Hoxhë Adnan Vishi

Hoxhë Adnan Vishi Nëpërmjet këshillës së bukur, le ta përmirësojmë gjendjen tonë. Bashkërisht, inshaAllah, për të mirën e gjithsecilit prej nesh!

Kjo faqe është e hoxhës Adnan Vishi - imam, hatib dhe mualim në xhaminë Mulla Murati, në fshatin Begracë - Kaçanik. Në këtë faqe mund të gjeni publikime të dobishme, nëpërmjet të cilave, synohet të këshillohet shoqëria jonë në rrugën e Allahut të Lartmadhëruar.

22/01/2021

Hytbeja e Xhumasë dt.22.01.2021
FENOMENI I DHUNËS TEK TË RINJËT
1.Përgjegjësia e prindërve
Si shkak kryesor i dhunës tek adoleshentët konsiderohet dhuna në familje. Feja na mëson se fëmijët janë amanet andaj duhet kujdesur për ta. Allahu xh.sh., na mëson në Kur’an:
“O ju që besoni! Ruani veten dhe familjet tuaja nga zjarri,…” (Tahrim: 6).
Muhammed ﷺ na ka mësuar: “Ju të gjithë jeni barinj dhe të gjithë ju do të merreni në pyetje për tufën tuaj...” [Transmetim unanim]
2.Edukimi material, e jo moral-shpirtëror
Edukimi për sjelljet është sikur ushqimi për shëndetin. Ashtu siç kequshqyerja dëmton, po kështu edhe keqedukimi dëmton. - Në edukimin e fëmijëve sot më shumë i jepet rëndësi anës materiale se sa anës shpirtërore-morale. – Edukimi për të qenë besimtar të devotshëm nënkupton edhe të qenurit njeri i mirë edhe për njerëzit e jo vetëm praktikues i obligimeve ndaj Allahut.
3.Mungesa e përkujdesjes shoqërore
Dhuna tek të rinjët shfaqet edhe kur ata ndihen të lanun anash. – Nuk është jetim vetëm ai i cili nuk i ka prindërit, por jetim është edhe ai i cili i ka prendërit por i mungon edukimi. Prandaj prindërit dhe institucionet duhet të mirren seriozisht me edukimin e të rinjëve.
4.Kultura e prezantuar në media
Si shkak tjetër që çon në dhunë të të rinjve është edhe materiali kulturor që plasohet në media.
Thotë Allahu xh.sh. “Ata, të cilët dëshirojnë që te besimtarët të përhapet amoraliteti, ata i pret dënim i dhembshëm në këtë dhe në botën tjetër. Allahu di (të fshehtat) e ju nuk e dini.” (Nur: 19)
5.Përfundim:-Nëpërmjet trajtimit të shkaqeve të dukurisë së dhunës tek të rinjtë ne mund të perceptojmë edhe rëndësinë dhe rolin që feja luan në luftimin e kësaj dhe dukurive tjera devijante.
Xhamia-Mirësia-Kaçanik

21/01/2021

"Durimi na ka mësuar çka është jeta e lumtur". (Omeri r.a.)

21/01/2021

Bëhu asket në kënaqësitë e dynjasë dhe synues i kënaqësive të ahiretit!

19/01/2021

Mos u bë pesimist nga asgjë dhe mos e mendo se dikush tjetër ka ndikim në një veprim të caktuar përpos Allahut!

18/01/2021

Kur të teshtijë ndokush, thuaj: “Jerhamukallah” –Allahu të mëshiroftë-, pasi ai të ketë thënë: “Elhamdulilah” -falënderuar qoftë Allahu. Më pas ai le të përgjigjet me lutjen: “Jehdikumullahu ve juslih balekum” –Allahu ju udhëzoftë dhe jua përmirësoftë mendimin tuaj!

16/01/2021

Mos fli mbi pllakën e parrethuar me mur apo parmakë!

15/01/2021

Hytbeja e Xhumasë dt. 15.01.2021
SHTYLLAT E ISLAMIT FORCIM I PARIMEVE MORALE
“…Sot përsosa për ju fenë tuaj, plotësova ndaj jush dhuntinë Time, zgjodha për ju islamin fe…” (El-Maide: 3)
Nga Abdullah Ibën Umeri r.a. transmetohet se e ka ndëgjuar të Dërguarin e Allahut a.s. se ka thënë: “Islami qëndron mbi këto pesë shtylla (parime):1- Dëshminë se nuk ka Zot tjetër që meriton të adhurohet, përveç Allahut dhe se Muhamedi a.s. është i Dërguari i Tij; 2- Faljen e (rregullt) të namazit; 3- Dhënien e zekatit; 4- Kryerjen e haxhit; 5- Agjërimin e muajit të Ramazanit”. (Buhariu)
- Muhamedi a.s. e ka treguar qëllimin kryesor të dërgimit të tij si pejgamber, si dhe misionin e qartë të tij me fjalët: “Me të vërtetë jam dërguar t’i plotësoj virtytet e moralit”. (Maliku)
- Pra, Muhamedi a.s. në përgjithësi derdhi mundin dhe djersën e tijë në ngritjen e vlerave morale-ahlakun në mesin e shokëve në veçanti, kurse për gjithë muslimanët në përgjithësi
- Shtyllat e Islamit nuk janë vetëm cerremoni e thjeshtë sa për t’u liruar nga obligimi.
- Por janë lidhje mes krijesës dhe Krijuesit dhe nëpër mjet kësaj lidhje muslimani ta forcon edhe moralin e tijë.
1. Dëshmia se nuk Zot tjetër dhe se Muhamedi është rob dhe i dërguar i Tij:- Një dëshmë e tillë do duhej ta lidhë besimtarin me Krijuesin e Tij aq ngusht sa që të largohet nga punët e liga edhe pse nuk e shikon as kush nga njerëzit.
Tha: “Më trego ç’është ihsani?” (Pejgamberi) Tha: “Ta adhurosh All-llahun sikur ta shohësh, sepse edhe pse ti nuk e sheh, Ai vërtet të sheh ty.”
2. Falja e Namazit:- Allahu xh.sh. kur na detyroi me namazin obligativ, e tregoi edhe urtësin e kryerjes së tij, duke thënë: “… fal namazin, vërtetë namazi largon nga të shëmtuarat dhe të irituarat…” (El-Ankebut: 45). Pra, largimi nga mbrapshtitë, punët e liga etj. janë esenca e namazit. =VAZHDON=

