Shkolla Fillore ''Esat Berisha'' Llashticë

SHFMU “Esat Berisha” Llashticë
Sot, në një atmosferë të ngrohtë dhe miqësore, ndamë një drekë me kolektivin e shkollës me rastin e përfundimit të vitit shkollor. Ishte një moment i bukur për të reflektuar mbi punën, përkushtimin dhe sukseset e arritura gjatë këtij viti. Faleminderit të gjithë kolegëve-eve për bashkëpunimin dhe kontributin e tyre. Ju uroj pushime të mbara, shëndet dhe rikthim me energji të reja në vitin e ardhshëm shkollor!
Me respekt!
N.Sh.
Qershor 2026

SHFMU “Esat Berisha”
Mesazhet për ars. Ibrahim Ibrahimi me rastin e pensionimit

SHFMU “Esat Berisha” Llashticë

Pas një përvoje 40-vjeçare në shërbim të dijes, edukimit dhe arsimimit, sot përcjellim me respekt dhe mirënjohje në pension arsimtarin Ibrahim Ibrahimi.

Katër dekada përkushtim, profesionalizëm dhe dashuri për nxënësit kanë lënë gjurmë të pashlyeshme në shumë breza. Kontributi juaj nuk matet vetëm me vitet e punës, por edhe me vlerat, dijen dhe edukatën që u keni përcjellë brezave.

Ju urojmë pensionim të mbarë, shëndet të plotë, lumturi familjare dhe shumë vite të qeta e të begata. Faleminderit për gjithçka që keni dhënë për arsimin dhe për shoqërinë.

Urime pensionimin, arsimtar Ibrahim! Respekt dhe mirënjohje për jetën tuaj të përkushtuar në shërbim të arsimit.
Drejtoria e shkollës
Qershor 2026

Sot, në shkollën tonë, “Esat Berisha në Llashticë, u mbajt një ligjëratë edukative nga Njësia për Mbrojtje kundër Zjarrit, Kryqi i Kuq i Kosovës, Policia e Kodovës, me qëllim të vetëdijesimit të nxënësve për rreziqet që sjell zjarri dhe mënyrat e parandalimit të tij.

Gjatë ligjëratës, nxënësit u njohën me shkaqet më të shpeshta të shpërthimit të zjarreve, masat e sigurisë që duhet të respektohen në shtëpi, shkollë dhe mjedise të tjera, si dhe veprimet që duhet të ndërmerren në rast emergjence. Po ashtu, u theksua rëndësia e kujdesit, përgjegjësisë dhe reagimit të shpejtë për mbrojtjen e jetës dhe pronës.

Falënderojmë pjesëtarët e Njësisë për Mbrojtje kundër Zjarrit, Kryqin e Kuq dhe polocinë e Kosovës për kontributin e tyre në edukimin dhe sigurinë e nxënësve tanë. Këto aktivitete janë me rëndësi të veçantë në ngritjen e kulturës së sigurisë tek gjeneratat e reja.
Qershor 2026

Çdo vit, më 26 Maj, në mbarë botën shënohet Dita Ndërkombëtare Kundër Abuzimit me Drogat dhe Trafikimit të Paligjshëm të tyre. Kjo ditë ka për qëllim të rrisë ndërgjegjësimin për rreziqet që sjell përdorimi i drogave dhe të inkurajojë një mënyrë jetese të shëndetshme.

Drogat ndikojnë negativisht në shëndetin fizik dhe mendor të njeriut, dëmtojnë familjen, shoqërinë dhe të ardhmen e të rinjve. Prandaj, edukimi, informimi dhe mbështetja e të rinjve janë mënyrat më të mira për të parandaluar këtë dukuri.

Në këtë ditë, iedhe shkolla jonë zhvilloi një aktivitetet sensibilizuese për të promovuar vlera pozitive, shëndetin dhe jetën pa varësi. Të gjithë së bashku duhet të kontribuojmë në krijimin e një shoqërie të sigurt, ku të rinjtë zgjedhin dijen, sportin dhe kulturën në vend të drogave.
Pasi që 31 maji ishte ditë e diel ne në shkollën tonë shënuam një aktivitet me nxënësit e klasëve 6-9. Në mbarl botën shënohet Dita Botërore Pa Duhan. Kjo ditë ka për qëllim të rrisë ndërgjegjësimin për dëmet që shkakton duhani dhe të inkurajojë njerëzit të zgjedhin një jetë më të shëndetshme.

