SHFMU " Asllan Thaçi " - Karaçevë e Poshtme

14/04/2020

06/04/2020

Të nderuar nxënës, prindër, bashkëqytetarë të Karaçevës së Poshtme.
Të gjthë jemi të vetëdijshëm për situatën e pandemisë dhe masat të cilat duhet ti zbatojm per mbrojtjen nga virusi COVID -19, andaj ju bejë thirrje që ne këto momente vendimtare te mos grumbulloheni ne oborr të shkollës sepse me këtë rrezikoni shëndetin tuaj dhe familjeve tuaja. Mënyra më e mirë për të tejkaluar COVID 19 është duke zbatuar rekomandimet e IKPSH, pra rri n'shpi.
Grumbullimi ne oborrin e shkollës për lojra rrezikon seriozisht shëndetin tuaj, andaj iu bëjë apel të gjithë prindërve që të kujdesën për fëmijët e tyre dhe të mos i lejojn të grumbullohen në oborrin e shkollës.
Vetëm duke respektuar njeri tjetrin do ia dalim ta tejkalojm këtë gjendje pandemike.
Besoj ne mirëkuptimin tuaj
Me respekt!
Ramadan Guda - drejtor i shkollës
RRI N'SHPI mbroje vehten dhe të tjerët.

29/03/2020

Njoftim
Të dashur nxënës! Nga dita e hënë dt.30.03.2020, ora 11:15 do të fillojë mësimi online në RTK 1 dhe RTK 4 edhe për nxënësit nga klasa e 6 - 9. Në vazhdim e keni orarin e plotë dhe linkun. Suksese!
eMësimi - Orari dhe përmbajtja për javën e ardhshme (30 mars - 3 prill 2020)
Gjatë javës së ardhshme, çdo ditë (e hënë - e premte) do të ketë transmetim të video-ligjëratave si vijon:
Shqip:
Prej orës 11:15 në RTK 1 dhe në RTK 4 do të ketë video-ligjërata për lëndët Gjuhë Shqipe dhe Matematikë për të gjitha klasat 1 - 9.
Turqisht:
Prej orës 12:30 në RTK 2 do të ketë video-ligjërata për lëndët Gjuhë Turke dhe Matematikë për klasat 1 - 5.
Boshnjakisht:
Prej orës 15:30 në RTK 2 do të ketë video-ligjërata për lëndët Gjuhë Boshnjake dhe Matematikë për klasat 1 - 5.
Të gjitha këto video-ligjërata që transmetohen në RTK do të bëhen publike edhe në kanalin e MASHTI-t në Youtube (për të tri gjuhët). Për të shkuar te ky kanal hyni në ueb faqen: https://emesimi.rks-gov.net.
Duke filluar nga java tjetër (prej 6 prill 2020), eMësimi do të ofrojë video-ligjërata për shumicën e lëndëve të klasave 1 - 9, si dhe atëherë do të bëhet një orar fiks i transmetimit në RTK, sipas klasave, në mënyrë që secili nxënës, varësisht se në cilën klasë është, ta ketë orarin e njëjtë të mësimit në distancë çdo ditë.

Të dashur nxënës, prindër dhe mësimdhënës, Ky është kanali zyrtar i Ministrisë së Arsimit, Shkencës, Teknologjisë dhe Inovacionit (MASHTI), në të cilin ofrohen materiale mësimore për mësim në distancë për nxënësit e klasave 1-9 të sistemit arsimor të Republikës së Kosovës...

27/03/2020

Njoftim nga MASHT- Ministrja H. Bajrami:
MASHTI bën thirrje nxënësve, prindërve dhe mësimdhënësve, që të vazhdojnë ndjekjen e mësimit në distancë
Ministria e Arsimit, Shkencës, Teknologjisë dhe Inovacionit (MAShTI) njofton nxënësit, prindërit dhe punonjësit e arsimit në Republikën e Kosovës, se për shkak të situatës emergjente të shkaktuar nga pandemia COVID – 19, Qeveria e Kosovës, me datë 26.03.2020 ka marrë vendim për vazhdimin e ndërprerjes së procesit mësimor-edukativ deri në një vendim tjetër.
MAShTI u bën thirrje nxënësve, prindërve dhe mësimdhënësve, që të vazhdojnë ndjekjen dhe zbatimin e mësimit në distancë.

22/03/2020

Te dashur nxenes, prinder dhe mesimdhenes të nderuar!
Mesimi online po fillon nga neser, e hënë dt.23.03.2020, duke filluar nga ora 11:15 në Radio Televizionin e Kosovës RTK1 & RTK4.
Suksese e pune te mbare. Qofshi me shendet!

Ministria e Arsimit, Shkencës Teknologjisë dhe Inovacionit

22/03/2020

Njoftim nga MASHT- Ministrja H. Bajrami:
Ftoj nxënësit, prindërit dhe mësimdhënësit që platformat e mësimit online të shfrytëzohen, e të jenë më aktiv
Ministrja e Arsimit, Shkencës, Teknologjisë dhe Inovacionit, Hykmete Bajrami, ka deklaruar se nga nesër, e hënë; 23.03.2020. do të fillojë mësimi në distancë për klasat e para deri në klasën e pestë për lëndët gjuhë shqipe dhe matematikë. Materialet do të transmetohen në RTK1 dhe RTK4.
Mësimi në distancë, fillimisht do të kemi mësim në gjuhën shqipe dhe matematike nga klasa 1 deri në 5 që transmetohet në RTK1 dhe RTK4.
Një platformë tjetër do të vëmë në disponim të gjitha përmbajtjet tjera për mësim alternative.
“Ajo çka kemi punuar ka qenë në disa rrafshe, kemi filluar në mbledhjen e materialeve dhe në xhirime, gjatë kësaj jave do të prodhojmë materiale nga klasat 6-9 e më vonë për gjimnaze dhe shkolla profesionale.
Nuk ka një datë të caktuar se kur nxënësit do të kthehen në shkolla, pasi që kjo do të varet nga shpërndarja e viruset.