15/01/2021

3. Dhënia e Zekatit:- Nuk është tatim i cili rrëmbehet xhepat e të pasurve, por, në rend të pare është mbjellje e dashurisë dhe e mëshirës në mes të shtresave. Njohje e të pasurve me gjendjen e të varfërve, sepse në një gjendje të tillë mund të betesh një ditë edhe ti.
- Qëllimin e Zekatit Kurani e ka theksuar me fjalët: “Merr prej pasurisë së tyre lëmoshë që t’i pastrosh me të dhe t’u shtosh (të mirat) …” (Et-Teube: 103). Pra, pastrami shpirtit dhe pasurisë është Zekati.
4. Agjërimi:- Islami nuk e konsideron vetëm largim nga ushqimi dhe pija, por e konsideron një hap më shumë drejt ndalimit nga veset e liga. Kurani e përmend frytin e agjërimit në ajetin: “… agjërimi ju është bërë obligim sikurse që ishte obligim edhe i atyre që ishin para jush, kështu që të bëheni të devotshëm.” (El Bekare: 183) Pejgamberi a.s. thotë: “Agjërimi i vërtetë nuk është tëndaluarit prej hajes dhe pijes, por agjërimi i vërtetë është të ndaluarit nga fjalët e kota dhe punët e ndyta; nëse të shan dikush, apo tregohet ndaj teje injorant, thuaj: Unë jam agjërueshëm.” (Transmeton Ibën Huzejme). Pra fryti i agjërimit është DEVOTSHMËRIA dhe largimi nga fjalët dhe veprimet e kota.
5. Haxhi:- Dikush e mendon vetëm si udhëtim obligativ i mundësive fizike dhe materiale. Në fakt veç kësaj është një rigjenerim i vlerave të mirëfillta morale Islame duke i kushtuar edhe më shumë pasi të kthehet nga ky udhëtim si një kongres i gjithë muslimanëve nga e gjithë bota. Pra, është devotshmëri.
Përfundimi:- Të gjitha këto obligime-shtylla mbi të cilat është ngritur Islami, me rastin e kryerjes së tyre në mënyrë të përpiktë nga muslimanët dhe muslimanet, pa dyshim se forcohen edhe parimet morale. Siç ka thënë Muhamedi a.s.: “Me të vërtetë jam dërguar t’i plotësoj virtytet e moralit”. (Maliku)
Xhamia-Mirësia-Kaçanik

14/01/2021

Respekti ndaj prindërve
Në 15 vjetorin e vdekjes së nënës time të shtrenjtë, lutem që Zoti i Madhërishë ta mëshiron.
Thotë Allahu xh.sh. në Kuranin Fisnik: "Thuaj: Ejani t’ju lexojë atë që me të vërtetë ju ndaloi Zoti juaj: të mos i shoqëroni Atij asnjë send, të silleni mirë me prindërit,.... (El-Enam: 151)
Trasmetohet nga Abdullah ibn Amër r.a.“Erdhi një njeri te i Derguari i Allahut a.s.. Donte te shkonte ne Xhihad. Pejgamberi a.s. I tha: ‘A i ke gjalle prinderit. Njeriu tha: Po. Pejgamberi a.s. I tha: “’Te ata dy bëje Xhihadin’ (duke u kujdesur per ta).” (El Irwa 1199, Hadith i sakte)
Eh, po ku t'i gjejmë prindërit e t'i nderojm pasi që të kalojnë prej kësaj bote.
Ju lutem të gjithëve që i keni ende prindërit në këtë jetë, t'ua dini vlerën sa i keni gjallë.

14/01/2021

Mos këndo vargje të thurura me përmbajtje të prishur dhe të shfrenuar dhe as mos e lejo veten që t’i dëgjosh ato!

13/01/2021

Mos i madhëro fotografitë e njerëzve dhe gjallesave duke i varur ato nëpër muret e shtëpisë apo duke u kushtuar atyre rëndësi të posaçme! Me ketë veprim do të ndalosh hyrjen e engjëjve (melaqeve) brenda në shtëpi!

12/01/2021

Mos skulpturo pamje të njerëzve apo të kafshëve, për arsye se Ditën e Llogarisë dënimin më të dhimbshëm do ta kenë skulptorët!

Address

Kacanik
71000

Website

Alerts

Be the first to know and let us send you an email when Hoxhë Adnan Vishi posts news and promotions. Your email address will not be used for any other purpose, and you can unsubscribe at any time.

Contact The School

Send a message to Hoxhë Adnan Vishi:

Shortcuts

Share

Category