Shkolla "Shkendija" Hajvali

Faleminderim i veçantë për mbështetësit e festës së 1 Qershorit

Me rastin e 1 Qershorit – Ditës Ndërkombëtare të Fëmijëve, shprehim mirënjohjen tonë më të thellë për Ruko Juice, Amo-Foods dhe Shtëpinë Botuese ALBAS për bujarinë, mbështetjen dhe dhuratat e ofruara për nxënësit tanë.

Falënderojmë gjithashtu prindin e Erlbin Isufit (nxënës në klasën V/2), Dj Lili , për muzikën dhe zërimin, që e bëri atmosferën edhe më të gjallë dhe argëtuese. Fëmijët u kënaqën jashtë mase.

Falë kontributit tuaj, kjo ditë festive u bë edhe më e gëzueshme dhe më e veçantë për fëmijët. Buzëqeshjet, gëzimi dhe emocionet e tyre ishin dëshmia më e bukur e vlerës së dhuratave dhe kujdesit që treguat ndaj tyre.

Ju falënderojmë sinqerisht për gatishmërinë dhe zemërgjerësinë tuaj. Mbështetja juaj kontribuon në krijimin e kujtimeve të bukura dhe të paharrueshme për fëmijët tanë.

Me respekt dhe mirënjohje,
Msc. Minire Berisha Musliu
Drejtoreshë e SHFMU “Shkëndija” – Hajvali

Gëzuar 1 Qershorin – Ditën Ndërkombëtare të Fëmijëve! 🎈

Sot në shkollën tonë festuam me shumë gëzim, buzëqeshje dhe entuziazëm Ditën e Fëmijëve.

Drejtoresha e sMinire Musliu BerishaMusliu Berisha, uroi të gjithë nxënësit me rastin e 1 Qershorit, duke i inkurajuar ata të vazhdojnë të mësojnë, të besojnë në veten e tyre dhe të ndjekin ëndrrat me përkushtim, sepse çdo ëndërr e madhe fillon me një hap të vogël.

Nxënësit morën pjesë në aktivitete të ndryshme si vizatime, lojëra argëtuese dhe muzikë, si dhe shijuan pije dhe ëmbëlsira në një atmosferë plot hare dhe gëzim.

Një falënderim i veçantë shkon për Fabrikën Ruko Juice dhe Amoreti, të cilët me donacionin e tyre e bënë këtë festë edhe më të bukur dhe më të veçantë për fëmijët.

Gjithashtu, falënderojmë Shtëpinë Botuese Albas për dhurimin e revistës PIK’EON, e cila solli kënaqësi dhe interes të madh te nxënësit tanë.

Falënderojmë gjithashtu prindin e Erblin Isufit (nxënës në klasën V/2), DJ Lili, për muzikën dhe zërimin, që e bëri atmosferën edhe më të gjallë dhe argëtuese. Fëmijët u kënaqën jashtë mase.

Faleminderit të gjithëve që kontribuuat për ta bërë këtë ditë të paharrueshme për fëmijët tanë!

Vizitë jashtëkurrikulare arsimore në Parkun e Gërmisë dhe Taukbahçe

Sot, vogëlushët e parashkollorit dhe nxënësit e ciklit të ulët (klasat 1-5) realizuan një vizitë jashtëkurrikulare në Parku i Gërmisë dhe në Parku Taukbahçe, ku patën mundësinë të njihen nga afër me bukuritë natyrore dhe hapësirat edukative, si dhe të shijojnë ajrin e pastër.

Parashkollorët u argëtuan në lodra dhe në aktivitete të ndryshme edukative, ndërsa nxënësit morën pjesë në lojëra të organizuara në natyrë.

Përmes lojërave, aktiviteteve të ndryshme edukative dhe shoqërimit me njëri-tjetrin, nxënësit kaluan momente të këndshme dhe të paharrueshme.

Kjo vizitë ndikoi pozitivisht në socializimin, argëtimin dhe edukimin e tyre në natyrë.

