Shkolla Hello Academy of Education

4 vite, 4 udhëtime të ndryshme, mijëra kujtime! 🏞️🏛️🗺️🚶‍♂️🌿

Nga fshati në qytet, nga mali në fushë, nga bota moderne në atë të së kaluarës – këto janë përvojat që nxënësit tanë përjetojnë gjatë 4 viteve në Hello.

🐴 Klasa e parë vizitoi fshatin turistik, ku u njoh nga afër me kafshët, ushqimin tradicional dhe shijoi kalërimin me qerre.

🌍 Klasa e dytë, pas aventurës në Parkun e Gërmisë, vizitoi Deep Space, ku përjetoi në 3D planetet, detin, diellin dhe shumë pamje mahnitëse.

🧗‍♂️ Klasa e tretë shijoi bukuritë e Pejës, e në veçanti Parkun e Aventurave, ku zhvilloi aftësitë fizike dhe argëtuese duke u sfiduar në nivele të ndryshme.

🏰 Klasa e katërt u njoh me historinë e Kosovës përmes vizitave në Prekaz dhe Prizren, si dhe shijoi bukuritë natyrore të Ujëvarave të Mirushës dhe Kalasë së Prizrenit.

✨ Në Hello, çdo ekskursion është më shumë se një udhëtim – është një mësim, një aventurë dhe një kujtim që mbetet përjetë. 🌟💚

Njihuni me Mësimdhënësen e Klasës së Parë

Florentina Ademi është e diplomuar në Universitetin Publik “Kadri Zeka” në Gjilan, në programin e Arsimit Fillor. Me pasion për edukimin dhe zhvillimin e brezave të rinj, ajo ka zgjedhur profesionin e mësimdhënies me bindjen se çdo fëmijë meriton një arsim cilësor, mbështetje të vazhdueshme dhe mundësi për të zhvilluar potencialin e tij.

Gjatë formimit të saj profesional, Florentina ka realizuar tri praktika profesionale në shkolla të ndryshme, ku ka fituar përvojë të vlefshme në planifikimin dhe zhvillimin e procesit mësimor, si dhe në bashkëpunimin me nxënës, mësimdhënës dhe prindër. Këto përvoja kanë ndikuar në zhvillimin e aftësive të saj pedagogjike dhe profesionale.

Përveç praktikave, ajo ka një vit të plotë përvojë pune në shkollën “Hello Academy of Education”, ku ka qenë e angazhuar drejtpërdrejt në mësimdhënie dhe në krijimin e një mjedisi të përshtatshëm për të nxënit. Kjo përvojë i ka mundësuar të forcojë më tej kompetencat e saj profesionale dhe të kuptojë më mirë nevojat individuale të nxënësve.

Florentina beson se një mësimdhënës i mirë nuk është vetëm bartës i dijes, por edhe udhërrëfyes, motivues dhe mbështetës i fëmijëve në rrugëtimin e tyre edukativ. Ajo synon të krijojë një atmosferë pozitive, të ngrohtë dhe gjithëpërfshirëse në klasë, ku secili nxënës të ndihet i respektuar, i vlerësuar dhe i inkurajuar për të arritur sukses.

Me përkushtim, përgjegjësi dhe dashuri për profesionin, Florentina vazhdon të punojë për të ndihmuar nxënësit të zhvillojnë njohuritë, aftësitë dhe vlerat që do t’u shërbejnë gjatë gjithë jetës.

🏆 Super suksese në Matematikë gjatë këtyre dy javëve! 🏆

Në garën komunale të matematikës për klasat V dhe VI, nxënësit tanë arritën rezultate të shkëlqyera:

🥈 Alfa Kurteshi – vendi i dytë në komunë, kategoria e klasave të gjashta.
🥈 Drinos Abazi – vendi i dytë në komunë, kategoria e klasave të pesta.
🏅 Diell Poroshtica – vendi i katërt në komunë, kategoria e klasave të pesta.

Pas këtij suksesi, ata vazhduan garimin edhe në Kupën e Anamoravës në Matematikë, ku nxënësit tanë u renditën në vendet 6 dhe 7.

