Fakulteti i Filologjisë Këshilli Studentor

Home
Kosovo
Gjakova
Fakulteti i Filologjisë Këshilli Studentor

Contact information, map and directions, contact form, opening hours, services, ratings, photos, videos and announcements from Fakulteti i Filologjisë Këshilli Studentor, College & University, Rr. Normalja e Gjakovës, Gjakova.

19/02/2026

📚🇽🇰 Orë letrare në nder të 18-vjetorit të Pavarësisë së Kosovës

Sot, në bashkëpunim me Klubin Letrar, organizuam një orë letrare për nder të 18-vjetorit të Pavarësisë së Kosovës. Aktiviteti u hap me intonimin e Himnit të Kosovës, duke krijuar që në fillim një atmosferë dinjitoze dhe solemne.

Fjalën hapëse e mbajti Dekani, prof. ass. Labinot Berisha, i cili theksoi rëndësinë e aktiviteteve që forcojnë ndërgjegjen tonë kombëtare dhe kulturore. Si Kryetar i Këshillit të Studentëve, pata nderin të falënderoj të pranishmit për pjesëmarrjen dhe mbështetjen në këtë organizim me vlerë.

Interpretimet e studentëve ishin thellësisht emocionuese – fjalë që na prekën në shpirt dhe na rikujtuan sakrificën, dhimbjen dhe krenarinë e të qenit pjesë e këtij shteti. Si pikë përmbyllëse, nxënësit e klasave III dhe IV të shkollës “Dëshmorët e Baballoqit” – Deçan sollën një valle plot gjallëri e krenari. Pas emocioneve të forta, kjo ishte një frymë shprese – sepse fëmijët janë e ardhmja jonë dhe e ardhmja e Kosovës është premtuese.

Ky aktivitet dëshmoi edhe një herë se kur studentët angazhohen me përkushtim, rezultatet flasin vetë. Organizimi la përshtypje të veçantë tek të pranishmit dhe u vlerësua me mirënjohje nga shkolla mysafire për mikpritjen dhe bashkëpunimin.

Falënderoj kryetaren e Klubit Letrar dhe të gjithë anëtarët e klubit për bashkëpunimin korrekt dhe profesional. Falënderim i veçantë për stafin e shkollës “Dëshmorët e Baballoqit” për praninë dhe kontributin e tyre. Mirënjohje për Dekanin për motivimin e vazhdueshëm, si dhe për të gjithë profesorët dhe studentët që ishin pjesë e këtij organizimi.

Universiteti ynë, e në veçanti Këshilli i Studentëve të Fakultetit të Filologjisë, mbetet i përkushtuar që të zhvillojë aktivitete me ndikim, të forcojë bashkëpunimet institucionale dhe të hapë dyer të reja për studentët tanë.

🇽🇰

22/01/2026

Sot, më datë 22.01.2026, në cilësinë e Kryetarit të Këshillit Studentor, është dërguar kjo letër, drejtuar MASHT-it rreth çështjes së bllokimit institucional të Universiteti “Fehmi Agani” në Gjakovë.
“Studenti s’duhet, në asnjë rrethanë, të shndërrohet në viktimë të mosmarrëveshjeve ndërinstitucionale”

25/12/2025

Më datë 23.12.2025, në Universitetin Fehmi Agani, konkretisht në Fakultetin e Filologjisë, drejtimi Gjuhë Angleze- Përkthim dhe Interpretim(në kabinetin e përkthimit), u mbajt një trajnim nga stafi dhe përkthyesit e kompanisë Translation Center me studentët e këtij drejtimi.

Qëllimi i trajnimit ishte që përkthyesit e ardhshëm ta shohin nga afër se si zhvillohet interpretimi në praktikë dhe jo vetëm në teori. Trajnuesit ndanë përvojat e tyre reale dhe disa këshilla të vlefshme se si të ndërtohesh si një interpretues i mirë.

Studentëve iu dha mundësia të përjetojnë vetë ndjenjën e interpretimit, duke interpretuar brenda kabinës drejtpërdrejt atë që po ndanin trajnuesit me studentët. Kjo përvojë u prit me shumë interes dhe la përshtypje shumë pozitive te studentët.

Kryetari i Fakultetit të Filologjisë, z. Albion Rexhaj, së bashku me Këshillin Studentor, falënderojnë kompaninë Translation Center dhe stafin akademik për këtë mundësi të çmuar, e cila u ofron studentëve përvoja reale profesionale dhe momente të paharrueshme.

30/10/2025

TAKIM ME PËRFAQËSUESIT E STUDENTËVE

Sot, më 30 tetor, u mbajt takim me përfaqësuesit e studentëve të Departamentit të Filologjisë, takimi i parë pas marrjes së mandatit tim si kryetar i KSFF.

