Gencer Dırvari

04/09/2026

Sot patëm kënaqësinë të vizitojmë Këshillin e Bashkësisë Islame në Skenderaj, ku u pritëm nga Kryetari dhe Kryeimami i Këshillit.

Gjatë këtij takimi, u njoftuam nga afër me punën dhe aktivitetet e Institutit të Hifzit, si dhe me angazhimin tonë në edukimin e nxënësve dhe mësimin përmendësh të Kur’anit.

Biseduam për mundësitë e bashkëpunimit dhe për rëndësinë e përkrahjes së aktiviteteve që kontribuojnë në edukimin dhe formimin e brezave të rinj.

E falënderojmë Kryetarin dhe kryeimamin për pritjen e ngrohtë dhe për gatishmërinë për bashkëpunim.

03/09/2026

🤍 Një mirënjohje që na nderon dhe na motivon!

Pas përfundimit me sukses të Hifzit të nxënësit tonë nga Mitrovica, Unejs Bejta, patëm nderin të pritemi në një takim nga Kryetari i Këshillit të Bashkësisë Islame në Mitrovicë, z. Ekrem Avdiu.

Në shenjë mirënjohjeje për kontributin dhe angazhimin tonë në përgatitjen dhe nxjerrjen e hafizave, z. Avdiu na ndau mirënjohje, të cilën e pranuam me shumë respekt e kënaqësi.

Në këtë takim morën pjesë Drejtori i Medresesë së bashku me Muhafizin, duke e bërë këtë moment edhe më të veçantë.

Ky vlerësim është një motivim i madh për të vazhduar me përkushtim në rrugën e mësimit, edukimit dhe ruajtjes së Fjalës së Allahut.

🤲 Allahu e shpërbleftë çdo kontribut dhe çdo përpjekje në shërbim të Kur’anit!

📖 “Dhe, me të vërtetë, Ne e kemi bërë Kur’anin të lehtë për përkujtim, por a ka ndonjë që të përkujtohet?”
— El-Kamer, 17

25/08/2026

29/07/2026

🌿📖 Hapa të rinj drejt Kur’anit 🤍

Një tjetër gëzim nga Kursi Veror 2026! Uvejs Stublla, Abdurrahman Haxha, Tahir Jaha dhe Omar Abdullahu kanë përfunduar me sukses mësimin e shkronjave të Kur’anit, duke hedhur kështu hapat e parë në leximin e Kur’anit Famëlartë. ✨

I urojmë për këtë arritje dhe lusim Allahun e Madhëruar t’ua lehtësojë mësimin e Kur’anit, t’ua shtojë dashurinë për të dhe t’i begatojë në rrugëtimin e tyre. 🤲🌸

28/07/2026

📚✨ Kursi Veror 2026 vazhdon me ligjëratën e radhës!

Me shumë kënaqësi ju ftojmë të merrni pjesë në ligjëratën e radhës të Kursit Veror 2026, e cila do të mbahet nga Mr. Sc. Fejsal Spahiu, nga Departamenti i të Rinjve i Bashkësisë Islame të Kosovës. 🤍

🕖 Ora 19:00

🌿 Ju presim të kalojmë së bashku çaste të dobishme, të mbushura me këshilla, mësime dhe reflektime që na afrojnë më shumë me Allahun. 📖✨

🌸 Mirë se vini! Ju presim me shumë kënaqësi. 🤍