëson lart angazhimin dhe përkushtimin e mësimdhënësve dhe mbetet gjithmonë në shërbim të anëtarëve të saj.
