Gjimnazi "Haxhi Zeka" Istog

01.06.2026 Gjimnazi "Haxhi Zeka" Istog

Sesion Informues për Sigurinë Kundër Zjarrit

Sot, në shkollën tonë, u mbajt një sesion informues me temën “Studimi i fizibilitetit për vlerësimin e sigurisë kundër zjarrit në objekte shkollore dhe plani i integruar për përmirësimin e mbrojtjes”.
Gjatë këtij sesioni, pjesëmarrësit u njoftuan me rëndësinë e masave parandaluese kundër zjarrit, vlerësimin e rreziqeve në objektet shkollore, si dhe me praktikat dhe procedurat që kontribuojnë në rritjen e sigurisë së nxënësve dhe stafit. Po ashtu, u diskutua për planifikimin dhe zbatimin e masave të integruara që synojnë përmirësimin e mbrojtjes dhe reagimin efektiv në raste emergjente.
Shkolla jonë mbetet e përkushtuar në promovimin e një mjedisi të sigurt dhe të mbrojtur për të gjithë nxënësit dhe personelin, duke mbështetur iniciativa që rrisin ndërgjegjësimin dhe gatishmërinë për situata emergjente.

27.05.2026 Gjimnazi "Haxhi Zeka" Istog

Të nderuar nxënës, prindër, mësimdhënës dhe qytetarë,
Me rastin e festës së Kurban Bajramit, ju përcjellim urimet më të sinqerta për paqe, shëndet, mirësi dhe begati në familjet tuaja.
Qoftë kjo festë një kujtesë për solidaritetin, respektin dhe humanizmin që na bashkojnë si shoqëri.
Gëzuar Kurban Bajramin! 🌙✨

26.05.2026 Gjimnazi "Haxhi Zeka" Istog

Sot në shkollën tonë u mbajt një sesion informues me temën: “Siguria rrugore si një e drejtë dhe përgjegjësi për të gjithë”.

Ligjërues në këtë aktivitet ishin përfaqësues nga Policia Rajonale, të cilët diskutuan me nxënësit rreth rëndësisë së respektimit të rregullave të komunikacionit, sjelljes së përgjegjshme në trafik dhe rolit që secili qytetar ka në ruajtjen e sigurisë rrugore.

Përmes këtij sesioni, nxënësit u vetëdijesuan mbi kujdesin dhe përgjegjësinë që duhet treguar çdo ditë në rrugë, me synim parandalimin e aksidenteve dhe krijimin e një ambienti më të sigurt për të gjithë pjesëmarrësit në komunikacion.

25.05.2026 Gjimnazi "Haxhi Zeka" Istog

Sot në shkollën tonë u mbajt një sesion informues nga Policia e Kosovës me temën: “Ngacmimi nuk ka vend në shoqëri – reagimi yt bën ndryshimin”.
Gjatë këtij sesioni, nxënësit u informuan rreth formave të ngacmimit seksual, pasojave që ai sjell dhe rëndësisë së reagimit dhe raportimit të rasteve të tilla. Përmes diskutimeve dhe këshillave praktike, u theksua rëndësia e krijimit të një ambienti të sigurt dhe respektues për të gjithë.
Falënderojmë përfaqësuesit e Policia e Kosovës për bashkëpunimin dhe kontributin e tyre në vetëdijesimin e të rinjve mbi këtë çështje shumë të rëndësishme shoqërore.

21.05.2026 Gjimnazi "Haxhi Zeka" Istog

Nxënësit e shkollës sonë kanë realizuar me sukses sfidën e modulit të dytë në robotikë në kuadër të programit “Të Rinjtë në Teknologji 2.0”.
Ky aktivitet u dëshmoi edhe një herë kreativitetin, përkushtimin dhe aftësitë e tyre në fushën e teknologjisë dhe programimit.

Përmes punës praktike dhe bashkëpunimit ekipor, nxënësit arritën të zhvillojnë projekte inovative duke fituar njohuri të reja në robotikë dhe teknologji moderne.
Jemi krenarë me angazhimin dhe suksesin e tyre dhe u urojmë shumë suksese në sfidat e radhës! 🤖✨

📣 Njoftim për përzgjedhjen e tetë shkollave në projektin “Iniciativa për Zhvillimin e Liderëve të Rinj të Ballkanit Perëndimor” - BELI

✅ Pas një procesi të kujdesshëm dhe gjithëpërfshirës të vlerësimit, të bazuar edhe në kriteret e përcaktuara të projektit, kemi kënaqësinë të njoftojmë përzgjedhjen e tetë shkollave përfituese në kuadër të projektit “Iniciativa për Zhvillimin e Liderëve të Rinj të Ballkanit Perëndimor” (BELI). Procesi i aplikimit u karakterizua nga aplikime me cilësi të lartë, të cilat dëshmuan përkushtimin, kreativitetin dhe seriozitetin e shkollave në përmbushjen e objektivave të projektit.

