Historiku i shkurtër i qendrës “Premium Education Center”
Nisma e parë për themelimin e një qendre përgatitore për nxënësit e rajonit të Gjilanit që kanë aspiruar të pranohen dhe të studiojnë në Fakultetin e Mjekësisë ka ardhur nga disa prind të nxënësve - maturantë të Gjimnazit “Zenel Hajdini” në Gjilan shumë vjet më parë. Kjo nismë u përkrah nga qarqet e arsimit të asaj kohe dhe atëbotë kursin e filluan 18 maturantë, kryesisht nga Gjimnazi “ Zenel Hajdini” dhe ndonjë syresh nga shkolla e mesme e mjekësisë “Dr. Asllan Elezi”. Rezultatet ishin frymëzuese, u pranuan të gjithë dhe thuhet se u thye rekordi i studentëve që ishin pranuar ndonjëherë në Fakultetin e Mjekësisë nga komuna e Gjilanit. Në vitet vijuese vijuan shumë kursantë të rregullt tanimë jo vetëm nga Gjilani por edhe nga Kamenica, Vitia, Presheva dhe Bujanovci ku pranueshmëria e nxënësve në Fakultetin e Mjekësisë ishte mbresëlënëse. Viteve vijuese ajo u rrit gjithnjë e më shumë dhe regjioni i Gjilanit shpeshherë merrte pjesë edhe deri me 30% të studentëve të pranuar në Fakultetin e Mjekësisë. Në këto rrethana, qendra ishte bërë e njohur edhe për komunat tjera të Kosovës dhe si rezultat i kërkesave të shumta në vitin shkollor 2019/2020 u hap edhe dega e qendrës amë, në Prishtinë, e cila me shpejtësi u masivizua dhe si rezultat në vitin 2022, në Fakultetin e Mjekësisë, drejtimi i Mjekësisë së përgjithshme u pranuan më tepër se 50% e numrit të studentëve nga qendrat tona. Studentët që dolën nga qendrat tona jo vetëm se ishin në numër më të madh por edhe kualitativisht ishin me suksese të larta, kanë diplomuar në afate rekorde, shumica syresh me notë mesatare të shkëlqyeshme. Përpos kësaj mund të krenohemi se një numër i tyre janë pedagog në Universitetin e Prishtinës por edhe nëpër universitete të evropës perëndimore, pastaj numër i madhë i tyre janë mjek - specialist të shquar si brenda vendit tonë ashtu edhe nëpër klinika të rëndësishme të Evropës perëndimore, SHBA-së, Kanadasë, Australisë e më gjërë. Këtë vit planifikojmë të angazhojmë staf të ri, të gjithë Profesorë universitar me grada të larta shkencore (Dr.sc), me integritet të lartë profesional e njerëzor e me arritje të shkëlqyeshme në rezultatet e tyre shkencore e pedagogjike.
