Shfmu "Vehbi Ibrahimi" Uglar

Sot në shkollën tonë u mbajt minimatura e nxënësve të klasës së pestë, e organizuar me shumë përkushtim nga mësuesja Fatime Aliu Hyseni. Ky aktivitet i veçantë solli emocione, buzëqeshje dhe momente të paharrueshme për nxënësit, prindërit dhe stafin e shkollës.

Përmes një programi argëtues e emocionues, nxënësit shfaqën talentet, kreativitetin dhe përvojat e tyre të fituara gjatë viteve të arsimit fillor. Këngët, vallet, recitimet dhe mesazhet plot mirënjohje krijuan një atmosferë të ngrohtë dhe festive.

Kjo minimaturë shënoi përmbylljen e një etape të rëndësishme në rrugëtimin e tyre shkollor dhe fillimin e një kapitulli të ri. Urojmë që nxënësit tanë të vazhdojnë të shkëlqejnë me sukses, dije dhe ëndrra të realizuara në rrugën e tyre drejt së ardhmes.

📚🎓 Sot në shkollën tonë u mbajt Programi Lamtumirës i Parashkollorëve.

Me shumë emocion, gëzim dhe krenari, më të vegjlit e shkollës sonë dhuruan një program të mrekullueshëm. Ata kënduan, vallëzuan dhe recituan me shumë dashuri e përkushtim, duke krijuar momente të paharrueshme për prindërit, mësuesit dhe të gjithë të pranishmit.

Ky aktivitet shënoi përfundimin e një etape të bukur dhe fillimin e një rrugëtimi të ri për fëmijët tanë. U urojmë suksese të pafundme në hapat e ardhshëm të jetës dhe shkollimit!

Gara e Spelling Bee në shkollën tonë.

Me shumë entuziazëm dhe përkushtim u mbajt gara e Spelling Bee me nxënësit e klasave 2, 3, 4 dhe 5, ku nxënësit patën mundësinë të tregojnë njohuritë e tyre në drejtshkrimin e gjuhës angleze, si dhe të zhvillojnë aftësitë e komunikimit dhe vetëbesimit.

Ky aktivitet u organizua nga mësuesja e gjuhës angleze Linda Alidemaj Rexhepi, në bashkëpunim me mësueset Rejhane Sadiku, Zymrije Hyseni, Fllanza Zubaku Latifi, Arta Saqipi, Altina Halimi dhe Fatime Hyseni.

Kontribut të çmuar në realizimin e aktivitetit dhanë edhe nxënësit e Këshillit të Shkollës: Loresa Selimi, Fatlinda Avdyli, Leonard Zymeri, Aulon Selimi dhe Amir Jetishi bashkë me punëtorët Fatmir Xhemaili dhe Xhelal Hyseni të cilët ndihmuan në organizimin dhe mbarëvajtjen e garës.

Falënderojmë të gjithë nxënësit pjesëmarrës për angazhimin dhe guximin e treguar, si dhe stafin mësimor e nxënësit ndihmës për bashkëpunimin e shkëlqyer. Suksese të gjithëve në sfidat e ardhshme!

Sot nxënësit e klasës së parë festuan me shumë gëzim dhe emocion Festën e Abetares, një moment i veçantë që shënon përfundimin e hapit të parë në rrugëtimin e tyre drejt dijes.

Përmes recitimeve, këngëve dhe aktiviteteve të ndryshme, ata treguan njohuritë e fituara gjatë këtij viti shkollor dhe na bënë të gjithëve krenarë me përkushtimin dhe sukseset e tyre.

I përgëzojmë të gjithë nxënësit për punën dhe angazhimin e tyre, mësuesen për përkushtimin e vazhdueshëm, si dhe prindërit për mbështetjen e pakursyer. Urojmë që dashuria për librin dhe dijen t’i shoqërojë gjithmonë në rrugën e tyre drejt suksesit!