SHFMU" Ukshin Miftari" Skivjan

Me krenari ju njoftojmë se nxënësi Elton Thaqi, i klasës së mësimdhënëses Luljeta Brahushi, ka marrë pjesë në garën ndërkombëtare "Einstein Olympiad Math – Preliminary Round", ku është vlerësuar me certifikatë për pjesëmarrje aktive dhe përkushtim.
Po ashtu, nxënësi Ylli Thaqi është kualifikuar për Finalen Kombëtare të garës ndërkombëtare të gjuhës angleze "HIPPO – English Without Borders 2026".
Këto suksese janë rezultat i përkushtimit, punës dhe angazhimit të vazhdueshëm të nxënësve, por edhe i mbështetjes së mësimdhënësve të tyre.
Një falënderim i veçantë shkon për mësimdhënësen Luljeta Brahushi për punën dhe përkushtimin e saj në zhvillimin e aftësive logjike dhe matematikore të nxënësve, duke i motivuar ata të marrin pjesë dhe të arrijnë suksese në gara të matematikës.
Gjithashtu, falënderojmë mësimdhënësen e gjuhës angleze, Mimoza Salla, e cila me angazhimin dhe përkushtimin e saj të vazhdueshëm po kontribuon në avancimin e njohurive të nxënësve në gjuhën angleze dhe në përfaqësimin e suksesshëm të shkollës në gara të ndryshme.
Shkolla jonë i përgëzon nxënësit për këto arritje të shkëlqyera dhe u uron shumë suksese në vazhdim.
Urime Elton dhe Ylli! Jemi krenarë për ju dhe për përfaqësimin dinjitoz të shkollës sonë.

Nxënësit e klasës së parë kanë arritur sukses të shkëlqyer duke fituar dy çmime në garat e organizuara me rastin e Festës së 1 Qershorit. Garat janë mbajtur në nivel të shkollës “Ukshin Miftari”, ku kanë marrë pjesë edhe nxënës nga shkolla të tjera.
Urime nxënësve për angazhimin dhe suksesin e arritur!

Me rastin e 1 Qershorit – Ditës së Fëmijëve, në shkollën tonë u organizuan aktivitete të ndryshme kulturore dhe artistike, si këngë, recitime, valle dhe vizatime. Nxënësit shfaqën talentin dhe kreativitetin e tyre, duke krijuar një atmosferë të bukur dhe festive. Gëzuar 1 Qershorin!

9 Maji, dita e shkollës sonë.
Urime Festa e Shkollës për të gjithë nxënësit, mësimdhënësit, prindërit dhe stafin!
Qoftë kjo ditë gjithmonë simbol i dijes, respektit dhe suksesit të përbashkët.
Gëzuar 9 Majin – Ditën e Shkollës sonë!

Mirëmbajtja e hapësirave të gjelbra në shkollë!
Punëtorët teknikë të shkollës sonë Agron Avdijaj dhe Agim Shoshi janë duke zhvilluar punime për rregullimin dhe mirëmbajtjen e shkurreve dekorative (gardhit të gjelbër) në oborrin e shkollës. Këto punime përfshijnë krasitjen, formësimin dhe pastrimin e tyre, me qëllim krijimin e një ambienti më të rregullt dhe estetik për nxënësit dhe stafin.

Ditës Ndërkombëtare e Tokës!

Sot në shkollën tonë u zhvilluan aktivitete të ndryshme në shënim të Ditës Ndërkombëtare të Tokës, 22 Prilli.
Falënderim i veçantë për Drejtorinë e Arsimit në Gjakovë për mbështetjen dhe kontributin e dhënë.

Të dashur nxënës dhe prindër,
Shpresojmë që pushimin pranveror ta keni kaluar mirë dhe të jeni gati për rifillimin e mësimit.
Ju njoftojmë se nga nesër, më 14.04.2026, rifillon mësimi. Çdo orë mësimore do të zgjasë 45 minuta.
Orari i mësimit është si më poshtë:
• Ora 1: 08:00 – 08:45
• Ora 2: 08:50 – 09:35
• Ora 3: 09:50 – 10:35
• Ora 4: 10:40 – 11:25
• Ora 5: 11:35 – 12:20
• Ora 6: 12:25 – 13:10
Ndërsa fëmijët e kopshtit dhe nxënësit e klasës përgatitore fillojnë nga ora 09:00.

Me respekt,
Drejtoria e shkollës.