🎯 Shkollat e përzgjedhura janë:

Shkolla e Mesme Teknike "Nexhmedin Nixha", Gjakovë;
Gjimnazi "Haxhi Zeka" Istog;
Gjimnazi "Gjergj Kastrioti Skënderbeu" - Drenas;
SHMLM Kongresi i Manastirit- Pozharan, Viti;
Shkolla e Mesme e Lartë - Gjimnazi "Eqrem Çabej" (Vushtrri);
SH.M.L "Gjin Gazulli", Prishtinë;
Gjimnazi i Shkencave Natyrore " Xhavit Ahmeti " Gjilan-;
SHMLP "7 Shtatori" Prishtinë Tregti-Hoteleri-Turizem, Prishtinë.

🤝 Falënderojmë të gjitha shkollat që aplikuan në këtë thirrje dhe inkurajojmë ato që nuk u përzgjodhën këtë herë të vazhdojnë të angazhohen dhe të aplikojnë në mundësi të ardhshme.

06.05.2026 Gjimnazi "Haxhi Zeka" Istog

Sot u realizua aktiviteti përmbyllës i Klubit të Solidaritetit, në kuadër të projektit të implementuar me mbështetjen e OJQ TOKA.

Përmes angazhimit dhe punës së palodhshme, nxënësit arritën të kontribuojnë në përmirësimin e hapësirave shkollore, duke pajisur ambientet me një TV, duke krijuar një uebsajt për shkollën tonë, si dhe duke gjallëruar ambientin përmes ngjyrosjes së stolave në oborrin e shkollës.

Ky aktivitet u realizua nën udhëheqjen dhe përkushtimin e mentores,Nora Taraku dhe ndihmë mentore Lindita Kaliqani e cila ka mbështetur dhe udhëzuar nxënësit gjatë gjithë procesit të implementimit të projektit.
Ky aktivitet përmbyllës dëshmon fuqinë e bashkëpunimit, kreativitetit dhe vullnetit të të rinjve për të sjellë ndryshim pozitiv në komunitetin e tyre.

Falënderojmë OJQ TOKA për mbështetjen, mentoren për përkushtimin, si dhe të gjithë nxënësit dhe mësimdhënësit që kontribuan në realizimin e këtij projekti të suksesshëm!

05.05.2026 Gjimnazi "Haxhi Zeka" Istog

Gjimnazi ynë mirëpriti përfaqësues nga UBT – Higher Education Institution, të cilët zhvilluan një sesion informues me maturantët.

Nxënësit u njohën me programet e studimit, mundësitë për përgatitje për testin e maturës, si dhe ofertat që ky institucion u ofron studentëve të ardhshëm.

Një hap i rëndësishëm drejt orientimit akademik dhe profesional të maturantëve tanë! 🎓

30.04.2026 Gjimnazi "Haxhi Zeka" Istog

📢 Sesion Informues për Vetëdijesimin ndaj Substancave Narkotike

Në shkollën tonë u mbajt një sesion informues nga Policia e Kosovës, në kuadër të aktiviteteve për rritjen e vetëdijes dhe sigurisë së nxënësve.
🚫 Tema e trajtuar ishte: “Substancat narkotike – drogat”, ku nxënësit u informuan mbi rreziqet dhe pasojat e përdorimit të drogave, ndikimin e tyre në shëndet, si dhe rëndësinë e parandalimit dhe marrjes së vendimeve të shëndetshme.

👮‍♂️ Përfaqësuesit e policisë ndanë informacione të vlefshme dhe shembuj konkretë, duke nxitur diskutim dhe ndërgjegjësim tek të rinjtë për këtë çështje të ndjeshme.

👏 Falënderojmë Policia e Kosovës për bashkëpunimin dhe angazhimin e vazhdueshëm në edukimin dhe mbrojtjen e nxënësve tanë.

30.04.2025 Gjimnazi "Haxhi Zeka" Istog

📢 Sesion Informues për Sigurinë në Shkollë

Në kuadër të programit “Edukimi për Siguri”, në shkollën tonë u mbajt një sesion informues nga Ministria e Punëve të Brendshme në bashkëpunim me Agjencia e Menaxhimit të Emergjencave.

🛡️ Tema e trajtuar ishte: “Fatkeqësitë dhe llojet e tyre”, ku nxënësit patën mundësinë të informohen rreth rreziqeve natyrore dhe atyre të shkaktuara nga njeriu, si dhe mënyrave të reagimit në situata emergjente.
Ligjërata u realizua nga Haki Belaj, i cili ndau njohuri të vlefshme dhe praktike për përballimin e fatkeqësive dhe rëndësinë e përgatitjes paraprake.

👏 Falënderojmë institucionet për bashkëpunimin dhe kontributin në vetëdijesimin e nxënësve tanë për sigurinë dhe mbrojtjen në situata të ndryshme emergjente.