Shfmu "Anton Ҫetta" Dol

Një kapitull mbyllet, një aventurë e re fillon. 📚✨
Ju uroj shumë suksese, shëndet dhe arritje në rrugëtimin tuaj të ri arsimor. Vazhdoni të mësoni, të ëndërroni dhe të besoni në veten tuaj.

Suksese nxënës të dashur! 🌟

Qershor, 2026! Mirëmbajtja e ambientit të shkollës 🌸

Në kuadër të mirëmbajtjes së ambientit shkollor, nxënësit mbollën lule në oborrin e shkollës, duke e bërë atë më të bukur dhe më të gjelbëruar. Ky aktivitet promovon kujdesin për mjedisin dhe zhvillon ndjenjën e përgjegjësisë tek nxënësit. 🌺🌿🏫
Falemiderit prindit Palush Nikolla për lulet !

📚 Festa e Abetares 2026 📚

Nxënësit e klasës së parë kremtuan me gëzim dhe krenari Festën e Abetares, duke shënuar një hap të rëndësishëm në rrugëtimin e tyre drejt dijes.

Përmes recitimeve, këngëve dhe aktiviteteve të ndryshme, ata dëshmuan njohuritë dhe aftësitë e fituara gjatë vitit shkollor, duke na bërë të gjithëve krenarë.

Urime të gjithë nxënësve për këtë arritje të veçantë dhe suksese të vazhdueshme në rrugën e dijes!

Urime për mësimdhënësen Anita Gjini për përkushtimin me nxënësit gjatë këtij viti shkollor.
📖🎓

🌟 Mbrëmja e Gjysmëmaturës 2026 🌟

Mbrëmja e gjysmëmaturës së nxënësve të klasës së IX ishte një mbrëmje e mrekullueshme, e mbushur me emocione, gëzim dhe kujtime të bukura.

Së bashku festuam një etapë të rëndësishme të rrugëtimit shkollor të nxënësve tanë, duke ndarë momente të veçanta në një atmosferë të ngrohtë e festive.

Urojmë nxënësit tanë për sukseset e deritanishme dhe për rrugëtimin e tyre të mëtejmë drejt arritjeve të reja.

Urime dhe suksese të gjithëve! 🎓✨

Nxënësit e klasës së nëntë realizuan një shëtitje njëditore, e cila kaloi në një atmosferë shumë të mirë dhe të këndshme. Kjo veprimtari kishte karakter njohës dhe edukativ, duke u ofruar nxënësve mundësinë të mësojnë, të socializohen dhe të krijojnë përvoja të reja jashtë mjedisit shkollor.

Gjatë shëtitjes, nxënësit treguan sjellje shembullore, përgjegjësi dhe bashkëpunim, duke e bërë këtë aktivitet një përvojë të suksesshme dhe të paharrueshme.

Falënderojmë nxënësit dhe mësimdhënësit për angazhimin dhe kontributin e tyre në realizimin e kësaj shetitje !📚🚌

Urime 1 Qershori për të gjithë fëmijët! 🎉👧👦
Me rastin e 1 Qershorit, nxënësit e klasave
1–5 zhvilluan aktivitete të ndryshme argëtuese dhe edukative. Përmes lojërave, aktiviteteve kreative, ata kaluan një ditë të bukur të mbushur me gëzim, buzëqeshje dhe momente të paharrueshme.

Me rastin e 1 Qershorit – Ditës Ndërkombëtare të Fëmijëve, nxënësit e klasave 6–9 zhvilluan aktivitete të ndryshme argëtuese, edukative dhe sportive. Përmes lojërave, garave sportive, aktiviteteve artistike dhe punës në grup, ata kaluan një ditë të këndshme të mbushur me buzëqeshje, bashkëpunim dhe kreativitet. 🎉👧👦📚⚽🎨

Nxënësit e klasave 1–5 realizuan një piknik të këndshëm dhe edukativ, ku kaluan momente të bukura së bashku në një atmosferë të gëzueshme .

Gjatë aktivitetit, nxënësit u angazhuan në pikturë, lojëra të ndryshme dhe aktivitete argëtuese, duke shfaqur kreativitet, bashkëpunim dhe energji pozitive.

Mësimdhënësit me përkushtimin realizuan këtë aktivitet, i cili i solli gëzim dhe përvoja të bukura nxënësve tanë.

Në shkollën tonë, në bashkëpunim me Policia e Kosovës, u mbajt një ligjëratë vetëdijësuese për sigurinë në trafik dhe përdorimin e rrjeteve sociale.

Gjatë aktivitetit, nxënësit u informuan për rëndësinë e respektimit të rregullave në trafik dhe përdorimin e sigurt e të përgjegjshëm të rrjeteve sociale.

Falënderojmë Policia e Kosovës për bashkëpunimin dhe kontributin e dhënë.