11/03/2020

MASAT E REJA TË QEVERISË SË KOSOVËS LIDHUR ME COVID-19

11 mars, 2020

1. Ndërprerja e procesit edukativo arsimor në institucionet arsimore publike dhe private në të gjitha nivelet deri 27 mars 2020. Me rekomandim që të lirohet njëri prind nga puna (kjo masë nuk vlenë për puntorët shëndetësor dhe për puntorët në sektorin e sigurisë);

2. Pezullimi i përkohshëm i linjave të udhëtimit ajror dhe tokësor nga vendet me risk të lartë dhe të mesëm (deri në një një vendim tjetër);

3. Kontroll i obliguar i udhtarëve nga ekipet mjekësore të QKMF-ve në të gjitha hyrje daljet e Kosovës me mbështetjen e Policisë së Kosovës të të gjithë qytetarëve që vijnë nga zonat epidemike, për detektimin e rasteve me COVID-19 dhe ndërmarrjen e masave parandaluese;

4. Vetëkarantinim i detyruar për të gjithë qytetarët që hyjnë në Republikën e Kosovës nga zonat epidemike me rrezik të lartë dhe të mesëm, në përputhje me udhëzimet e OBSH-së (moszbatimi i dënueshëm sipas Ligjit për Parandalimin e Sëmundjeve Ngjitëse). Në rast se personat e caktuar nuk mund të vetëkarantinohen rekomandohen të vendosen në karantinat e përbashkëta të caktuara nga Qeveria e Republikës së Kosovës;

5. Aktivitetet publike dhe jo-publike mund të zhvillohen të mbyllura/pa praninë e publikut si: ngjarje/tubime sportive, tubime, koncerte, konferenca, tryeza të rrumbullakëta deri në një vendim tjetër;

6. Të ndalohet veprimtaria e restoranteve, klubeve të natës, palestrave, pishinave pas orës 23:00;

7. Të ndalohet eksporti i pajisjeve, materialeve dhe medikamenteve mjekësore nga ana e operatorëve ekonomik dhe prodhuesve, përveç me Vendim të Qeverisë;

8. Të gjitha institucionet qeveritare, si dhe ndërmarrjet publike dhe private detyrohen të ndërmarrin masa për mbrojtje dhe dezinfektim në të gjitha institucionet sipas udhëzimeve nga Ministria e Shëndetësisë, të cilat kanë të bëjnë me masat e përforcuara higjienike.

9. Të gjitha ndërmarrjet publike dhe kompanitë private që kryejnë transport publik të udhëtarëve, obligohen të bëjnë dezinfektim të rregullt të mjeteve transportuese.

10. Të ndalohet transporti i organizuar ndërkombëtar (autobus, minibus dhe të ngjashme) drejt vendeve me rrezik të lartë dhe anasjelltas;

11. Personat fizik dhe juridik të cilët nuk i respektojnë dhe i shkelin rekomandimet do të ndëshkohen në përputhje me legjislacionin në fuqi.

Varësisht nga zhvillimet e situatës Vendimet mund të plotësohen dhe ndryshohen në kohë reale dhe do të njoftohen qytetarët e Republikës së Kosovës.

11/03/2020

Nderpritet procesi mësimorë deri më 27 Mars .

Me vendim të qeveris së Republikës së Kosovës procesi edukativo arsimorë nderpritet deri me 27 Mars ,si masë parandaluese ndaj virusit covid-19.

Drejtori i shkollës: R.Guda

14/02/2020

Sot nxënësit e SHFMU " Asllan Thaçi " me një program kulturor u kremtua 17 shkurti - Dita e Pavarësisë së Kosovës.
Urime 17 shkurti - Dita e Pavarësisë.

23/01/2020

Sot datë 23.1.2020 pĕr nxënêsit e shkollës sonë u shpërndanë dhurata nga KFORI Amerikan ne bashkepunim me drejtorinë e shkolles.Te pranishem ne ketë aktivitet ishin edhe pjesëtar të Policisë së Kosovës.
Me këtë rast në emër të drejtorisë së shkollës faleminderoj KFOR-in, Policinë e Kosovës për bashkëpunim dhe perkrahje të vazhdueshme ne realizimin e projekteve tona.
Me respekt
R.Guda- drejtor i shkolles

07/12/2019

Datë 06.12.2019
British Council
Programi "Shkollat e shekullit 21" përveç mësimit të kodimit bazë nga fëmijët, ka për qëllim edhe zhvillimin e mendimit kritik dhe zgjidhjen e problemeve, duke i aplikuar ato në situatat e tyre të përditshme.
Ky program po implementohet edhe nga nxenesit e shkolles te cilet sot demonstruan punen praktike para perfaqesueses se projektit znj.Arbenita Morina.
Faleminderojm edhe mesimdhenesit Lulzim Kastrati, Drita Fera, Arbenita Kryeziu te cilet ishin bartes te ketij projekti.
Shkolla jonë posedon edhe kabinetin e TIK i paisur me 11 llaptopë dhe projektor, andaj nxenesit dhe mesimdhenesit kane qasjen me te leht ne realizimin e projekteve shkollore.
Drejtori i shkolles R. Guda
Suksese!

21/11/2019