Shkolla Zekeria Rexha - Faqja zyrtare

Bazuar në nenin 20 paragrafi 2 nënpargrafi 2.2 të i Ligjit për Arsimin Parauniversitar (Ligji nr. 04/L-032-Gazeta Zyrtare Nr.17 shtator 2011), në Udhëzimin Administrativ (MASHTI) NR. 15/2023 për Vlerësimin e Performancës së Mësimdhënësve, Udhëzuesin për Vlerësimin e Përformancës së Mësimdhënësit për Përtërirje të Licensës së Karrierës i miratuar me Vendimin 01B/041, datë 29.04.2024 të Ministres së MASHTI-t, raportet e vlerësimit nga ekipi për vlerësim në kuadër të shkollës, si formulari F1 (vleresimi I drejtorit), formulari F2 (vetevleresimi I mesimdhenesit dhe dosja), formulari F3 (vleresimi nga koleget) dhe formulari F4 (vleresimi nga nxenesit) dhe Raportit përmbledhës (Formulari F-5 me te dhenat e detajuara te vleresimit), drejtori i shkollës nxjerr:

V E N D I M

Për përtërirje të për mësimdhënëset: Valbone Dinarama, Majlinda Polloshka, Majlinda Brovina dhe Nertila Gojani.

Licensa është e vlefshme nga data: 17.6.2026 deri më 16.6.2033.

!

Me respekt
Pleurat Rudi

Ju njoftojmë se, bazuar në vendimin të DKA-Gjakovë, ditët e humbura më 08.01.2026 dhe 09.01.2026 do të zëvendësohen më 22.06.2026 dhe 23.06.2026 për të gjithë nxënësit e klasës parafillore deri në klasën e 8.

Lusim prindërit që të sigurohen për pjesëmarrjen e rregullt të fëmijëve në mësim gjatë këtyre ditëve të zëvendësimit.

Faleminderit për bashkëpunimin dhe mirëkuptimin tuaj.

Projekti:"Vullnetarizmi Edukativ në fokus Shëndeti Mendor", po e përmbyllim me këtë aktivitet humanitar.
Për të finalizuar projektin me SupërVullnetarët do e organizojmë një aktivitet humanitar si: Sh*tja e ëmbëlsirave të përgatitur nga ne.

Mjetet e grumbulluara do të na ndihmojnë ta përfudojmë me sukses këtë projekt me kohëzgjatje një vjeçar.

Çdo kontribut i juaji për ne është sukses për të vazhduar më tej.

Faleminderit për mbështetjen dhe kontributin e juaj!

Sot, me këtë fotografi të përbashkët, kurorëzojmë një vit të mbushur me punë, përkushtim, bashkëpunim dhe shumë arritje.

Faleminderim të sinqertë për secilin mësimdhënës dhe punëtorë të shkollës për angazhimin e palodhshëm në edukimin dhe arsimimin e nxënësve tanë. Sukseset e shkollës sonë janë rezultat i punës së përbashkët, profesionalizmit dhe përkushtimit tuaj. Ju uroj shëndet dhe shumë suksese në vitet që vijnë.

Me respekt
Pleurat Rudi

Sot, mësimdhënësi Daut Musliu nga Gostivari, njëkohësisht autor i dy librave me tekste këngësh dhe orkestrime, “Notat në muzikë” dhe “Këngë autoktone”, i dhuroi bibliotekës së shkollës sonë këto dy botime të vlefshme.

E falënderojmë përzemërsisht mësimdhënësin Daut Musliu për këtë dhuratë të çmuar, e cila pasuron fondin e bibliotekës sonë dhe paraqet një vlerë të veçantë për aktivin e Artit.

Mirënjohje për kontributin dhe mbështetjen e vazhdueshme në promovimin e kulturës dhe edukimit artistik.

Me rastin e Ditës së Çlirimit të Gjakovës, nxënësit e klasave të katërta të SHFMU “Zekeria Rexha” zhvilluan një bashkëbisedim me komandantin e Bataljonit 137, Hekuran Hoda, Dukagjin Mici dhe Erzen Vala .veteranë të luftës çlirimtare.

Gjatë takimit u diskutua për sakrificën e luftëtarëve të UÇK-së, vlerat e luftës çlirimtare dhe rëndësinë e nderimit të atyre që kontribuuan për lirinë e vendit tonë.

Falënderojmë komandantin dhe bashkëluftëtarët për rrëfimet dhe mesazhet e tyre frymëzuese, të cilat zgjuan kureshtjen dhe interesimin e nxënësve për historinë tonë më të re, duke i motivuar ata që të ruajnë kujtesën historike dhe të vlerësojnë sakrificën e atyre që luftuan për liri.

Ky aktivitet shërbeu si një mundësi e veçantë edukative për të afruar brezat dhe për të përcjellë tek nxënësit vlerat e atdhedashurisë, respektit dhe mirënjohjes ndaj dëshmorëve, veteranëve dhe të gjithë atyre që kontribuuan në çlirimin e vendit.

https://youtube.com/shorts/StiINF4x_cM?si=81r3UmzsAl6jOKty

https://youtu.be/HqYSrC-kuMk?feature=shared

https://youtu.be/KuHNSErQkvI?feature=shared

Parada e Lirisë – 14 Qershor

Nxënësit e klasëve të V- ta morën pjesë në Paradën e Lirisë, e organizuar më 14 qershor, duke nderuar sakrificën dhe heroizmin për lirinë e vendit tonë. Me entuziazëm, respekt dhe krenari, ata u bënë pjesë e kësaj ngjarjeje të rëndësishme, duke përcjellë mesazhe paqeje, uniteti dhe dashurie për atdheun.

Pjesëmarrja e tyre dëshmoi përkushtimin e shkollës në edukimin e brezave të rinj me vlera qytetare, historike dhe kombëtare. Kjo ditë mbeti një përvojë e veçantë dhe domethënëse për të gjithë nxënësit dhe mësimdhënësit pjesëmarrës. 🇽🇰🕊️

https://youtube.com/shorts/9tO2nIinBy4?si=JQj_JB0taQyWLi8V

https://youtu.be/WO7s9oJJVN8?feature=shared

https://youtu.be/WC5cBRfTNaE?feature=shared

https://youtu.be/tkBORnLVS1s?feature=shared

Turneu në Futsall për nder të 12 Qershorit – Ditës së Çlirimit të Kosovës

Për nder të 12 Qershorit – Ditës së Çlirimit të Kosovës, u organizua turneu në futsall nga menaxhmenti i shkollës dhe aktivi i klasëve të 5-ta, nën menaxhimin e mësimdhënësve të Edukatës Fizike.

Ky aktivitet sportiv u karakterizua me frymë ekipore dhe respekt i ndërsjellë, duke promovuar vlerat e sportit dhe të bashkëpunimit mes nxënësve.