SHFMU " Avni Rrustemi " Zallq - Istog faqja zyrtare

Shkolla jonë ndihet shumë krenare për të arriturat në futboll të nxënësit Henor Imeraj dhe e përgëzon për këtë arritje të merituar.
I urojmë edhe shumë suksese në të ardhmen.

Sot, me shumë respekt dhe mirënjohje, i urojmë pensionimin mësueses sonë të dashur Sabrie Fetahi, e cila për vite me radhë dha një kontribut të çmuar në edukimin dhe formimin e shumë brezave në shkollën tonë, SHFMU ‘Avni Rrustemi’ Zallq.

Me përkushtimin, urtësinë dhe dashurinë për profesionin, ajo la gjurmë të pashlyeshme në zemrat e nxënësve, kolegëve dhe gjithë komunitetit shkollor.

Ju falënderojmë për çdo mësim, këshillë dhe vlerë që keni përcjellë ndër vite. Ju urojmë shëndet, lumturi dhe shumë momente të bukura në këtë kapitull të ri të jetës.

Gëzuar pensionimin, mësuese Sabrije! 💐

🎈 “Gëzuar 1 Qershorin! Qofshin ditët tuaja gjithmonë të mbushura me buzëqeshje, ngjyra dhe lumturi.”

Vesa jonë e artë 🏆🥇

Në garën ndërkombëtare të notit “Orion Cup”e
mbajtur në Shkup, Maqedonia e Veriut, ku morën pjesë një numër i madh notuesish, notuesja Vesa Mehmetaj nga Klubi i Notit Onix arriti rezultate të shkëlqyera duke fituar tri vende të para:

🥇 Vendi i parë – 50 metra bretkocë
🥇 Vendi i parë – 200 metra bretkocë
🥇 Vendi i parë – 200 metra bretkocë Open

Urime për suksesin e madh të Vesa Mehmetajt dhe Klubit të Notit Onix!

🏊‍♀️🏊👊✔️

Të nderuar prindër,

Ju njoftojmë se regjistrimi i nxënësve për klasën e parë dhe parafillor fillon nga data 15. 05.2026 dhe zgjat deri me 15.06.2026.

Dokumentet e nevojshme për regjistrim:

* Certifikata e lindjes/ ekstrakti
* Certifikata e vaksinimit
* Certifikata e vendbanimit e cila nuk është më e vjetër se 6 muaj.

Kriteret për regjistrim të nxënësve:
* Për klasën e parë, fëmija të ketë mbushur 6 vjet
* Për parafillor, fëmija të ketë mbushur 5 vjet

Por mund të regjistrohen edhe nën moshën minimale sipas kritereve të parapara me Udhëzimin Administrativ MAShT nr. 9/2023 për regjistrimin e fëmijëve në klasën e parë.

Jeni të mirëseardhur!

Me respekt,
Drejtoria e shkollës!

Sot në ambientet e shkollës sonë u organizua një orë letrare nga ish mësimdhënësi dhe shkrimtari Maxhun Osmanaj.
Gjatë kësaj ore,nxënësit patën mundësinë të njihen nga afër me krijimtarinë e tij,të dëgjojnë pjesë nga veprat dhe të bashkëbisedojnë me autorin.

Me këtë rast,shkrimtari dhuroi disa libra për bibliotekën e shkollës dhe nxënësit e dalluar.
Ky aktivitet kontribuon në nxitjen e dashurisë për leximin dhe zhvillimin e kulturës letrare tek nxënësit.

Faleminderit z.Maxhun Osmanaj!
Me respekt,
Drejtori i shkollës
Visar Hasanaj