19/02/2025
Për 4 ditë me radhë në shkollën tonë u mbajt trajnimi "Këshillimi në Karrierë" me nxënësit e të gjitha paraleleve të klasës 9-të, organizuar nga OJQ ABSM - Qendra Edukative dhe Këshillimore, me trajner Prof. Dr. Besim Mustafa. Gjatë këtij trajnimi, nxënësit patën mundësinë të diskutojnë për karrierën e tyre, sfidat që mund të hasin dhe mënyrën e përcaktimit të orientimit të tyre profesional në të ardhmen.
Ky trajnim synoi t'u ofrojë nxënësve mundësinë për të reflektuar mbi vendimet e tyre lidhur me karrierën, duke u siguruar që ata të bëjnë zgjedhje të informuara dhe të qëndrueshme. Rëndësia e marrjes së vendimeve të matura dhe të kujdesshme në lidhje me karrierën është thelbësore për zhvillimin e një koncepti real dhe të qartë në lidhje me orientimin e tyre të ardhshëm profesional.
Këshillimi i duhur dhe planifikimi i karrierës janë të domosdoshme për nxënësit, në mënyrë që ata të krijojnë një vizion të qartë për të ardhmen e tyre dhe të mund të përballen me sfidat e ndryshme profesionale. Ky trajnim i ofruar nga OJQ ABSM ka për qëllim t'i ndihmojë nxënësit të planifikojnë me kujdes rrugën e tyre profesionale, duke u mundësuar atyre zhvillimin e një karriere të suksesshme.
Faleminderit!
Me respekt
Pleurat Rudi
