Shkolla e Mesme e Agrobiznesit dhe Teknologjisë "Sahit Baftiu " - Gjilan

Konkurs Publik per Arsimin per te Rritur. Regjistrimi i kandidateve behet nga data: 17.06.2026- 16.07.2026. Kandidatet do t’i nenshtrohen procedurave nga muaji shtator. Ndersa, tani do te behet vetem regjistrimi i kandidateve.

Ekskursioni i maturantëve të SHMAT ''Sahit Baftiu'' - 2026
Krujë
Vlorë
Tiranë
Organizuar nga Drejtoria Komunale e Arsimit DKA - Gjilan, mbështetur nga Komuna e Gjilanit.

Ministria e Arsimit dhe Shkencës vazhdon vlerësimin praktik të maturantëve në kuadër të arsimit dual në profilet Kuzhinieri dhe Floktari.

Në ceremoninë e certifikimit të profilit Kuzhinieri në ShMAT “Sahit Baftiu” në Gjilan, dhe Floktari në IAAP “Zenel Hajdini” në Ferizaj, mori pjesë zëvendësministri në detyrë i Arsimit dhe Shkencës, Përparim Kryeziu.

Ai theksoi se arsimi dual po tregohet si mënyra më e mirë dhe më e sigurt për punësim pas shkollës së mesme, duke dëshmuar rëndësinë dhe vlerën e ndërlidhjes së arsimit me tregun e punës.

Zëvendësministri Kryeziu përgëzoi nxënësit për suksesin dhe falënderoi bizneset, partnerët, prindërit, mësimdhënësit dhe komunat për mbështetjen në zhvillimin e arsimit dual.

Gjatë vitit shkollor 2025/2026, arsimi dual po zbatohet në 17 komuna, 32 shkolla dhe përfshin mbi 2,500 nxënës.

Në këto ceremoni morën pjesë edhe përfaqësuesi i LuxDev, Jürgen Kosemund, zyrtarë të MASh, drejtues të drejtorive komunale të arsimit, përfaqësues të Odës Ekonomike, bizneseve, mësimdhënës, prindër dhe nxënës.

Nxënësit e Shkollës së Agrobiznesit dhe Teknologjisë ‘’ Sahit Baftiu’’, të drejtimit Kuzhinieri, morën sot certifikatat zyrtare për Arsimin Dual në Kosovë. Kjo është gjenerata e dytë, që pranon certifikata të tilla.

Në ceremoninë e certifikimit ishte i pranishëm Drejtori i Arsimit, Jeton Rexhepi, Zëvendësministri i Arsimit, Përparim Kryeziu, përfaqësues të organizatave ndërkombëtare dhe partnerëve të Lux Devi, përfaqësues të bizneseve partnere dhe prindër. Suksesi i këtyre nxënësve, mbi të gjitha, është angazhimi i pakursyer i profesorëve të lëndëve profesionale, të Mësimit Dual, të drejtimit Kuzhinieri: profesorit Besim, profesoreshës Safete, profesorit Rabit, profesoreshës Shyrete, profesorit Ahmet, profesoreshës Zijavere, e mbi të gjitha profesoreshës Mizafere, si kujdesare e klasës.

Suksesi i këtij profili tashmë është i dëshmuar dhe i garantuar. E kjo ,mund të shërbejë si një sinjal, për një riorientim të të rinjve, për një zgjedhje ndryshe të shkollimit të mesëm , por ndoshta edhe për një riorganizim ndryshe nga institucionet vendimmarrëse të arsimit.

Një mbrëmje plot shkëlqim, mbushur me elegancë , kompletuar me shije, paraqitur me kujdes dhe me vëmendje në secilin detaj, në natën më të veçantë të tyre, kur po mbyllin një kapitull, për të hapur një të ri, atë të dëshmisë se vërtetë janë formuar si profesionistë të fushave të kulinarisë e të biznesit agronom.
Suksesi paçi në çdo fushë të jetës, ju maturantë të Shkollës së Agrobiznesit dhe Teknologjisë ‘’ Sahit Baftiu’’, dhe shkëlqefshi gjithmonë siç keni shkëlqyer në Mbrëmjen e Maturës.
Matura 2026. Foto Video Ajeti

Para nxënësve të klasave të nënta, të ShFMU ‘’ Dëshmorët e Kombit’’ në Livoç të Ulët, u prezantuan drejtimet e reja profesionale, të ShMAT ‘’Sahit Baftiu’’. Prezantim nuk ishte thjeshtë një listim profilesh, por një pasqyrim i qartë i një mundësie të madhe, drejt një rrugëtimi për ngritje në karrierë, në fushat e shumë kërkuara të agrobiznesit, si: Kuzhinieri, Teknologji ushqimore, Agrobiznes, Hortikulturë e Mbrojtje e bimëve; si dhe në profilin Laborant i biologjisë.
Zgjidhni drejtimet e shkollës sonë, sepse në të ardhmen, ato do të ju bëjnë të jeni përfituesit më të mëdhenjë të punës dhe mundit tuaj.