SHFMU "Skënderbeu" Hogosht

Hogoshti si qendër regjionale ka një traditë të gjatë të përhapjes së arsimit dhe kulturës shqiptare.Sipas disa të dhënave historike, shkolla e parë kishte karakter fetar,që quhej Mekteb, që ka punuar në gjuhen arabe.
-Kjo shkollë është hapur në vitin 1840, ku si mësues kishte Ibrahim Ef.Sermaxhaj nga Hogoshti, që punoi për 40- vite, mandej punën e tij e vazhdoi si mësues dhe imam i fshatit që nga viti 1880 Hasan Ef. Sermaxhaj, një intelektual i shquar i asaj kohe i cili studimet i kishte përfunduar në Nish.
-Gjatë vitit 1900-1904, mësimet i vijonin 45 nxënës.
-Në vitin 1908-1911 ne qendër të fshatit Hogosht, afër xhamisë me vetkontributin e hogoshtasëve ndërtohet objekti i ri shkollor, që kishte katër dhoma mësimi. Ky objekt si shkollë funksionoi deri në vitin 1965,mirëpo duke e parë rëndësinë e saj historike, pushteti i atëhershëm pa dëshirën e hogoshtasëve e rrënoi në vitin 1977.
-Pas aneksimit të Kosovës nga okupatori serb shkolla nderpreu mësimin deri në vitin 1913, kur edhe rihapet, por tani në gjuhen serbe, ku si mesues i pare i kësaj shkolle ishte Gjorgje Popoviç.
-Ndërsa pas Luftës se pare botërore, shkolla në Hogosht shënoi ndërprerje deri në vitin 1930,pra më 1930 shkolla në Hogosht u rihap në katerklasëshe, pra në gjuhën serbe deri më 20.03.1941,ku si mësues në gjuhën serbe ishte Svetozar Popoviç nga Shipashnica e Ulët.
-Mësimet në gjuhën shqipe fëmijët hogoshtas për herë të parë në historinë e kësaj treve i dëgjojnë prej 15.11.1941, nga mësuesi Fadil Hoxha,i lindur në Gjakovë dhe i shkolluar në Shqipëri, në Normalen e Elbasanit , pra kjo shkollë njihet si shkolla e pare shqipe në ish Komunën e Hogoshtit dhe rrethinën e saj.
-Gjatë këtij viti kjo shkollë numronte 70 nxënës. Ndërsa në vitin 1942-43 erdhi si mësues Mehmet Turhani nga Elbasani, ndërsa në vitin 1943-44 u emrua si mësues, mësuesi patriot Xhevat Alia nga Gjilani. Për shkak të masave të jashtzakonshme ushtarake të pushtetit serbo-sllav në Kosovë, gjatë viteve 1944-45 shkolla u mbyll .
-Pas mbarimit të Luftës së Dytë Botërore ,pra në vitin 1945-46 shkolla në Hogosht sërish u rihap, mirpo në Kosovë mungonte kuadri arsimor, prandaj Komisioni Kosovar për Arsim kërkoi mësues nga Shqipëria.

-Në vitin shkollor 1945-46 me vendim të Ministrisë së Arsimit në Shqipëri për shkak të mungesës së kuadrit mësimor në gjuhën shqipe,u emrua si mësues Fehmi Sinella nga Kavaja.
-Në gjeneratën e parë të këtij viti shkollor (1945-46) të cilen e udhëhiqte mësuesi Fehmi Sinella,nga Kavaja e Shqipërisë, ku përveç djemëve që ishin regjistruar, shkollimin e vazhdonin edhe dy vajza nga Hogoshti: Feride Sadri Ahmetaj dhe Refadije Osman Biqkaj, pra këtu shihej se përveç meshkujve që vazhdonin shkollimin, ishin të interesuara për tu shkolluar edhe gjinia femërore, çka nënkupton se emancipimi i femrës hogoshtase ka filluar para 74 viteve, menjëherë pas Luftës së dytë botërore.
-Pra mësimi i shkollës së pare shqipe në Hogosht dhe rrethinë, ishte një ngjarje e veça