Një falënderim i veçantë shkon për të gjithë mësimdhënësit që kanë punuar me përkushtim me nxënësit, e sidomos për mësuesen dhe koordinatoren Blerta Ismaili për angazhimin dhe mbështetjen e vazhdueshme.

Këto rezultate dëshmojnë se cilësia e shkollës sonë reflektohet edhe në gara të ndryshme akademike.

👏 Urime nxënësve dhe mësimdhënësve për këtë sukses! 👏

Spelling Bee – Aktiviteti i radhës në Gjuhën Angleze 🇬🇧🐝

Si çdo vit, edhe këtë vit shkolla jonë organizoi garën tradicionale Spelling Bee, një aktivitet që synon zhvillimin e shkathtësive gjuhësore dhe pasurimin e fjalorit në gjuhën angleze.

Gara fillimisht u zhvillua brenda klasave, ku u përzgjodhën 3–4 nxënësit më të suksesshëm nga secila klasë. Më pas, ata morën pjesë në garën finale, duke përfaqësuar klasat e tyre para bashkëmoshatarëve.

E veçanta e këtij viti ishte se gara ishte e hapur edhe për nxënësit e shkollave të tjera, duke krijuar një atmosferë edhe më konkurruese dhe motivuese.

Për fituesit u ndanë mirënjohje dhe kufje (headphones) si shpërblim për angazhimin dhe suksesin e treguar.

Falënderojmë të gjithë nxënësit për pjesëmarrjen dhe përkushtimin e tyre, si dhe stafin e shkollës për organizimin dhe bashkëpunimin e shkëlqyer në realizimin e këtij aktiviteti.

Urime të gjithë pjesëmarrësve dhe fituesve! 👏📚✨

Njihuni me Mësimdhënësen e Klasës së Parë

Elsa Matoshi është e diplomuar në nivelin Bachelor në Universitetin “Kadri Zeka” në Gjilan, me notë mesatare 9.52. Ajo beson se edukimi është themeli i zhvillimit të individit dhe shoqërisë, prandaj ka zgjedhur ta ndjekë profesionin e mësueses me përgjegjësi, përkushtim dhe dëshirë për të sjellë ndryshime pozitive në jetën e nxënësve.

Gjatë studimeve, Elsa ka treguar rezultate të larta akademike, duke qenë përfituese e bursave komunale, universitare dhe elitare për tre vite radhazi. Këto arritje pasqyrojnë përkushtimin e saj ndaj dijes, disiplinën në punë dhe vullnetin për zhvillim të vazhdueshëm profesional.

Si mësuese e ardhshme, ajo synon të krijojë një mjedis mësimor pozitiv, motivues dhe gjithëpërfshirës, ku çdo nxënës të ndihet i vlerësuar, i mbështetur dhe i frymëzuar për të arritur potencialin e tij të plotë.

Me eksperiencë në fushën e mësimdhënies, gjatë praktikave në 3 shkolla publike dhe tanimë 1 vit zëvendësim në shkollën “Hello Academy of Education”.

⭐️⭐️⭐️TEATRI MAGJIK I FËMIJËVE ⭐️⭐️⭐️

🎭 PREMIERË NË TEATRIN E GJILANIT 🎭

🐜🦗 “GJINKALLAT DHE MILINGONAT”

Një rrëfim i dashur për fëmijë që vjen në skenë me humor, muzikë, ngjyra dhe shumë energji.

Përmes aventurës së gjinkallave dhe milingonave, shfaqja sjell një histori mbi miqësinë, punën, përgjegjësinë dhe rëndësinë e bashkëpunimit.

🎟 Ju mirëpresim nesër, e shtunë, 12:00h, në Teatrin e Gjilanit për të ndarë së bashku magjinë e teatrit! 🌟🎭

Autore: Sonila Kapidani
Regjisor: Shkelzen Berisha

Shfaqja është produksion i Teatrit të Gjilanit në bashkëpunim me shkollën "Hello".

Fotot: Bajrush Ahmeti