Pirja e duhanit është një nga shkaktarët kryesorë të shumë sëmundjeve serioze, si sëmundjet e zemrës, mushkërive dhe disa lloje të kancerit. Përveç dëmit që i shkakton duhanpirësit, tymi i duhanit ndikon negativisht edhe te njerëzit përreth, veçanërisht te fëmijët dhe të moshuarit.

Të rinjtë duhet të informohen për pasojat e duhanit dhe të inkurajohen të zhvillojnë zakone të shëndetshme, si sporti, aktivitetet kulturore dhe kujdesi për shëndetin. Familja, shkolla dhe shoqëria kanë një rol të rëndësishëm në edukimin e brezave të rinj për të qëndruar larg duhanit.

Dita Botërore Pa Duhan na kujton se shëndeti është pasuria më e çmuar. Duke zgjedhur të mos pimë duhan, ne mbrojmë veten, familjen dhe mjedisin ku jetojmë.
Falemnderojmë arsimtarët Bekim Ibishi, Shkurte Halili dhe Selami Sherifi për këtë aktivitet me nxënës.
Qershor 2026

SHFMU “Esat Berisha”
Me rastin e festës së Abetares, një nga momentet më të rëndësishme për nxënësit e klasës së parë, sot shkolla jonë u vesh me ngjyrat e gëzimit dhe të festës, duke i mirëpritur në përmbylljen e një rrugëtimi të rëndësishëm mësimin e shkronjave të alfabetit të gjuhës shqipe.
Kjo ngjarje e shënuar sot tregon se nxënësit tanë kanë arritur me sukses të mësojnë shkronjat dhe të bëhen të pavarur në të ardhmen, duke lexuar e mësuar për gjërat që do të balkafaqohen në të ardhmen e tyre. Ata, ato me recitime e këngë për alfabetin treguan përpara prindërve se kanë mësuar të lidhin rrokjet, të formojnë fjalët e para dhe të lexojnë fjalitë që lidhin me dijen.
Falemnderojmë mësueset: Igballa Memini dhe Vjollca Xhemaili për punën, përkushtimin dhe angazhimin e tyre të palodhshëm!
Njëherit falemnderojmë prindërit për besimin, bashkupunimin dhe ndihmën e palodhur në këtë rrugëtim.
Edhe drejtori Nehat Shabani, i uroi nxënësve, prindërve dhe mësueseve festën e Abetares, duke iu uruar suksese të pa fundme në jetë. Urime Festa e Abetares !

https://www.facebook.com/share/p/1Ck3ZTj33T/?mibextid=wwXIfr

Sot, së bashku me nxënësit e shkollës sonë, zhvilluam një shëtitje edukative dhe rekreative në periferi të fshatit. Përmes kësaj aktiviteti, nxënësit patën mundësi të kalojnë kohë në natyrë, të njihen më mirë me ambientin përreth dhe të forcojnë shoqërinë e bashkëpunimin mes tyre. Momente të bukura, energji pozitive dhe kujtime të veçanta për të gjithë pjesëmarrësit.
Falemnderit të gjithë mësimdhënësit, nxënësit dhe prindërit për kujdesin dhe angazhimin që të kalojmë sa më mirë këtë ditë!
Maj 2026

https://www.facebook.com/share/p/18SVbdh8VG/?mibextid=wwXIfr

Urime Dita e Shkollës 15 Maji, për të gjithë nxënësit, mësimdhënësit, prindërit dhe stafin e shkollës sonë!
Kjo ditë na kujton punën, përkushtimin dhe sukseset që së bashku i kemi arritur ndër vite. Urojmë që shkolla jonë të vazhdojë të jetë vatër e dijes, edukimit dhe sukseseve të reja.

Gëzuar Ditën e Shkollës!
Drejtoria e shkollës
N. Sh.

SHFMU “Esat Berisha”
Llashticë
Në kuadër të aktiviteteve për nder të Ditës së shkollës, në Shkollën “Esat Berisha” u organizuan garat e Olimpiadës sportive me nxënësit e klasave 6–9. Aktiviteti u zhvillua në frymë sportive, bashkëpunimi dhe fair-play, ku nxënësit treguan talent, energji dhe përkushtim në disiplinat sportive.

Urime të gjithë pjesëmarrësve për angazhimin dhe sukseset e arritura në këtë ditë të veçantë për shkollën tonë !

Nxënësit më të dalluar që arritën rezultate në këto gara sportive do të shpërblehen për suksesin dhe angazhimin e tyre, në Ditën e shkollës.

Një falënderim i veçantë shkon për arsimtarin Selami, si dhe për të gjithë arsimtarët e tjerë që kontribuan dhe ndihmuan në organizimin dhe realizimin me sukses të kësaj Olimpiade sportive në shkollën “Esat Berisha”.
Maj 2026