Hello Kopshti i femijeve

Udhëtimi i fundit si parashkollorë 🌟

Sot, të dy grupet e parashkollorëve shijuan ekskursionin e tyre të fundit së bashku me edukatoret, duke përmbyllur me sukses këtë etapë të bukur të parashkollorit.

Ata vizituan DeepSpace, ku nga afër përjetuan mrekullitë e universit, Diellin, sistemin diellor, ujin dhe valët e detit. Më pas vazhduan argëtimin në parkun e Gërmisë, duke kaluar momente të këndshme në natyrën e gjelbëruar dhe përrallore.

Me shumë emocione po mbyllin një kapitull të rëndësishëm të fëmijërisë dhe po nisin një rrugë të re drejt dijes.

Urojmë që çdo hap i tyre në klasën e parë të jetë i mbushur me suksese, buzëqeshje dhe ëndrra të realizuara. 📚❤️✨

Gëzuar 1 Qershorin, festa më e ëmbël e fëmijëve! 🌈🎈

Prezantimi i programit të shkollës për grupet parashkollore

Në praninë e prindërve të grupit parashkollor u prezantua programi i shkollës Hello për klasën e parë.

Mësuesja Merita prezantoi historikun e shkollës, rrugëtimin dhe zhvillimin e saj ndër vite. Psikologia Elma foli për rëndësinë e vlerësimit të fëmijëve dhe rolin e tij në përgatitjen për klasën e parë.

Edukatoret prezantuan arritjet e fëmijëve gjatë këtij viti dhe aktivitetet që i presin deri në përfundim të vitit parashkollor.

Takimi u përmbyll me një diskutim të hapur rreth klasës së parë dhe mësimdhënësve që do t’i mirëpresin nxënësit në këtë etapë të re të edukimit të tyre.

Së shpejti do të bëhen të ditur edhe emrat e mësimdhënësve të klasave të para. 🌟📚

Motorika fine

Një ditë si blertare,
me aromë pranvere në flokë,
me buzëqeshje që çel lule
edhe në zemrat më të ftohta. 🌿✨

Një super projekt!

Teatri i Qytetit, në bashkëpunim me Shkollën Hello, sjell një shfaqje të veçantë për fëmijë.

Me një ekip shumë profesional, nxënësit tanë kanë punuar intensivisht për një muaj në këtë projekt.

Falënderojmë nxënësit për përkushtimin, ekipin për profesionalizmin, si dhe Teatrin e Qytetit për bashkëpunimin.

Ju presim të shtunën në një super shfaqje!