Kolegji Arbëri

Biblioteka e Kolegjit ARBËRI, pasurohet me disa tituj

Profesori Ruzhdi Jashari, gjatë vizitës së tij pas përfundimit të semestrit dimëror, ka sjellur edhe disa libra të tij si dhuratë për bibliotekën e institucionit.
Prof. Jashari është pritur nga Kordinatori Alban Hyseni si dhe është faleminderuar për kontributin e tij në cilësi të ligjëruesit e po ashtu edhe për dhurimin e librave.

Bashkëpunimi jonë me stafin akademik dhe personalitete te shquara është duke u rritur çdo ditë.
I jemi faleminderues secilit prej jush staf i nderuar.

Kolegji ARBËRI është duke dhënë shembull për cilësi, bashkëpunim dhe infrastrukturë për studentët e së ardhmes.

NJOFTIM
paraqitja e provimeve për afatin e Prillit

SESION INFORMATIV RRETH NDIHMËS JURIDIKE

Në bashkëpunim mes Kolegjit ARBËRI, UBT, CLARD, Institucionit të Avokatit të Popullit, Odën e Avokatëve të Kosovës si dhe Njësisë për Ndihmë Juridike Falas (zyra rajonale e Gjilanit) dhe në kuadër të projektit Ndihma Juridike, përkrahur nga UNDP, është realizuar një sesion informativ me studentët e fakultetit juridik, studentë të tjerë të interesuar si dhe të ftuar e pjesëmarrës të tjerë.

Pjesëmarrës në cilësi të panelistëve, në këtë organizim ishin: z. Mehdi Geci - Zëvendës Avokati i Popullit, Drejtori i Odës së Avokatëve të Kosovës z. Florim Shefqeti, Këshilltari Ligjor pranë OJQ CLARD z. Anton Nrecaj si dhe Kordinatori i qendrës së UBT në Gjilan z. Alban Hyseni. Pjesëmarrës ishte edhe përfaqësuesi i njësisë për ndihmë juridike falas (zyra rajonale e Gjilanit) z. Sadulla Salihu.

Studentët dhe të pranishmit u informuan për Kornizën ligjore të ndihmës juridike, qasjen në drejtësi, rolin e Avokatit të Popullit. Po ashtu, studentët u informuan edhe nga panelistët e tjerë lidhur me rolin dhe punën e Avokatëve në Kosovë, obligimet dhe punët e realizuara nga avokatët. Z. Nrecaj prezentoi dhe elaboroi edhe punën dhe angazhimin e vazhdueshëm të CLARD lidhur me ndihmën juridike dhe nevojën e qytetarëve për të pasur informacione lidhur me qasjen e tyre në drejtësi. Po ashtu, z. Salihu informoi të pranishmit edhe lidhur me qasjen dhe shërbimet që ofrohen në zyrën rajonale për ndihmë juridike falas në Gjilan.

Pas përfundimit të prezentimit nga panelistët, studentët dhe të pranishmit parashtruarn pyetje dhe komente të ndryshme lidhur me ndihmën juridike si një nga temat e pak diskutuara dhe me shumë nevoj për promovim mes qytetarëve.

Apliko për punësim sezonal në Odën e Avokatëve të Kosovës, në kuadër të projektit Drejtësia Vlen.

Organizata jo-qeveritare “National Center for State Courts (NCSC)” ofron mundësi për punë praktike me
pagesë për deri në 4 studentë apo të diplomuar të fakulteteve juridike të akredituara në Kosovë. Mundësia
për punë praktike është e hapur në kuadër të Programit “Drejtësia vlen” dhe puna realizohët në degën
regjionale të Odës së Avokatëve të Kosovës (OAK) në Prishtinë apo në ndonjë institucion tjetër partner të
Programit. Kohëzgjatja e punës është gjashtë (6) muaj, me mundësi vazhdimi.

Për detaje tjera, shih në:

oak-ks.org

11 vjet shtet
Kosova, nder dhe detyrë

Mbahet seancë e simuluar gjyqësore nga studentët e fakultetit Juridik me moton “Të mbrojmë të drejtën e gruar në pronë dhe trashëgimi”

Studentët e vitit të tretë, të fakultetit Juridik në Kolegjin ARBËRI, kanë mbajtur një seancë të simuluar gjyqësore. Kjo seancë është organizuar në kaudër të lëndës E drejta e procedurës civile – kontestimore, ku bartëse e lëndës është prof. Egzona Osmanaj.
Ky organizim, është mbajtur me qëllim të ballafaqimit të studentëve në praktikë me njohuritë e fituara teorike. Pra, përveç orëve të shumta të kushtuara kësaj lënde në aspektin teorik, studentët kanë mbajtur me dhjetra orë përgaditje për seancën e simuluar, të cilën e kanë mbajtur disa ditë më parë. Gërshetimi i njohurive teorike me ato praktike, është elementi që e bënë të dalluar Kolegjin ARBËRI nga institucionet tjera.
Në të njejtën kohë, kjo ligjëratë, me temën dhe moton e saj, ishte edhe më shumë se vetëm me qëllim studies. Senaca është edhe një thirrje për sensibilizim të shoqërisë lidhur me pronën dhe trashëgimin për gjininë femërore.

