SHFMU "Agim Ramadani" Zhegër

Faleminderim

Me ndjenja të thella mirënjohjeje dhe respekt të veçantë, shpreh falënderimet e mia më të sinqerta për Shtëpinë Botuese Dukagjini, e cila me bujarinë, besimin dhe mbështetjen e saj financiare bëri të mundur realizimin e revistës sonë “9 Yjet”.

Një falënderim i veçantë i takon znj. Kreshnike Bruqi, e cila me përkushtimin dhe gatishmërinë e saj u bë urë lidhëse e rëndësishme në bashkëpunimin ndërmjet meje dhe Shtëpisë Botuese Dukagjini. Mbështetja, besimi dhe angazhimi i saj ishin të çmuara në realizimin e këtij projekti.

Po ashtu, shpreh mirënjohjen time të thellë për drejtorin e shkollës Z. Rrahman Agushi dhe veçanërisht zëvendësdrejtorin e shkollës Z. Sami Kadriu, të cilët me mbështetjen, inkurajimin dhe bashkëpunimin e tyre u bënë një urë e fortë lidhëse në këtë rrugëtim, duke krijuar mundësi që kjo ide të shndërrohet në realitet.

Në emër timin, nxënësve dhe të gjithë atyre që kontribuan në këtë revistë, ju falënderoj përzemërsisht për besimin dhe përkrahjen tuaj. Kontributi juaj do të mbetet një frymëzim dhe një dëshmi se bashkëpunimi dhe vullneti i mirë sjellin rezultate të vyera.

Me urimin që ky bashkëpunim të vazhdojë edhe në të ardhmen, ju shpreh respektin dhe mirënjohjen time më të sinqertë.

Me respekt të veçantë dhe mirënjohje të pafund,

Dashmire Ymeri , MSc.

Sot, shkollën tonë “Agim Ramadani” e vizituan përfaqësues nga Drejtoria për Mbrojtje dhe Shpëtim e Komunës së Gjilanit, Njësia e Zjarrfikësve dhe Shpëtimit si dhe Kryqi i Kuq i Kosovës – Dega Gjilan.
Gjatë vizitës, nxënësit u informuan për rëndësinë e parandalimit të zjarreve, masat e sigurisë dhe veprimet që duhet të ndërmerren në raste emergjente. Aktiviteti ishte edukativ dhe shumë i dobishëm për nxënësit, duke ndihmuar në rritjen e vetëdijes për mbrojtjen e jetës dhe mjedisit.

Më 1 Qershor, në Ditën Ndërkombëtare të Fëmijëve, nxënësit e klasave të para festuan edhe një nga momentet më të rëndësishme të rrugëtimit të tyre shkollor – përfundimin e Abetares.
Me buzëqeshje, këngë,valle,recitime dhe shumë emocione, fëmijët treguan njohuritë e fituara gjatë këtij viti, duke e shndërruar këtë ditë në një festë të dyfishtë: festën e fëmijërisë dhe festën e dijes.
Jemi krenarë për secilin prej tyre dhe u urojmë shumë suksese në hapat e ardhshëm të rrugëtimit shkollor. Falënderojmë prindërit për mbështetjen dhe bashkëpunimin e vazhdueshëm.
Falënderim i veçantë për mësueset e klasave të para:
Rahime Kadriu ,Besarta Dërmaku Haziri,Erza Idrizi Maliqi të cilat me përkushtim, durim dhe dashuri i udhëhoqën nxënësit në hapat e tyre të parë drejt dijes. 📚
Respekt!

SHFMU “Agim Ramadani”-Zhegër/ paralelja Lladovë.
Festa e Abetares na dhuroi emocione të veçanta. Edhe pse ishin pak nxënës, ata dëshmuan se zemrat e mëdha nuk maten me numra. Me buzëqeshjet, guximin dhe talentin e tyre, ata na bënë krenarë dhe e zbukuruan këtë ditë me performancë të mrekullueshme.

Urime fëmijëve tanë të vegjël me zemër të madhe për këtë rrugëtim të bukur drejt dijes! 📚❤️
Mësuese: Sadete Basha

Sot me datë 13.5.2026, e mërkurë, Policia e Kosovës, dega në Gjilan, kanë ligjëruar për sigirinë e nxënësve në shkollë, komunikacion dhe në të gjitha vendet ku ndodhen fëmijët. Kjo ligjëratë iu dedikua nxënësve të klasëve 1-5. Pas kryerjes së ligjëratës për sigurinë e nxënësve kudo që ndodhen, pasuan edhe shumë pyetje nga ana e nxënësve për sigurinë në jetën e përditshme për Policinë e Kosovës.
Andaj, Drejtoria e shkollës i falemnderon Policinë e Kosovës lidhur me aktivitetin e tyre në shkollë.
Me respekt,
Drejtoria e SHFMU “Agim Ramadani” në Zhegër.