Ligjëratë Edukative nga Policia e Lagjes

Më 25.05.2026, në shkollën tonë “Shkolla Shkëndija” u realizua një ligjëratë edukative me temën “Edukimi i nxënësve për rregullat në komunikacion dhe respektimi i tyre”, nga zyrtarët policorë të lagjes sonë, znj. Igbale Berisha dhe z. Granit Kosumi, si dhe protagonistja e ligjëratës, rreshtere Sevdije Emini.

Ligjërata u mbajt për nxënësit e klasave V-VI dhe kishte për qëllim edukimin e fëmijëve për sigurinë në trafik. Gjatë këtij aktiviteti u diskutua dhe u bashkëbisedua rreth rëndësisë së kujdesit gjatë kalimit në vijat e bardha, vendeve të përshtatshme për lojë, llojeve të semaforëve, ngjyrave dhe kuptimeve të tyre, si dhe shumë çështjeve të tjera që lidhen me sigurinë në komunikacion.

Nxënësit treguan interesim dhe kulturë të lartë gjatë bashkëbisedimit, duke parashtruar pyetje kreative dhe duke marrë përgjigje profesionale nga zyrtarët policorë. Atmosfera ishte shumë bashkëpunuese dhe edukative, duke kontribuar në vetëdijesimin e nxënësve për rëndësinë e respektimit të rregullave të trafikut dhe sjelljes së përgjegjshme në komunitet.

Besojmë dhe shpresojmë që kjo ligjëratë dhe këshillat e dhëna nga zyrtarët policorë do të kenë ndikim pozitiv tek nxënësit tanë, duke ndihmuar në formimin e tyre si qytetarë të sjellshëm, të edukuar dhe të përgjegjshëm në të ardhmen.

Gjithashtu, falënderojmë policët e lagjes sonë për kontributin dhe bashkëpunimin e vazhdueshëm me shkollën tonë.

Kosovo Police

Mbledhje e përbashkët me prindërit e klasave të 9-ta

Në hapësirat e shkollës sonë u mbajt një mbledhje e përbashkët mes drejtoreshës, kujdestareve të klasave të 9-ta dhe prindërve.

Gjatë takimit, prindërit u informuan rreth testimit të brendshëm dhe Testit të Arritshmërisë, si dhe për vizitën jashtëkurrikulare dhe organizimin e festës së semimaturës. Të gjitha procedurat, përgjegjësitë dhe organizimet u prezantuan në detaje, me qëllim që prindërit të jenë sa më të informuar dhe të përfshirë në aktivitetet dhe proceset që i presin nxënësit tanë.

Takimi u zhvillua në atmosferë bashkëpunimi dhe mirëkuptimi, duke theksuar rëndësinë e komunikimit të vazhdueshëm mes shkollës dhe prindërve për suksesin dhe mirëqenien e nxënësve.

Falënderojmë prindërit pjesëmarrës për bashkëpunimin, mirëkuptimin dhe përkrahjen e vazhdueshme.

Ekspozitë për Ditën e Shkollës

Ka vende që mbeten përgjithmonë në zemrën tonë, sepse aty rriten ëndrrat, kujtimet dhe hapat e parë drejt dijes. Shkëndija ndër vite ka qenë vatër e ngrohtë e diturisë, ku breza të tërë nxënësish u formuan, mësuan dhe ndriçuan rrugën e tyre drejt së ardhmes.

Nën përkushtimin e arsimtares Qëndresa Sopi, me shumë dashuri, përkushtim dhe emocion që dilte nga zemra e shpirti i tyre, nxënësit në lëndën e Artit figurativ punuan shumë punime artistike, duke ia dhuruar shkollës dhuratën më të bukur. Nëpërmjet ngjyrave, vizatimeve dhe imagjinatës së tyre, ata pikturuan🎨 “Shkëndijat e diturisë” që çdo ditë pasurojnë mendjet dhe ëndrrat e fatosave tanë. 🎨Happy 🏫 Day!

Himni i shkollës sonë 🎶

Nën mbikëqyrjen e arsimtares Shqipe Mehmeti, nxënësit e ciklit të ulët performuan himnin e shkollës sonë me shumë përkushtim dhe emocion. Me zërat e tyre të bukur dhe energjinë pozitive, ata krijuan një atmosferë të ngrohtë e festive, duke e bërë edhe më të veçantë Ditën e Shkollës.

