SHFMU."Bajram Curri" Istog

5 Qershori – Dita Botërore e Mjedisit 🌱

Në kuadër të shënimit të Ditës Botërore të Mjedisit, Klubi i Gjelbër i shkollës sonë, i udhëhequr nga arsimtarja Remzije Maxharraj, organizoi një aktivitet vetëdijesues me nxënësit, me qëllim promovimin e rëndësisë së ruajtjes së mjedisit.

Gjatë aktivitetit, nxënësit u angazhuan në pastrimin e të gjitha hapësirave të jashtme të shkollës, duke dhënë shembull të mirë të përgjegjësisë dhe kujdesit ndaj ambientit. Ky aktivitet përcolli mesazhin se një mjedis i pastër dhe i shëndetshëm është përgjegjësi e përbashkët e secilit prej nesh.

Falënderojmë të gjithë nxënësit dhe arsimtaren Remzije Maxharraj për angazhimin dhe kontributin e tyre në këtë aktivitet me rëndësi për komunitetin shkollor. 🌿♻️

SHFMU."Bajram Curri" Istog
05.06.2026
E premte
________________________

Më datë 05.06.2026 KDSH-ja mbajti mbledhjen e radhës, ku u bë aprovimi i mësimit zgjedhor për vitin shkollor 2026/27 dhe u trajtuan pika të ndryshme të rendit të ditës.

Java e Orientimit Profesional 1-5 Qershor 2026,

Java e Orientimit Profesional me nxënësit e klasave të nënta shërbeu si një përmbyllje e temave dhe aktiviteteve të zhvilluara nga Këshilltarja e karrierës Fikrije Shala Kajtazaj, gjatë gjithë vitit shkollor në kuadër të këshillimit për karrierë.
Përmes ligjëratave dhe diskutimeve, nxënësit kanë reflektuar mbi interesat, aftësitë dhe synimet e tyre për të ardhmen.

Urojmë që njohuritë e fituara t’i udhëheqin drejt zgjidhjeve të suksesshme në vazhdimin e shkollimit dhe karrierës së tyre.

SEMIMATURANTËT, 2026🎊

SHFMU."Bajram Curri" Istog
01.06.2026
E hënë
_______________________
Dita Ndërkombëtare e Fëmijëve 🎈

Dita ndërkombëtare e Fëmijëve ishte plot gaz e hare për nxënësit tanë të klasave të II, III, IV dhe V të cilët kanë qenë pjesëmarrës në koncertin e përgatitur nga sektori i muzikës në qendrën kulturore në Istog organizuar nga Drejtoria për Rini, Kulturë dhe Sport nën patronatin e kryetarit z. Ilir Ferati.

Në shenjë falenderimi z. Ismet Demaj ndan mirënjohje drejtoreshës së shkollës për bashkëpunimin e vazhdueshëm.

𝐅𝐞𝐬𝐭𝐚 𝐞 𝐀𝐛𝐞𝐭𝐚𝐫𝐞𝐬 – 𝐍𝐣𝐞̈ 𝐝𝐢𝐭𝐞̈ 𝐞 𝐯𝐞𝐜̧𝐚𝐧𝐭𝐞̈ 𝐩𝐞̈𝐫 𝐧𝐱𝐞̈𝐧𝐞̈𝐬𝐢𝐭 𝐞 𝐒𝐡𝐤𝐨𝐥𝐥𝐞̈𝐬 🎈

Në një atmosferë festive dhe plot emocione, nxënësit e klasave të para të Shkollës "Bajram Curri" kremtuan Festën e Abetares, duke shënuar një moment të rëndësishëm në rrugëtimin e tyre arsimor.

Të organizuar në një ambient të veçantë, nxënësit sollën para prindërve, familjarëve, mësimdhënësve dhe të ftuarve një program të pasur artistik, të përgatitur me përkushtim dhe dashuri. Përmes këngëve, recitimeve, vallëzimeve dhe interpretimeve të ndryshme, ata festuan përfundimin me sukses të hapit të tyre të parë në botën e shkronjave dhe të dijes.
Mësueset:
Donjeta Osmanaj;
Nexhmije Bekaj;
Marigona Gashi;
Shqipe Bicaj
Dafina Spahiu
Asistentet:
Genciona Curri
Jehona Shatri
Aldisa Osmanaj

Fluturoni lart , lexoni botën dhe mos u ndalni kurrë së ëndërruari!

01.06.2026 🎈

Me rastin e 1 Qershorit, Ditës Ndërkombëtare të Fëmijëve, në sallën e Kuvendit Komunal të Istogut u mbajt takimi përmbyllës i Asamblesë Komunale të Fëmijëve, me ç’rast u vlerësua angazhimi dhe kontributi i përfaqësuesve të fëmijëve gjatë mandatit dyvjeçar 2024 - 2026.

Jemi krenarë që nxënësit e SHFMU."Bajram Curri" Istog
Adisa Ibrahimaj- Kryetare e Asamblesë Komunale të Fëmijëve;
Vlera Blakaj- anëtare;
Orges Mehaj- anëtar.
Këta nxënës përfaqësuan me dinjitet shkollën tonë në këtë mekanizëm të rëndësishëm të pjesëmarrjes së fëmijëve në jetën komunitare.

Për kontributin, përkushtimin dhe angazhimin e tyre në përfaqësimin e interesave të fëmijëve, ata u nderuan me mirënjohje nga komuna.

I përgëzojmë nxënësit tanë për punën dhe përgjegjësinë e treguar gjatë këtij mandati dhe u dëshirojmë suksese të mëtejshme në rrugëtimin e tyre arsimor dhe qytetar.

1 Qershori - Dita e Fëmijëve 🎈

Sot në parashkollorin tonë festuam me shumë gëzim 1 Qershorin - Ditën e Fëmijëve.

Kjo ditë na kujton rëndësinë e fëmijërisë dhe lumturinë që ata sjellin çdo ditë. Le të vazhdojmë t’i mbështesim dhe t’i rrethojmë me dashuri.
Gëzuar 1 Qershorin!

Edukatoret:
Mervete Gashi
Aferdita Blakaj
Lindita Blakaj
Fjolla Rugova

Dje dhe sot u mbajtën garat në programin “Sporti në Shkolla” në disiplinën 3x3 Basketboll. Garat u zhvilluan në kategoritë e klasave 4/5 vajza-djem dhe 6/7 vajza-djem.

Në të dy kategoritë e vajzave, shkolla jonë “Bajram Curri” në Istog ka siguruar finalen, e cila do të zhvillohet më 15 qershor në Prishtinë.

Shkolla jonë udhëhiqet nga mësimdhënësi Kenan Arifaj dhe trajneri Diamant Shabanaj.

Urojmë shumë suksese për këto dy ekipe të vajzave në finale.