Drejtoria dhe stafi i shkollës shprehin mirënjohjen dhe falënderimin e sinqertë për donatorin Ukë Salihu për realizimin e këtyre dy veprave madhështore, të cilat kontribuojnë dukshëm në pasurimin dhe përmirësimin e ambientit edukativo-arsimor, si dhe zënë një vend të rëndësishëm në historinë tonë.

Me respekt,
Drejtoria e shkollës

Nxënëset e shkollës sonë :Jorë Haliti e cila zuri vendin e parë,së bashku me Laerta Haziri,Lauresa Dauti,Lauresa Limoni dhe Melinda Rrustemi në Olimpiadën Mbarëkombëtare të Gjuhës Shqipe – Faza II, në nivel komunal do ta përfaqësojnë Komunën e Gjilanit në nivel Republikan në Fazën e III-të e cila do të mbahet me 9 Maj në Prishtinë. Përgëzime për punën dhe talentin e treguar!
Gjithashtu, falënderojmë përzemërsisht arsimtarët lëndës së Gjuhës Shqipe Jehonë Avdiu-Bunjaku dhe Bardhyl Hajrullahu për mentorimin dhe angazhimin e tyre profesional drejt këtij suksesi. Shëndet e suksese nga Drejtoria e Shkollës!

Në kuadër të shënimit të Ditës Botërore të Librit, shkolla jonë pati kënaqësinë të mirëpresë përfaqësuesit e Shtëpisë Botuese “Beqir Musliu”, të cilët vizituan shkollën tonë. Me këtë rast, u dhuruan tituj të ndryshëm të autorëve shqiptarë dhe të huaj, duke pasuruar fondin e bibliotekës sonë shkollore. Drejtori dhe zëvendësdrejtori mirëpritën inicativën dhe shprehën vlerësimin për këtë kontribut të çmuar kulturor.
Këtë aktivitet e inicoi psikologia e shkollës, Linditë Dushku, e cila ishte e përfshirë si shkrimtare dhe anëtare e redaksisë së shtëpisë botuese “Beqir Musliu”, si dhe si koordinatore e grupit të nxënësve të cilët orankzuan pritjen bashkë me drejtorinë e shkollë. Musafirët i përshëndetën dhe faleminderuan edhe mësimdhënësit e gjuhës shqipe, Bardhyl Harjullahu, Erenisa Emërllahu-Ademi, Jehona Avdili, si dhe mësimdhënësit Musli Kadriu mësimdhënës i gjuhës angleze, Doruntinë Matoshi-mësimdhënëse e artit.

Nxënësit përgatitën një pritje simbolike me kartolinë, çokollatë në formë medaljeje dhe një trëndafil; duke rikthyer traditën e Spanjës, vendi ku u themelua Dita Botërore e Librit, ku lexuesit që blinin një libër merrnin një trëndafil.
Si aktivitet krijues, psikologia e shkollës së bashku me grupin e nxënësve realizuan edhe një libër prej kartoni, i cili u ekspozua në ambientet e shkollës si simbol i rëndësisë që libri ka në jetën e fëmijëve dhe të gjithë komunitetit shkollor. Brenda tij ishte përfshirë edhe një fragment i veçantë nga romani “Princi i Vogël”. Të shkrimtarit Frances Antoine de Saint-Exupéry.

Ky aktivitet solli mesazh të qartë: libri vazhdon të jetë dritë, frymëzim dhe urë që lidh brezat me dijen, kulturën dhe botën e imagjinatës.

Ndikimi psikologjik i aktivitetit
Një aktivizim i tillë ka vlerë të veçantë psikologjike për nxënësit. Përveç formimit kulturor dhe pasurimit me dije, ai ndikon pozitivisht në: Rritjen e motivimit për të lexuar dhe për t’u angazhuar më shumë me librin si burim zhvillimi personal. Zhvillimin emocional, pasi leximi dhe kontakti me autorët i ndihmon të kuptojnë më mirë ndjenjat, veten dhe të tjerët. Rritjen e vetëbesimit, duke u dhënë hapësirë të prezantojnë punimet e tyre, të organizojnë aktivitete dhe të ndihen pjesë e diçkaje me vlerë. Socializimin dhe punën në grup, sepse nxënësit bashkëpunojnë për të realizuar ide kreative (si libri prej kartoni) dhe për të përgatitur pritjen. Ndjenjën e përkatësisë, duke i lidhur më fort me shkollën, bibliotekën dhe kulturën e leximit. Stimulimin e imagjinatës dhe krijimtarisë, të cilat janë procese thelbësore për shëndetin mendor dhe zhvillimin njohës. Në këtë mënyrë, aktivitete të tilla nuk janë vetëm kulturore-ato shërbejnë si investim i drejtpërdrejtë në mirëqenien emocionale dhe zhvillimin psikosocial të nxënësve.

Ps * Librin prej kartoni e punuan nxënësit:

Aldon Zeqri, Lauresa Dauti, Lauresa Limoni, Laerta Haziri, Alea Limoni, Linditë Dushku – psikologe e shkollës

Shkrimin e përgaditi
Linditë Dushku