SHFMU " Dëshmorët e Kombit " Kamenicë

Dita e Çlirimit të Kosovës

Dita e Çlirimit të Kosovës është një nga datat më të rëndësishme në historinë e vendit tonë. Ajo simbolizon fundin e luftës dhe fillimin e një jete në liri e paqe. Në këtë ditë kujtojmë me respekt të gjithë ata që sakrifikuan për lirinë e Kosovës dhe vlerësojmë rëndësinë e paqes, unitetit dhe përgjegjësisë për të ardhmen e vendit tonë. 🇽🇰
Liria është një vlerë e çmuar, prandaj duhet ta ruajmë dhe ta forcojmë çdo ditë përmes dijes, punës dhe përgjegjësisë qytetare!

Ky aktivitet u realizua nga nxënësit e klasave të VII-ta, nën udhëheqjen e mësimdhënëses së historisë, Besë Maka.

NJOFTIM PËR TESTIN E ARRITSHMËRISË – KLASA IX (2026)
Njoftohen të gjithë nxënësit e klasës së nëntë (IX) se Testi i Arritshmërisë për vitin shkollor 2025/2026 do të mbahet sipas këtyre të dhënave:
Data e organizimit: 26 qershor 2026
Ora e fillimit: 10:00
Numri i lëndëve: 9 lëndë
Numri i kërkesave: 100 kërkesa
Kohëzgjatja e testit: 150 minuta

Ju urojmë suksese të gjithë nxënësve!

Sukses i nxënësve tanë në Olimpiadën Rajonale të Matematikës “Kupa e Anamoravës 2026” 🏆

Me krenari njoftojmë se nxënësit e shkollës sonë morën pjesë në Olimpiadën Rajonale të Matematikës “Kupa e Anamoravës 2026”, duke dëshmuar njohuri të shkëlqyera, përkushtim dhe pasion për matematikën.

Rezultatet e arritura nga nxënësit tanë janë:
🥉 Anik Spahiu – Vendi i III
🏅 Ajan Rudaku – Vendi i IV
🏅 Ideart Krivaqa – Vendi i V

Për pjesëmarrje dhe sukses u nderuan me lëvdata nxënëset:
- Suhejla Vrapçani
- Jara Morina

I përgëzojmë të gjithë nxënësit pjesëmarrës për përfaqësimin dinjitoz të shkollës sonë dhe për angazhimin e treguar. Një falënderim i veçantë shkon edhe për mësimdhënësit dhe prindërit që i mbështesin vazhdimisht në rrugëtimin e tyre drejt suksesit.

👏 Ju urojmë edhe shumë suksese në garat dhe sfidat e ardhshme!

Infinit Center ka shpallur rezultatet e Olimpiadës "Spelling Bee 2026" të mbajtur më 25.04.2026, prej të cilës nxënësi jonë Anik Spahiu kl VI arriti të siguroj Medaljen e argjent dhe kalon me sukses në SEMI FINAL, e cila mbahet në Qershor.
Urime dhe suksese!

Thank you Anik Spahiu
Thank you teacher Feride Dërmaku

Donacion i vlefshëm për bibliotekën e shkollës sonë 📚
Datë: 25.05.2026
Sot, Drejtori i Arsimit, z. Selami Klaiqi, së bashku me shtypshkronjën Berati, kanë sjellë në SHFMU “Dëshmorët e Kombit” Kamenicë një numër të madh librash të ndryshëm, në vlerë prej afro 1500 euro.
Nxënësit tanë tashmë do të kenë mundësi të pasurojnë njohuritë e tyre me: romane
lektyra shkollore
libra për fëmijë me nevoja të veçanta
libra të kodimit
libra për pushime dhe shumë tituj të tjerë edukativë e argëtues.
Ky donacion paraqet një mbështetje të rëndësishme për zhvillimin e kulturës së leximit dhe avancimin e dijes tek nxënësit tanë.
Falënderojmë Drejtorinë e Arsimit dhe shtypshkronjën “Berati” për këtë kontribut të vlefshëm dhe përkujdesjen e vazhdueshme ndaj shkollës sonë!

Me kënaqësi të veçantë ndajmë lajmin se mësimdhënësi i gjuhës angleze, Shkelzen Sabedinaj, është nderuar me mirënjohjen “Mësimdhënës i Dalluar” për vitin shkollor 2025/2026 nga Shtëpia Botuese Hamilton .

Ky vlerësim i merituar vjen si rezultat i punës së palodhshme, përkushtimit dhe pasionit që ai tregon çdo ditë në punën me nxënësit, duke qenë jo vetëm një mësimdhënës i shkëlqyer, por edhe një shembull frymëzimi për ta.

Si shkollë, jemi vërtet krenarë dhe me fat që ky vlerësim i rëndësishëm iu dha pikërisht një mësimdhënësi të shkollës sonë. Arritje të tilla e nderojnë të gjithë kolektivin dhe dëshmojnë se puna e mirë gjithmonë vlerësohet.