Po ashtu, vogëlushet e klasës III/3 me mësuese Mimozë Pllana Ajeti sollën një vallëzim popullor plot gjallëri dhe buzëqeshje, duke përcjellë traditën dhe bukurinë e valleve tona shqiptare.

Dita e Shkollës

Shkolla jonë festoi Ditën e Shkollës me një atmosferë të veçantë dhe plot aktivitete të ndryshme, të cilat e bënë këtë ditë të paharrueshme për nxënësit dhe mësimdhënësit tanë.

Me këtë rast, drejtoresha e shkollës, Minire Berisha, ndau lëvdata për nxënësit e dalluar në fusha të ndryshme, duke iu uruar suksese të vazhdueshme dhe duke i motivuar që të mos ndalen asnjëherë së mësuari, sepse dija është çelësi i suksesit dhe i së ardhmes.

Një moment tejet emocionues ishte surpriza nga nxënësja e shkollës sonë, Olta Vitia, e cila me kreativitetin dhe talentin e saj realizoi një pikturë të veçantë për Ditën e Shkollës. Po ashtu, edhe stafi i shkollës i dhuroi drejtoreshës një dhuratë simbolike, në shenjë falënderimi për mbështetjen dhe motivimin e vazhdueshëm ndaj mësimdhënësve.

Gjatë kësaj dite u zhvilluan shumë aktivitete, si ekspozita me vizatime dhe punime të ndryshme, vallëzime, prezantimi i projektit “Shkolla Ideale” dhe aktivitete të tjera kreative, të cilat sollën gëzim dhe atmosferë festive në shkollën tonë.

Duke iu uruar të gjithë mësimdhënësve dhe nxënësve edhe shumë suksese të tjera, urojmë që kjo ditë të mbetet një kujtim i bukur për secilin prej nesh.

NJOFTIM FALËNDERIM ZYRTAR

Me datë 21.05.2026, rreth orës 11:00, gjatë patrullimit të rregullt në afërsi të Shkolla ‘Shkëndija’, zyrtarët policorë të lagjes Hajvali kanë gjetur një shumë të konsiderueshme parash në hyrje të objektit shkollor.

Pas evidentimit të rastit, zyrtarët policorë kanë vepruar menjëherë sipas procedurave zyrtare, duke njoftuar stafin drejtues të shkollës, përkatësisht drejtoreshën dhe sekretaren e shkollës. Njëkohësisht është kontaktuar edhe prindi i nxënësit të cilit i kishin humbur mjetet financiare.

Më datë 22.05.2026, në ambientet e shkollës kanë ardhur zyrtarët policorë Igballe Berisha dhe Granit Kosumi, ku në prani të drejtoreshës së shkollës, prindit dhe nxënësit është zhvilluar takimi lidhur me rastin në fjalë. Me këtë rast, mjetet financiare i janë kthyer prindit të nxënësit në mënyrë të rregullt dhe transparente.

Stafi drejtues i shkollës shpreh mirënjohjen dhe falënderimin më të sinqertë për zyrtarët policorë të lagjes Hajvali për profesionalizmin, përkushtimin dhe angazhimin e vazhdueshëm në ruajtjen e rendit, sigurisë dhe mirëqenies së komunitetit.

Në shenjë respekti dhe vlerësimi për punën e tyre të palodhshme, shkolla ka ndarë edhe letër falënderuese/mirënjohëse për zyrtarët policorë.

Subject:English Language
Activity: Make a Paper Pizza 🍕
Grade: 2nd Grades

Students create their own paper pizza using colored paper and craft materials. They cut out pizza slices and toppings such as cheese, pepperoni, mushrooms, and vegetables, then glue them onto their pizza. During the activity, students practice fine motor skills, creativity, and following instructions. At the end, each student presents their pizza and describes their favorite toppings.📚✂️🖍️⭐️🍕🧀🥦🍅🫒
Teacher:Nerxhivane Gashi