Qendra e Karrieres IAAP Mehmet Isai Gjilan

📚 Në kuadër të aktiviteteve të Qendrës së Karrierës dhe programit “Dyert e Hapura”,gjatë periudhës mars–maj,shkolla jonë Shkolla e Mesme Teknike "Mehmet Isai" Gjilan mirëpriti nxënësit e klasave të 9-ta nga shumë shkolla të rajonit.
Gjatë vizitave,nxënësit patën mundësinë të njihen nga afër me kabinetet,drejtimet mësimore dhe aktivitetet që zhvillohen në shkollën tonë,duke i ndihmuar ata në orientimin e tyre për zgjedhjen e shkollimit të mëtejmë.

Shkollat pjesëmarrëse ishin: Thimi Mitko,Musa Zajmi,Selami Hallaçi, Abaz Ajeti,Sadullah Brestovci,Rexhep Elmazi,Zija Shemsiu,Nazmi Hoxha,Hanumshahe dhe Tefik Zymberi (Pasjak),Mulla Idris Gjilani (Velekincë),Dëshmorët e Kombit (Livoç i Ulët),Avdullah Tahiri (Malishevë),Skënderbeu (Përlepnicë) dhe Esat Berisha (Llashticë).

Faleminderit Drejtorëve,mësimdhënësve dhe nxënësve të shkollave për bashkëpunimin dhe interesimin e treguar.

Faleminderit SHFMU "Selami Hallaçi" Gjilan për vizitën e realizuar në shkollën tonë!
Ishte kënaqësi të mirëpresim nxënësit e klasëve te 9-ta të cilët patën mundësinë të shohin nga afër kabinetet,punëtoritë dhe ambientet e shkollës sonë.
Falemnderim i vecantë për mësimdhënësit shoqërues të SHFMU''Selami Hallaqi'',ku disiplina,korrektësia dhe bashkëpunimi i treguar janë dëshmi e punës suaj të palodhshme me nxënësit .
Ishte kënaqësi të ju kemi në mesin tonë !
Ju mirëpresim gjithmonë !

Në një atmosferë mikpritëse dhe bashkëpunuese, shkolla jonë teknike "Mehmet Isai"hapi dyert për nxënësit e klasave të 9-ta të SHFMU ''Thimi Mitko'' Gjilan .
Gjatë kësaj vizite,ata patën mundesinë të njihen nga afër me ambientet e shkollës,të vizitojnë kabinetet mësimore dhe të informohen më shumë rreth profileve që ofron shkolla jonë.
Kjo pervojë i ndihmon ata të krijojnë një pasqyrë më të qartë për orientimin e tyre në karrierë dhe zgjedhjet e ardhshme.

Cdo zgjedhje që bëni sot,ndërton profesionin tuaj të së ardhmës !

Në kuadër të 21 Marsit - Ditës Ndërkombëtare
të Sindromës Down , në Qendrën e Karrierës IAAP''Mehmet Isai'' u
realizua një aktivitet sensibilizues nga këshilltarët Florida Dërmaku , Rabit Miftari , Xhelil Haziri dhe psikologia e shkollës Gojarta Neziri .
Gjatë këtij aktiviteti , nxënësit u informuan mё
shumë rreth kësaj dite me rendësi dhe mesazhit
që ajo percjell per barazi , dashuri dhe
gjithëperfshirje . Në permbyllje , ata shprehën
mendimet dhe urimet e tyre duke shkruar fjalë
të bukura në kartolina të përgatitura nga persona me Sindromën Down.
Aktiviteti vazhdoi me nje vizitë në Qendrën e
Sindromes Down , ku u takuam me persona të
mrekullueshem dhe kaluam çaste të
paharrueshme , plot buzegeshje dhe emocione
pozitive.
Se bashku mund të ndërtojmë një shoqëri më të
ndjeshme dhe më perfshirese për të gjithë .

Nxënësit e shkollës sonë realizuan një vizitë në Qendrën për Aftësim Profesional (QAP) , ku patën mundësinë të njihen nga afër me programet dhe mundësitë që kjo qendër ofron për të rinjtë .

