Familja ne Islam

Lajmi në koment 👇

Ndahet nga jeta dijetari i madh Zaglul En-Nexhxhar

Bota islame dhe ajo shkencore sot humbën një nga mendjet më të ndritura të kësaj kohe. Dijetari i shquar egjiptian Dr. Zaglul En-Nexhxhar ka ndërruar jetë në moshën 92-vjeçare, në kryeqytetin jordanez, Amman.
Një jetë të tërë ia kushtoi kërkimit të së vërtetës, bashkimit të shkencës me shpalljen hyjnore, dhe ndriçimit të mendjeve me dritën e dijes. Si specialist në gjeologji, ai botoi mbi 150 studime shkencore dhe 45 libra, duke lënë pas një trashëgimi të pasur që do të frymëzojë breza të tërë.
Dr. En-Nexhxhar ishte gjithashtu një nga themeluesit e Komisionit Botëror për Mrekullitë Shkencore në Kuran dhe Sunnet, ku për dekada ndërthurte thellësinë e besimit me argumentet e shkencës moderne.
Sot, me ndarjen e tij nga jeta, një kapitull i ndritshëm i dijes mbyllet, por drita e mendimit të tij mbetet e pashuar në zemrat e atyre që kërkojnë të kuptojnë madhështinë e Krijuesit përmes shenjave të Tij në univers.
Allahu e mëshiroftë dhe e gradoftë me Xhenetin Firdeus!