Të pranishëm në këtë organizim, përveç studentëve dhe stafit akademik, kishte edhe shumë të ftuar nga institucionet publike dhe organizata joqeveritare, puna e të cilëve ndërlidhet me fushën e arsimit, drejtësisë dhe të drejtave të njeriut.

NJOFTIM
paraqitja e provimeve për afatin e shkurtit

Studentët e fakultetit ekonomik, takojnë Kryetarin e Odës Ekonomike Rajonale të Gjilanit

Studentët e vitit të II të Fakultetit Ekonomik (programi Menaxhment) bashkë me Drejtorin e Kolegjit Alban Hyseni, janë takuar me Kryetarin e Odës Ekonomike Rajonale të Gjilanit z. Ibrahim Tahiri.
Kryetari Tahiri njoftoi studentët për punën, aktivitetin, organizimin dhe planet e Odës Ekonomike në përgjithësi dhe asaj Rajonale të Gjilanit në veçanti.

Drejtori Hyseni paralajmëroi studentët se nga semestri i ardhshëm i këtij viti akademik, në bashkëpunim me Odën Ekonomike studentët do të ndjekin praktikën në biznese të ndryshme përgjatë gjith semestrit veror.

Së shpejti pritet edhe takimi mes Odës Ekonomike dhe Kolegjit me qëllim të formalizimit të këtij bashkëpunimi.

Përgaditjet finale për seancën e simuluar në Procedurë Civile Kontestimore nga studentët e vitit të 3, të fakultetit Juridik.
Falemderim i veçantë për profesoreshën Egzona Osmanaj, për punën dhe angazhimin e saj të palodhur.

Studentët e fakultetit Ekonomik (viti i III-të) të Kolegjit ARBËRI, vizituan kompaninë e kontabilitetit Buli-Kont

Studentët e fakultetit ekonomik kanë realizuar një vizitë studimore në kompaninë e kontabilitetit Buli-Kont. Ata u pritën nga Dr.sc. Burhan Rexhepi dhe gjatë vizitës janë informuar për së afërmi me procesin e kontabilitetit.
Përveç kësaj, studentët janë familjarizuar edhe me nevojat teknike për realizimin e punës së kontabilistit me qëllim që profesionalizmi të jetë gjithmonë qëllimi primar. në këtë mënyrë, studentët kishin mundësi të shihnin një program të specializuar për kontabilitet si dhe të përcjellin nga afër disa çështje e procese të ndërlidhura me kontabilitet.
Vizitat e tilla kanë për qëllim implementimin praktik të mësimnxënjes teorike e po ashtu edhe motivimin dhe orientimin e studentëve në fusha të caktuara.

Studentët e fakultetit Juridik, pas përfundimit të praktikës profesionale u pritën në takim nga Kordinatori/Drejtori i Kolegjit ARBËRI dhe UBT në Gjilan LLM Alban Hyseni

Studentët e fakultetit Juridik të Kolegjit ARBËRI në Gjilan, sot kanë përfunduar edhe zyrtarisht praktikën profesionalë ne Gjykatën Themelore të Gjilanit. Juristët e diplomuar, sot janë paisur edhe me Çertifikata mbi përfundimin e praktikës profesionale 1 vjeçare, me çrast kanë treguar rezultate shumë të larta, duke treguar edhe për seriozitetin në punën që kanë bërë gjatë studimeve.
Pjesëmarrës në praktikën profesionale si dhe ata që përfunduan këtë praktikë janë: Elbasan Alidema, Arbresha Tahiri, Egzona Maloku, Merita Fetinci, Agron Rash*ti, Selami Halili, Elbasan Salihu, Faton Ahmeti, Isuf Canaj etj.
Në emër të të gjithë kolegëve, studentët e pranishëm faleminderuan institucionin për përkrahjen, angazhimin dhe mundësitë e shumta të ofruara me qëllim të përvetësimit të aftësive të tyre.
Ata po ashtu ndan përvojën e tyre të jashtëzakonshme një vjeçare në Gjykatën Themelore të Gjilanit, si dhe treguan për rëndësinë e praktikës, si mundsi gërshetimi i pjesës teorike të zotëruar në Kolegjin ARBËRI me praktikën e realizuar në Gjykatë.
Planet e këtyre studentëve tani janë në realizim e sipër. Ata planifikojnë që të hapin zyrë juridike me qëllim të ofrimit të shërbimeve profesionale për qytetarët e Gjilanit.

Kolegji ARBËRI u dëshiron suksese në jetën profesionale. Po ashtu, u bëjmë thirrje të gjithë të interesuarve për regjistrim dhe transferim në Kolegjin ARBËRI që të shfrytëzojnë mundësinë për të përfituar studime cilësorë dhe me standard ndërkombëtare.

Disa momente nga Vizita në Akademinë e Kosovës për Siguri Publike