Ky takim kishte për qëllim urimin e vitit të ri akademik, betimin e përfaqësuesve, një pjesë që për mua ka vërtet rëndësi, një pjesë që e kam pasur gjithmonë parim që nga dita që kam marrë mandatin. Betimi kishte qëllimin që studentët të jenë gjithmonë para vetes, para interesave personale. Po ashtu, u diskutua edhe ndarja e ideve të para për aktivitetet që do të zhvillohen gjatë vitit akademik 2025/26.

Ky takim ishte vetëm hapi i parë drejt një viti të mbushur me bashkëpunim, ide të reja, energji pozitive, por mbi të gjitha drejt sigurimit që studentët të jenë prioriteti ynë dhe tërheqjes të sa më shumë studentëve në Fakultetin e Filologjisë.

Me respekt të thellë,

Albion Rexhaj
Kryetar i KSFF

03/10/2025

“Konferenca e Tretë Shkencore Ndërkombëtare në Fakultetin e Filologjisë”

Më 29.09.2025, në Fakultetin e Filologjisë të Universitetit “Fehmi Agani” në Gjakovë, u mbajt me sukses Konferenca e Tretë Shkencore Ndërkombëtare me temë: “Çështje të gjuhës, letërsisë dhe përkthimit letrar”.

Në këtë konferencë u trajtuan tri tema qendrore:
👉 Gjuha – Shqipja përballë sfidave të globalizmit gjuhësor;
👉 Letërsia – Letërsia shqipe e shek. XX;
👉 Përkthimi – Qasje bashkëkohore mbi përkthimin letrar.

Rreth 55 pjesëmarrës nga Shqipëria, Maqedonia e Veriut, Kosova dhe Italia na nderuan me kumtesat e tyre, duke dëshmuar se konferenca të tilla përbëjnë momente kulmore të jetës akademike, sepse ofrojnë mundësinë të ndajmë dije, të diskutojmë për zhvillimet më të fundit dhe të prezantojmë prurje të reja shkencore. Përmes kumtesave dhe debateve, studiuesit kontribuuan në pasurimin e mendimit teorik dhe në forcimin e rolit që gjuha, letërsia dhe përkthimi kanë në ndërtimin e identitetit kulturor dhe në komunikimin ndërkombëtar.

Si kryetar i Fakultetit të Filologjisë, dua të shpreh një falënderim të veçantë për drejtorin e konferencës, Profesor Petrit Duraj, për organizimin e mrekullueshëm dhe përkushtimin e treguar, si dhe të gjithë kolegët e stafit akademik që dhanë kontribut të çmuar në këtë veprimtari.

Një falënderim i posaçëm shkon edhe për studentët tanë të mrekullueshëm, të cilët me angazhimin dhe pjesëmarrjen e tyre e bënë këtë konferencë edhe më të veçantë.

Gjithashtu falënderojmë të gjithë mysafirët dhe institucionet bashkëorganizatore: Universitetin e Prishtinës “Hasan Prishtina”, Universitetin e Tiranës, Akademinë e Shkencave të Shqipërisë, Universitetin e Tetovës “Fadil Sulejmani”, Universitetin e Shkodrës “Luigj Gurakuqi”, Universitetin e Prizrenit “Ukshin Hoti”, Universitetin e Salentos – Itali dhe Universitetin Ca’ Foscari – Venedik.

17/02/2025

Si studentë, ne jemi brezi që duhet ta mbajë gjallë frymën e atyre që sakrifikuan për këtë ditë. Si studentë, le të frymëzohemi nga historia jonë dhe ta ndërtojmë të ardhmen me dije, sepse një thënie thotë: “Nëse dëshiron të shohësh se ku qëndron e ardhmja e një kombi, shiko cilësinë e arsimit të tij”. Pra, sot mos festoni vetëm një fitore të së kaluarës, por edhe mbani një përgjegjësi për të ardhmen.

Le të kujtojmë se dashurinë për pavarësi e shtet s'mund ta zhbëjë përplasja jonë e brendshme. Përplasja është e përkohshme, atdheu ynë është i përhershëm.

VEÇ NJË KOSOVË KEMI.
Urime dita e pavarësisë!

Me sinqeritet dhe shumë dashuri,
Albion Rexhaj
Anëtar i KSFF

11/12/2024

It’s the most wonderful time of the year…

Address

Rr. Normalja E Gjakovës
Gjakova
50000

Website

https://filologjiku.uni-gjk.org/al

Alerts

Be the first to know and let us send you an email when Fakulteti i Filologjisë Këshilli Studentor posts news and promotions. Your email address will not be used for any other purpose, and you can unsubscribe at any time.

Want your school to be the top-listed School/college in Gjakova?