Gjatë kësaj vizite , nxënësit u informuan për drejtimet dhe trajnimet profesionale , kushtet e mësimit praktik si dhe mundësitë që këto aftësime ofrojnë për zhvillimin e karrierës dhe përgatitjen për tregun e punës .

Kjo vizitë ishte një përvojë shumë e vlefshme për nxënësit, pasi i ndihmoi ata të kuptojnë më mirë rëndësinë e aftësimit profesional dhe të eksplorojnë mundësi të reja për të ardhmen e tyre profesionale .

Në Qendrën e Karrierës IAAP '' Mehmet Isai '' u realizua aktiviteti këshillues me nxënësit e klasave të 12-ta , ku ata patën mundësinë të plotësojnë testin e interesave profesionale RIASEC.
Ky test i ndihmon nxënësit të njohin më mirë prirjet , interesat dhe potencialin e tyre , duke u orientuar më qartë drejt zgjedhjes së studimeve dhe profesionit të ardhshëm . Aktiviteti u zhvillua në një frymë bashkëpunimi dhe reflektimi , me pjesëmarrje aktive të nxënësve .

Sot , në bashkëpunim me partnerët tanë , u zhvillua një ligjëratë me nxënësit e klasave të 11-ta , e fokusuar në rëndësinë e përfshirjes së hershme të të rinjve në përvoja praktike dhe profesionale gjatë shkollimit të mesëm.

👩‍💻👨‍💻 Nxënësit u informuan për mundësitë e zhvillimit të aftësive konkrete , punën mbi situata reale nga industria dhe përgatitjen graduale për tregun e punës , duke ndërtuar baza të forta për karrierën e tyre të ardhshme.

🤝 Qendra e Karrierës mbetet e përkushtuar në krijimin e urave mes shkollës dhe botës së punës , duke mbështetur çdo iniciativë që fuqizon të rinjtë dhe potencialin e tyre profesional.

Faleminderit për bashkëpunimin Ricloud Academy !!

📣 Lajm i mirë për shkollën tonë !

Sot , shkolla jonë IAAP “Mehmet Isai” nënshkroi një kontratë bashkëpunimi me JCoders për realizimin e projektit MVP, nga i cili do të përfitojnë drejtpërdrejt nxënësit e shkollës sonë .
🎓 Në kuadër të këtij bashkëpunimi, JCoders do të ndajë 20 bursa për nxënësit e shkollës sonë – një mundësi e jashtëzakonshme për zhvillim, mësim dhe inovacion në fushën e teknologjisë.

🙏 Faleminderim i veçantë për JCoders për besimin dhe mbështetjen e vazhdueshme ndaj shkollës sonë dhe të rinjve tanë.

Bashkë krijojmë mundësi të reja për të ardhmen !

Sot ne Qendren e Karrieres IAAP ''Mehmet Isai'' , me nxenesit e programit te Mesimit Dual zhvilluam nje sesion shume te vlefshem mbi hartimin e CV-se profesionale .
Diskutuam mbi rendesine e pergatitjes se nje CV-je te qarte , te strukturuar dhe perfaqesuese .
Qellimi yne eshte qe secili nxenes te jete me i pergatitur per tregun e punes , dhe te ndertoje nje profil profesional te forte .

Sot, Shkolla e Mesme Teknike “Mehmet Isai” – Gjilan dhe Future Minds Academy nënshkruan marrëveshjen e bashkëpunimit për zhvillimin e programit Mësimi në Vend të Punës.

Ky partneritet shënon hapin e parë drejt iniciativës “Future Minds Innovation Center”, ku nxënësit tanë do të kenë mundësinë të angazhohen praktikisht në krijimin e produkteve inovative dhe t’i ekspozojnë ato në tregun online.

Kjo nismë synon të lidhë arsimin profesional me botën reale të punës, duke përgatitur të rinjtë për sfidat e ekonomisë moderne dhe tregut digjital.

Një falënderim i veçantë për kompaninë Future Minds Academy për mbështetjen, bashkëpunimin dhe kontributin e çmuar në zhvillimin profesional të nxënësve tanë dhe në forcimin e lidhjes ndërmjet shkollës dhe tregut të punës.

Një ditë e veçantë që shënon fillimin e një bashkëpunimi frytdhënës për zhvillimin e talenteve të rinj!